يالمعوُضنيِ كلُتعبِي
شجازيِ عيوُنـك الحـلوهُ؟
شجازيِ الكبل لا اعثرُ!
يكليِ اندارلَك فدوهُ!!
__________
كاعده بل طارمه وحدي كلها نامت
كلما اتذكر كلام شهم مدري شيصير بيه جان
اعز اصدقائي ماعندي حتى صديقات بس هوه
الاقرب الي صح كلمن ب مدينه بس من يجي
يعوضني عن الايام الي ما جنه قريبين عن بعض
مالي بكلبي حب بس صديق صح ما اعتبره اخ
مادري شديصير بيه وشنو الي راح يصير
كاعده افكر واحس احد يمشي وراي كل ضني
علي فاطمه التفتت فاطمه بطلي سخافه ترا ضايجه درت وجهي وشفت شهم كبلي من
الصدمه كمت وكعدت ورجعت كمت
اجه اتجاهي جرني وطلعنه بل بستان كعدنه ع جذع مال نخله
شهم : فيروز اني رايح لجيش ويمكن هاي اخر مره اشوفج بيها
فيروز اني احبج من الصغر والله احبج واحب كل تفاصيلج جنت احسب للعطله يوم يوم ساعه ساعه
بس حتى اشوفج ولج اني صرت مدمن بيج احبج اني اجيت اليوم اشبع منج وعترفلج خاف بعد ما ارجع وجبتلج هديه وياي خليها يمج تذكريني بيها منا لمن ارجع واخطبج وذا متت هم خليها تذكريني
كام حضني وراح واني ضليت متصنمه لا حجيت شي ولا سويت اي ردت فعل
راح واني ضليت مثل الواحد كفخني بعد ماعرف شسوي
رجعت نمت واني افكر بكلامه لحد ما غفيت
ورا زواج سيناء اجو خطابه على سندس من العرب واهلي قبلو وباقل شهر تم كلشي
صار لبيت فارغ بقينه بس احنه الاربعه
وراها بشهر اجانه خبر اختي سيناء حامل جانت فرحتنه متنوصف
ومر شهر ل روحه شهم لجيش ولا سمعنه عنه اي خبر
احس بهل فترا كلش ستفقدته وشتاقيتله
يارب يرجع سالم بكل صلاه وبكل غروب ادعيله
مرت ٩ اشهر احس صارت ٩ سنين شهم يجي لبيتهم بس ابد ما اجه وشافني احس بديت احبه مادري ليش
ولدت اختي سيناء اول حفيد بيتنه وبيت خالتي
جانت فرحه متنوصف بس فرحتنه ما دامت
ابوي ورا ولادت سيناء نضرب جلطه ومات جانت اسوء ايام حياتي
ابوي سندي وحياتي مات كلشي ختفه ورا حتى ضحكتنه راحت البيت صار يخوف حيل بعد وفاه ابوي
مره سنه كامله ع وفاه ابوي اسوء سنه مره عليه
لن اني جنت مدلله عد ابوي ماحسيت بطعمها حسيتها تركض ركض
___
كعدت امي تسولف وكالتت اني اريد ازوككم قبل لا اموت
واني راح اخطب لاحمد بنيه اعرفها من كرايبنه
محد اعترض خطبت امي لاخوي احمد كرايبننه
زهراء وصار العرس امي سوت عرس كلش جبير لن هوه ابنها الوحيد
جان ناقصنه بهل عرس بس ابوي
وتزوج اخوي جانت مرت اخوي حيل حبابه
وراها خطبني اخوها واني قبلت واني جنت راضيه بس خايفه من امي اكلها ما اريد
سكتت وقبلت وعقدنا سيد و اختي فاطمه تقدملها واحد من كرايب ابوي
امي قبلت تزوجت فاطمه قبلي اتزوجت ب ١٣ سنه
مر على زواج فاطمه شهر. وامي حيل تعبت
ضلت شهر بل مستشفى تعبت كليتها
حيل تأذينه بمرضها ردت اتبرع الها بس مالحكنه عليها وماتت امي وعوفتنا
ماشبعنه منها ابد امي ماتت وابوي
____
فاطمه : من تزوجت لسه ما شفت خير بزواجي
زوجوني واني كلي عمري ١٣سنه
كلشي شفت يمهم اني الي جنت مدلله عد اهلي هسا انضرب وانهان
محد يحترمني ورا زواجنه ب ب٤ اشهر اخوات زوجي يكول ما تخلف مايصير عدها زواج هواي سمعت حجي
وراح حبلت بسما سلمت منهن من غلط واهاين ورا ولادتي قررت اطلگ ماتحمل اعيش بعد يمهم
رحت لبيت اهلي...
