بعيوني لمعة دمع ..
ومنين ماالتفت الگة العمر ذبلان
والحيرة ماتنوصف،
لا جرحي طاب وتفض لا ميت وخلصان '
تعبان مو من حمل من الوكت تعبان ...
______
فيروز بهمس: فاطمههه
فاطمه :ها
فيروز : ولج اليوم نضل نباع ع سبيستون مو تنامين خوش
فاطمه :اي ادري يلا تعاي بصفي
___
امي الله يرحمها جانت قبل متخلينه نتفرج تلفزيون ابد وبليل انام من وكت جانت مسويتنه نضام عسكري انام كلنه ونكعد كلنه وكلنه نلتم ع الاكل والي ميريد تروح حصته مو مثل هسا كلمن ياكل وحده وكلمن يكعد حسب مزاجه جانت ايام كبل احلى وجانت لمتنه حلوه مو مثل هسا
___
نامت امي وكمت من فراشي اني وفاطمه نمشي ع اطراف اصابيعنه شغلنه تلفزيون وكتمنا كعدنه نباع تلفزيون لمن خلص ساعه احنه نباع كملنه ورجعنه نمنه
كعدتنه امي ساعه ب٧ صبح كنس وطبخ
وتنضيف خالتي راح تجي بعد سوت كليجه وبدينه نحضر للريوك الجاي المهيل وابوي جاب كمر عرب من جيرانه وامي جابت جبن عرب وفرشنا سفره ولتمينه ناكل بدون صوت
كملنه وكلمن راح الشغله طلعنه للبستان
سندس: فيروز اني ارفس هاي الساكيه وانتِ ذيج خلي نكملهن عالسريع
فيروز : الكرك وينه يمعوده والله هسا تجي امي وتلكانه مامكملين
سندس : ذاك يل عميه
كمنه نرفس بل ساكيات حتى توصل لباقي الزوع
اجه احمد يركض ولج فيروز اجت خالتي تعالنن
رحنه نركض للبيت نتسابق ياهوه الي يوصل اول
دخلنا لبيت وتلكونه ولد خالتي الفرحه الي متنوصف سلمنا وكعدنه نسولف ونضحك
للعصر طلعنه للبستان اني وفاطمه واحمد و ولد خالتي كلهم رحنه للبستان نلعب ونشتغل
من اجو لسه ملاحضه نضرات شهم متركزه عليه
هذا شبي رحت يمه كتله شبيك يمعود بس تباوعلي شنو هلكد اني صايره حلوه
شهم : انتِ من يوم يومج تخبلين فيروز
فيروز : مادري شصار بيه هذا شبي يمعود شنو متأثر انت بل مسلسلات حجي
شهم : فيروز اني راح اروح
فيروز : وين
شهم : بجيش ومادري ارجع لو لا
فيروز : شبيك يمعود وانتَ شعندك رايح
شهم : هوه هاي تجنيد الازامي
فيروز: يعني بعد ماترجع
شهم: الله اعلم بعد بس اني اريد اقضي هل اسبوع كُله يمج واشبع من شوفتج خاف بعد ما ارجع
فيروز : مستغربه كُلش من كلامه شبيك شهم ليش هيج تحجي وشنو بعد ما ترجع يمعود شبيك
شهم : تنهد وكال مابيه شي
فيروز: صدُك اكلك لكيتلك مره شنو تخبل انتَ مرمرت كلبي ياهيه الي اكلك عليها تكلي ماريدها
شهم: حجتها بنتر تعالي هناك نحجي ماكدر احجي هنا امشي كدامي
فيروز : مشيت ع سريع خاف يدفني هنا هذا مخبل
مشينه بعيد عنهم اول ما وكفنه جرني من زندي ويحجي بصياح
شهم: يعني انتِ غبيه لو شنو شنو بعقلج كليلي ها احاول ابينلج حبي بكل طرق بس انتِ غبيه غبيههه حيل احبج من صغر وصار سنتين احاول المحلج وانتِ ولا كأنو وحايره دورين عروسه الي ماريد اتزوج اني اريدج انتِ فهمتي
فيروز : من الصدمه بعد ما اعرف شحجي وشكول لسه ما مستوعبه الي ديصير ضليت صافنه ورا شوي نتبه النفسه شون لازمني ومقربني اله بعد ايده عني وكعد بل گاع
ضليت واكفه وسمعت صوت فاطمه اصيحنه
نرجع للبيت
_____
رجعنه للبيت وكعدنه ملتمين خالتي وامي يحددن عرس سيناء وحسنين واني بالي مو يمهم افكر بكلام شهم شديصير وشكال شنو يحبني احنه جنه اقرب اصدقاء لبعض
شنو يحبني شوكت هاي ليش ما حسيت بس اني مو مال حب بعدني صغيره هستوني صار عمري ١٣سنه
مر يومين واني ابد لا حجيت ويا شهم ولا تقربت اله صرت ابتعد عنه بكل طرق حتى كلامي ويا قليل مو مثلل قبل
جانت خالتي حيل مستعجله بزواج سيناء وحسنين وحتى العرس صار سكته يعني بيناتنه
ورا سبوع بدت مراسيم العرس سويت امي حنه بس عزمت اهل المنطقه ثاني يوم جانت الزفه بس جانت كُلش بسيطه بسبب الضروف الي احنه بيها
وخلصت الزفه وراحت سيناء لبيتها الجديد
جانت هاي اول وحده تطلع من بيتنه
ابوي اكثر واحد ضاج وزعل لن ابوي كلش يحبنه احنه البنات ويعزنه
ورا عرس سيناء ب يومين جنت كاعده برا بل طارمه ....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حسابي ❤️🩹❤️🩹
