كل شخص له قصه نبدا ب الجده نوير..
نوير جميله وفوق جمالها جمال اخلاقها واسلوبها يعني انسانه تبارك الرحمن كثير خطبوها من قبايل متعدده لاكن هي رفضت الين تزوجة سعود الله يرحمه كان طيب معها ومع عياله يعني كانو عايله مره حلوه
من بعد ما مات سعود سندهم و ابوهم عاشو حياتهم وكبرو والى تزوج والى توظف بعد منئ طالبه وساكنه مع امها واخوها سلطان وزوجته وعيالهم ..
غزيل خذت جمال امها واسلوبها معلمة عربي كان زوجها ياخذ راتبها ويضرب بناتها يعني كان انسان مزعج وغزيل انسانه صابره وكتومه لدرجة اذا مد يده عليها راحت لمها زعلانه شافت مافيه غرفه زايده تجلس فيها وزوجة سلطان انسانه تبي تعيش لحالها مع زوجها وعيالها وصابره على الجده نوير ومنئ وبعد تجي غزيل بعدها ترجع غزيل لزوجها ما كانت تعلم احد انه يمد يده عليها او انه يضربها ويضرب بناتها ترجع ونفس الروتين ينعاد عليها يومياً لمدة ثلاث سنوات بعدها خلاص علمة امها طبعا الجده نوير مستحيل ترضا ان فيه وحده من بناتها تنضرب ولا بعد احفادها بنات غزيل كبرو وفاهمين كل شي ان ابوهم يضرب امهم وهكذا بشاير كانت انسانه كتومه واذا ضربها ابوها تسكت بس العنود على اسمها عنيده جداً جداً مستحيل تسكت كانت كل ماتشوف ابوها يمد يده على امها تجي تتمسك فيه وتعضه وهي صغييره وكل ماتكبر يكبر عنادها معها وقوتها ولاترضى ان احد يضربها يعني كانت قوووييه وكانت تدافع عن امها واختها في كل مره .. لما عرفة الجده نوير عن زوج غزيل قررتت تبني بيت قريب من بيت ولدها سلطان عشان تعيش هي وبناتها في ذا البيت وفعلا سوت البيت وخلصته كله عشان غزيل تجي وتسكن معها بعد ماسكنت الجده البيت هي وبنتها منئ وولدها راشد قررت انها تجمع عيالها سلطان و راشد وتقولهم عن سالفة غزيل
الجده نوير: انا يعيالي بقولكم موضوع صار له مده ماقلته لكم
سلطان: سمي يمه قولي الى في خاطرك
راشد: شذا الموضوع الى صار له مده عسى ماشر وش تكلمي يلغاليه؟
الجده نوير: غزيل ..
راشد بخوف بما ان غزيل نقطة ضعفه: يمه وش فيها غزيل تكلمي
سلطان: راشد اسكت خل امي تكمل سالفتها وانت قاطعتها وتقول تكلمي
الجده نوير: غزيل تبي تطلق من زوجها وانا سويت ذا البيت عشان بناتي
سلطان بعصبيه: يمه حنا ماعندنا بنات يطلقون غزيل ما ناقصها شي واما في سالفة البيت البيت بيتك وعسى عمرك طويل
راشد: نعم نعم وش هالكلمه ياسلطان اذا غزيل تبي تطلقق تطلق اليوم قبل بكره
سلطان: راشد بلا استهبال وش بيقولون عنا بكره الناس؟ بعدين وش فيها غزيل نقصها شي ضربها ماسوا الى كل شي طيب وزوجها رجال كفو
الجده نوير: سلطان وانت شعرفك انه مايضربها وانه ماينقص عليها شي هي وبناتها ؟؟؟؟
راشد بصدمه: ايشششششش ضربها !
سلطان: اذا مد يده عليها ولا على بناتها اكسر ايده الى مدها يمه انا ما ارضى ان وحده من خواتي تنضرب بس من قالك هالكلام وانا ماضنتي انه يضربها والكلام الى جاك كذب ولا تصدقين كل كلمه تنقال لك
الجده نوير بعصبيه: الكلام الى جاني ماهوبو كذب غزيل ورتني اثار الضرب اما انا بطلبكم طلبه انكم ماتسوون مشكله معه بس تروحون تجيبون اختكم وبناتها وتجون هو مسافر انا طلبتكم انكم ماتسوون مشكله
راشد: الله لايوفقه حنا معطينه اغلى بناتنا في الاخير يسوي كذا الحيوان
الجده نوير: طلبتك وانا امك اكانك تحبني ولي عندك خاطر انك ماتسبب مشكله تروح تجيب اختك وتجي طلبتك ياراشد
راشد: ابشري يمه ابشري بس عيني لاتشووفه
سلطان: دام السالفه كذا والله معاد يعرفها وانا اخو غزيل
الجده نوير تتصل على غزيل: الو كيفك كيف البنات
غزيل: لبيه يمه والله الحمدالله تمام انتو كيفكم
الجده نوير: انا قلت السالفه لخوانك وهم جاين ياخذونك خليك جاهزه
غزيل بخوف: يمه شسويتي انتي يمه راشد ايش يهديه الحين
الجده نوير: ماعليك مابيسوي شي فهمته وطلبته وقال ابشري
غزيل والغصه ماسكتها: يمه بناتي بياخذهم اذا جيت مع اخواني انا مقدر اعيش بدون بشاير والعنود يمه
الجده نوير: لاتبكين وانا امك والله ثم والله انه ما ياخذ وحده منهم بس اخلصي حاجتك اخوانك بطريق جايينك
غزيل: ابشري
خلصت غزيل اشياءها .. الباب يدق
غزيل: من
راشد: افتحي يعين ابوي راشد ماعليك
غزيل: فتحت الباب وهي تحضن راشد وتبكي
راشد: والله ياامنزل دمعتك مايتهنى في منامه وانا اخو غزيل
سلطان: ماعلييك وانا اخوك والله معاد يعرفك
غزيل: انا قبل اطلع من ذا الباب ابيكم توعدوني انكم ماتتعرضون له
راشد : ابشري بس مابيجلس بدون عقاب
سلطان: وش ناوي تسوي انت مجنون؟
غزيل: راشد تكلم لا تخوفني وش العقاب
راشد: اغلى شي عنده بشاير والعنود والله مايشوفهم الا من عيد لعيد وقفه عند الباب
غزيل بضحكه: ومن قالك ان بشاير والعنود اغلى شي عنده؟
راشد: ماعليك امكن حالياً مايهتم فيهم ولا يحبهم لاكن مع الايام ويكبرون بيفقدهم جدا بس مابيلقاهم
سلطان: يالله يالله اخلص علي شل كل شي وانا اخوك
راشد وهو يحضن العنود: مااصدق انك بتسكنين معي في نفس البيت
العنود عمرها ١١ سنه: ههههههههههههه ماعليك بتتمنى اني ماسكنت معك
راشد: هههههههه بتمنى كل شي الا ذا المنيه يعنيد
بشاير عمرها ١٣ : اقول خلاص انت وياها نشوف مع الايام
رجعو للبيت واستقبلتهم منئ والجده نوير احلى استقبال.. بعد مرور ٧ شهور ....
طبعا بيت سلطان قريب من بيت الجده غزيل فكل عصر عيال سلطان وبنات غزيل جالسين عند الجده الى يحضنها والى يلعب والى يتهاوش مع اثاني يعني عاشششووو سوا كأنهم اخوان صارو قريبين من بعض ومع الجده نوير دايم ..
الحمدالله🤍
