دخل على يطمن على كيان ولكن تفاجأ عندما رأى كيان تبكى بحرقة
و دى كانت أول مرة يشوف كيان و هى ضعيفة
على بخوف : مالك يا كيان فى ايه
كيان مسحت دموعها بسرعة و حاولت أن تخفى ضعفها
كيان : هااا مفيش بس افتكرت ماما
على : كيان انا عارفك كويس مش اى حاجة تخليكى تعيطى او تضعفي كدا
هو سليم قالك حاجة
كيان لا رد ……
على : انطقى يا كيان سليم قالك حاجة
كيان بانهيار : عايزنى اقولك ايه يا على عايزنى اقولك ان صاحبك جه وقالى انا مش محتاج شفقة منك ولا عايزنى اقولك انو هو قلل منى انا مش بساعده عشان خايفة عليه انا بساعده عشان مش بعرف اشوف حد محتاج منى مساعدة و اسيبه
لكن هو قلبه جاحد قلبه مات يا على كل اللى همه اتو ازاى يكسرني ازاى يعيشني الجحيم مقدرش سنى انى لسه صغيرة على العذاب دا انا خلاص تعبت تعبت
على بحزن على تلك الصغيرة : والله يا كيان انا اللى هقف جانبك عشان اخد حقك منو حتى لو هنخسر بعض
كيان : لا يا على متخسرش صاحبك عشان
على : انتى عبيطة يا كيان سليم لازم يفهم ويعرف انو بيدمر و يجرح ناس كتير
كيان : انا سليم دا هخلى كل الناس يبعدوا عنه هخسروا كل حاجة بس قبل دا كله لازم اكمل دراستى هى الدافع الوحيد ليا انى انتقم من سليم
“العلم هو الدافع الوحيد للوصول لهدفك فاسعوا من أجل اقتناء العلم ”
على : وانا معاكى يا كيان مش هسيبك انتى و سارة غير و انتم ان شاءالله محققين حلمكم و واخدين حقكم من اللى ظلموكم
كيان : بس انا عندى طلب واحد يا على
على : اتفضلى انا تحت امرك
كيان: سليم ميعرفش انك اللى هتدفع مصاريف الجامعة
على : انا فاهمك يا كيان و دا شئ اكيد
كيان: شكرا بجد يا على انا لو عندى اخ مش هيقف جنبى وقفتك دى
على : متقوليش كدا يا كيان انتى جدعة و طموحة و انا كنت اتمنى انى يكون عندى اخت زيك
كيان : تسلم يا على يارب
على : يلا عشان اروحك انتى و سارة و اجى اشوف سليم
كيان : تمم يلا
بعد شوية …..
وصلت كيان و سارة و احمد و سناء البيت
و رجع على المستشفى
دخل على ل سليم
سليم : فينك يا عم من الصبح مش شايفك ليه
على و اراد ان يستفزه : كنت مع كيان
سليم بعصبيه: انت عبيط يا على هو ايه اللى كنت مع كيان
على: عادى كنت بوصلها هى و أهلها
سليم بغيظ : ماشى يا على بس اما اقوملك
على ببرود: ايه غيران ولا ايه يا سليم
سليم : انا اغير عليها ليه يعنى لا طبعا مش غيران
على : يمكن بدأت تحبها مثلا
سليم بارتباك: لا دا انت اتجننت رسمى
على : ليه بتتهرب من مشاعرك يا سليم ايوه انت بتحب كيان
ليه بتحاول تتصنع اى حاجة عشان تجرحها
البنت متأخرتش لما عرفت انكم متفقين فى فصيلة الدم
وانت بدل م تشكرها انها انقذتك من الموت
جرحتها بكلامك انت ايه يا سليم انت قلبك مات مبقاش عندك رحمة
كيان دلوقتى الدافع الوحيد انها أنقذت حياتك انها تموتك بالبطئ
ساعتها بقى يا سليم متبقاش تندم انها سابتك
سليم بعصبيه : على اطلع برا مش عايز اشوف حد
على : انا ماشى يا سليم بس ابقى افتكر كلامى عشان متندمش ساعتها
تسريع الأحداث ..
بعد اسبوع طلع سليم من المستشفى
و لا يوجد اى اتصال بينه و بين كيان ولا يعرف عنها شئ
و فونها مغلق
سليم لبس و راح الشركة
دخل على ورا سليم
على : سليم الوفد جاى بكرا لازم نكون فى انتظاره
سليم : تمم بس اهم حاجة يكون ورق الصفقة تمم
على : كله تمم
سليم : على بقولك
على : نعم يا سليم
سليم : ضرب النار اللى حصل دا كان مقصود
على : طايب انت شاكك فى حد معين
سليم : حاسس ان امنه ورا كل دا
على : طايب وايه اللى خلاك متأكد كدا
سليم حكى ل على كل اللى حصل قبل م يعمل الحادث
على : هى الست دى عايزة ايه مش كفاية اللى عملته زمان
سليم : مش هنخلص من شرها طول م هى عايشة
على : طايب و العمل
سليم : انا بدأت امسك طرف الخيط و لو الموضوع اللى فى دماغى طلع صح يبقى هى انتهت
على : طايب فهمنى
سليم : مش وقته اهم حاجة دلوقتى الصفقة
على : خلاص تمم … انا همشى بقى عشان أقدم ل كيان و سارة فى الجامعه
سليم وقد احس بالغيرة من كثرة معاملة كيان مع صديقه
سليم : طايب وانت ليه تقدم ليهم
على : عشان دول اخواتى يا سليم عمرى م هسيبهم لوحدهم و هساعدهم انهم ياخدوا حقهم من اى حد ظلمهم
سكت سليم ولم يرد
خرج على و راح ل كيان وسارة
عشان يقدم ليهم فى الجامعة
على : كيان سارة انا عيزكم تخرجوا من الجامعة دى وانتم حققتوا حلمكم و تكونوا ناجحين
سارة : ان شاءالله يا على انا بجد ممتنه ليك و على اللى بتعملوا معايا
على : متقوليش كدا يا سارة
كيان : طايب يلا ياختى انتى وهوا
على بضحك : عيلة فصيلة
كيان : ماشى يا عم هعديها المرة دى 😂
………
فى قصر الدمنهورى
امنه وفى بتتكلم فى الفون : انت غبى انت كنت هتودينا فى داهية
المجهول : مش ذنبى هو اللى زى القطط ب سبع أرواح
امنه : سليم مش هيسكت اختفى اليومين دول
المجهول : مش كفاية انى مختفى بقالى ٢٠ سنه بسبب اللى عملناه زمان
امنه: سليم دلوقتى مشغول فى الصفقة الجديدة بس وقت م تخلص الصفقة مش هيسكت الا م يعرف مين اللى ورا الموضوع
سالم بعصبيه و غضب : اااااامنه
امنه برعب ………
يتبع…
