الفراشة البيضاء (ألبينو)

معلومة

الألبينو
هما الناس اللي بيبقا جسمهم مفيهوش صبغه ميلانين وده بيخلي لون جلدهم بيبقا ابيض وشعرهم ما بين الاصفر للابيض وعيونهم بتبقا ما بين اللون الازرق للبنفسجي وطبعا اختلاف درجات الميلانين في الجسم هي اللي بتحدد بس الناس اللي بيبقا شعرهم ابيض وعيونهم بنفسجي دول بيبقا معندهمش صبغه ميلانين في الجسم
المرض ده للاسف بيبقا وراثي
والناس ممكن تشوف أنه حاجه حلوة وكدة عشان الشكل بس للاسف المرض ده لية سلبيات كتير
زي ضعف النظر و أنهم مش بيعرفوا يقعدوا في الشمس فترة طويلة لان ده بيأذيهم ومش بيحبوا الغروب أو الشروق وكمان لو فضلوا في الشمس فترة طويلة ده ممكن يسببلهم سرطان الجلد
الحاجه اللي خلتني اتكلم عن المرض ده أنه اولا حاجه غير معروفة بس بصفتي طالبة في قسم اللغات الأفريقية
فانا عارفة الناس هناك في افريقيا بيعانوا ازاي بسبب المرض ده من ضمن الحجات دي مثلا أن بسبب الجهل
في ناس بتخطف الألبينو عشان يقطعوا أيديهم ويقدموها السحرة عشان يستخدموها في طقوسهم
أنا عارفة أن الموضوع يبان غريب بس للاسف ده بيحصل وبشكل كبير ولأن اغلب دول افريقيا ضعيفه فمش بتعرف تحمي الناس دي او تقدملهم المساعدة المناسبة

تاني سبب

هو العنصرية الناس دي في مجتمعاتهم سواء افريقيا أو هنا بيتمارس عليهم نوع من أنواع العنصرية
مش شرط أن العنصرية بتتمارس علي شخص بشرته سمرا لاء خالص
أنا اكتشفت أن العنصرية بتتمارس علي الاختلاف أو بمعني اصح التمييز

البطله بتاعتنا هتكون من اسوان
أنا هنا مش بقول أن طبعا أهل اسوان عنصريين أو اي حاجه من دي لاء طبعا
بس بالتأكيد اي مجتمع فيه الحلو وفيه الوحش واحنا في روايتي دي هننقد العنصرية بكل أشكالها
واتمني أن الرواية تنال اعجابكم

ملحوظه
الرواية هبدا انزلها لما اخلص اخر فصلين من رواية بيجان أنا بكتب فيهم....