سليم بصوت على جدا : كياااااان !!
اتفزعت كيان من الصوت اللى جاى من خلفها
و بسرعة ذهب إليها و فجأة شدها من دراعها بقوة
كيان كانت بتحاول تنزع يدها و لكن كانت قوة قبضته اكبر من جسمها الضئيل
الدكتور : انت ازاى تشدها بالطريقة دى
سليم بنظرة حادة و لم ينتظر و لكمه ضربة وقع الدكتور من قوة الضربة
سليم : الضربة دى عشان حاولت تيجى جنب حاجة تخص سليم الدمنهورى
كيان : سليم خلاص بالله عليك هو معملش حاجة لكل دا
الدكتور : انت ازاى تتجرأ و تعمل اللى عملته دا
سليم : شكلك متعرفش انا مين و ممكن اخليك تفقد منصبك دا فى لمح البصر ف اعقل كدا يا شاطر و إياك بس تبص ليها مجرد نظرة ساعتها انسى اسمك و مكانتك دى نهائي
شد سليم كيان من دراعها
كيان : انت ايه اللى عملته دا انت مبتفهمش
سليم : أمشى قدامى يا كيان و مش عايز اسمع صوتك عشان معملش حاجة تندمى عليها بعدين
على : اهدى يا سليم محصلش حاجة لكل اللى انت عملته دا
سليم : على خد سارة روحها و متتدخلش فى حاجة متخصكش
على خد سارة روحها
وسليم شد كيان و دخلها سيارته بقوة
كيان لسه هتتكلم
سليم بزعيق : مش عايز اسمع صوتك انتى فاهمة
كيان وهى بتدعى ربنا فى نفسها انه ميعملش فيها حاجة
.....
عند سارة و على
سارة : انا خايفة اوى يا على من سليم دا ممكن يعمل فى كيان حاجة
على : متقلقيش يا سارة خير ان شاءالله
انا عارف ان عصبية سليم مش كويسة بس عمو سالم اكيد فى البيت و هيمنع سليم انو يعمل اى حاجة فى كيان
بعد مدة وصل سليم قصر الدمنهورى
نزل من العربية و سحب كيان خلفه بقوة
سالم وهو شايف منظر كيان بين ايد سليم
سالم: فى ايه يا سليم ايه اللى حصل عشان تجيب مراتك كدا انت اتجننت
سليم : محدش له دعوة دى مراتى و انا حر محدش يدخل بينى و بينها انتم فاهمين
سالم : هو ايه اللى انت حر انت اتجننت
امنه بخبث: هتلاقيه شافها مع حد كدا ولا كدا
سليم ترك ايد كيان و توجه ناحية امنه و صفعها قلم نزفت من قوته
سليم : القلم دا عشان تخطيتى حدودك و اتكلمتى عن حرم سليم الدمنهورى
و صفعها مرة أخرى ..
والقلم دا عشان قولت ليكى متتدخليش فى حياتى وانتى عصيتى امرى ...
المرة اللى جاية هخليكى تنزلى تبوسى رجليها انتى فاهمة يا رخيصة
امنه بغضب : والله لاندمك يا ابن الدمنهورى على الكف دا و هدفعك تمنه غالى اوووووى
سالم : امنه انتى اتجننتى ولا ايه انتى بتهددى ابنى قدامى و بتتهمى مراته و عيزاه يسكت ليكى انتى شكلك ناوية على خراب بيتك يا امنه هانم ..
تركتهم امنه و هى تتوعد لهم بالجحيم
اما سليم سحب كيان التى تحجرت الدموع فى عيناها و تأبى النزول
وادخلها جناحهم بقوة و قد ارتطمت كيان فى الأرض
سليم : انا مش قولت متقفيش مع حد
كيان بقوة مزيفة: دا الدكتور بتاعى
سليم بعصبيه: انا عارف انه الزفت واقفة معاه تعملى ايه
كيان : هو نادى عليا و مينفعش مردش عليه كان بيقولى لو انا احتاجت مساعدة ابقى اطلبها منه
