1828(جاري التعديل )

part7

.
.7
.
.تلكَ‏ الفترة التي تحاول ترميم روحك فيها، تموت قبل أن تتماسك مرةً أُخرى.

.
بعد ما بجيت ما حسيت الا اني نايمه نمت بعمق نمت نومه تعب لو احد يقتلني ما احس اصلا

كعدت على صوت الباب ينفتح كعدت مفجوعه حيلل.
ومن دخل تراجعت ليوره لتسقت بعرضه الجربايه الي ورايه 

دخلت بنت جابت اكل وحطته على الطاوله

البنت ..  تعالي اكلي.  ميصير اضلين بلا اكل تتعبين

اني اصلا ما عرت الها انتباه  وجنت حيل خايفه اريد اطلع يربي كافي خلاص تعبت اذا هذا اختبار منك  يربي اترجاك  تساعدني حتى اقاوم

طلعت البنت واني جنت اباوع بالحيطان جنت جوعانه بس رجعت اكابر على نفسي بس ب الاخير مكدرت اذا ردت اطلع منا لازم  اكل حتى اشرد منا. عرفت مراح يعوفوني ولا راح يعوفوني.  يربي شنو مصيري اني هنا

....

مر سبوع اني بنفس الغرفه  بس اشوف هاي البنت يوميه تجيب اكل وماي وتطلع بدون متحجي وياي وتغفل الباب حتى اجتني حاله نفسيه

انفتح الباب فجأ ودخل هذا الي اسمه عمر

عمر..  شلونها الحلوه

بيني وبين نفسي. هو الحلاة وين رحمه للحمزه شبيهم ذوله

هو جر كرسي من الي موجودات بالمكان وكعد عليه يباوعلي وانا جنت اعقد حواجبي بعلامات استفهام هذا شبي مخبل هيج كعد. لا نضراته مقززه الصراحه

جوهان..  ليش دتباوع هيج  عاجبك المنضر شنو عاجبك الحاله الي اني بيها. بس كلي انت انسان  لا انت مو انسان لان الانسان عنده ضمير الي دا اشوفه انت ما عندك ضميره  انت شخص مختل ومريض انصحك تروح تتعالج.

اني دا احجي كل هذا الحجي وهو ما رف ولا جفن اله  وجان مغمض عيونه ويبتسم يربي صدك هذا مختل عقليا يخوف

تقرب مني ولزمني من حنكي حيلل وجرني ناحيته بقوه انا تألمت من قوه السحبه.

عمر.. هذا الي ما عنده ضمير ولا انسانيه ومريض مثل مجاي تمسلتين هسه اذا ما انكتمتي هسه  حيخليج تشوفين ملك الموت الي يسحب روحج

جنت بس ارجف صوته حاد وضاغط على فكي ب اصابعه بقوه بعدين كمل كلامه ودفعني حيل على الجربايه

بده ينزع بقميصه يفتح ب ازرار القميص انا هنا انتهيت تخبلت عدالي ناوي يسوي شي اليه 

جوهان ...  شدا تسوييي. ليش دا تنزع

هو يتقرب مني بدون كلام وجان يبتسم لحد ما نزع القميص بالكامل وشمره على الجربايه من الناحيه الثانيه اني انتفضت صار قريب عليه 

وصار فوكايه واني ابلع بريقي كوه  واكله شدا اسوي دموعي كامت تنزل  بدون وعي ابجي كمت ابجي هو وخر

رفعت راسي لكيته لازم جهازه بيده

عمر.. شكد جبانه  لعد 

انا عصبت حيل  يتلاعب بيه القذر

جوهان .. الله ياخذك

عمر.. مياخذ روحي قبل ما اخذ روحج

كال كلامه وجان يبتسم خذه منشفه من الموجودات بالكنتور ودخل للحمام  وانا جنت انتفض من الخوف.

وره ما طلع من الحمام طلع من الغرفها كلها ورها بربع ساعه اجني تلث بنات ومره جبيره بالعمر. وجانن جايبات وياهن ملابس وشغلات ثانيه

شهلاء..  يمه لا تخافين.  بس اجينه اني والبنوتات حتى نساعدج  يمه دخلي للحمام حتى تسبحين وترتاحين هم

صراحه صدك جنت محتاجه حمام يريحني وتعبانه بشكل جبير مو طبيعي

انطني الملابس ودخلت للحمام دخلت فتحت حلكي مو حمام غرفه كامله بيها جلسه كامره والبانيو  وانوع العطور  غسولات الجسم والمرطبات موجوده بالحمام رغم جنت بالغرفه بس ما دخلت  لهنا من قبل  المكان صدك حلو ومرتب بشكل  

اكيد هذا كله من الفلوس الحرام الله ليوفقهم ان شاءلله 

سبحت يمكن طولت بالحمام فوك الساعه لان مي دافي ارد اريح جسمي وعضامي الي تاذت من كعده والنومه 

وره ما طلعت لكيتهن كاعدات ينتضرني

شهلاء.. يمه  طولتي بالحمام عدالنه بيج شي

اني محجيت للان ولا حرف بس كتفيت بالسكوت وهي كملت كلامها

شهلاء. يمه لا تخافين مننا  احنه اجينه نساعدج بس  ونشوفج شمحتاجه.

كد ما كالت يمه اني اخر وحده متحملت دموعي ضلت تنزل لا ايرادي تذكرت امي شنو حالها هسه وهي شافتني ابجي  واجت حضنتني انا هنا علنت لستسلام لدموعي وكمت ابجي واشهك

شهلاء.. شكول عليك عمر. شكول عليك 

جوهان ..

_____________

يتبع ....