هوس السادي بالفاتنة🔞 ♡ بالدارجة مكتملة ♡

الجزء الثاني والثلاثون

🔞هوس السادي بالفاتنة🔞
بارت94
رجعو القصر في نصاصة الليل لقاو العائلة مزال جالسين مشوشين ودراري عاد دخلو تاهما مع عاصي وأحمد قد قد
عاصي مدوا مع حد نيشان طلع البيتو ومعصب
الجد نعمان:فينها بنتي فينها
عدن(منزل راسو)ملقيناهاش تقول الأرض بلعاتها
نرجس:أبببنتييي اااااااه بغيييت بنتي احاااتمم جيييبها لياا اااه
بقات تتغوت وحاتم(هو راجلها لمبقيتوش عاقلين)معنقها وتيسكت فيها تا سخفات بين يدو هزها البيت حطها ومريم ديرة برا ݣنازة وعهد تيصبر فيها وعدنان وعدن جالسين معصبين عرفتو شناهو العجز هو للي حاسين بيه النار تتاكلهم من الداخل ولكن معندهم كي يديرو يوصلولها وقف عدن طلع البيتو تبعاتو جوانر بلاما يشوفها حد وجهاد خرج الجردة مفقوص جلس فيها أما عدنان نيشان البيتو يهز بيسيه يشوف الجيبي ايس تاع البغاصلي للي كان هدادا واش مزال خدامة تبعاتو جمانة بالحس بقات ريحانة تتشوف فيهم وفمريم للي مزال تتبكي وعهد جنبها معنقها جمعات وقفتها ومشات الكوزينة تشرب
الخادمة1(تتقفقف):وحدة فيكم ديه لو منديهش ليه أنا يمشي يقنبلني
الخادمة2:لا أختي شو كي معصب
دخلات ريحانة تتشرب وتتسمع فيهم
ريحانة:شكون هذا للي خيفين منو
الخادمة1:جابك الله هانتي نتي تتعرفي جهاد مغيقولك والو ديلو هاد الفنيد راه دواه وفات وقتو حيت كان خارج ودبا هو معصب لديناه لو أيوللي غير موكلنا شي طرح مقاد تاع العصى
ريحانة:ألا اختي إلا هداك تيتعصب تيوللي يدوز فكلشي
الخادمة2(بدات الدمع):عفاك أختي والله حنا عندنا غا هاد الخدمة باش هازين عائلتنا ولمشينا راه بالعصاب غيجري عليها وتاهاد دوا للي غدي ليه تاع العصاب
شافت تاعيات فيهم وشدات من عندهم البواطة وقرعة الما
ريحانة:فينو هو
الخادمة1:راه في الجردة
مشات ريحانة وكل خطوة قلبها تيرتاجف بين أضلعها
الخادمة2:كانت بنت مزيانة الله يرحمها
جهاد جالس في الجردة وعرف فراصو تيضرب بالجهد أصلا هو فيه العصاب وتيشرب دوا تاع العصاب واليوم معصب فوق القياس ودوا للي تيكالميه شوية مشاربوش شاد البيسي وتيخربق فيه باغي يعرف غا فين تيقلب الكميرات تاع برا ديال القصر ليكون شي حد تابعها من الأول ومع معصب عينو مضلمين أتيخربق
جاية وتدير خطوة القدام خطوة اللور وخايفة بزاف أصلا هي خوافة وهادشي للي خلا بزاف تاع الأمور وقعو في حياتها للي مزال مقالتهم لتاواحد تامن جمانة ممعاودالهاش هي انسانة كتومة لأقصى الدرجات قليل فين تتقول بللي ضاراها الحاجة تتكمدها وتسكت وصلات قدامو وكلها تترجف يالله غدوي ويهز راسو فيها عينو حمرين
جهاد(بصراخ تا قفزها):اااش باااغاا
قفزات وعينيها بالزربة عمرو دموع
ريحانة(تترجف):غير غير جبتلك دوا
.....يتبع

🔞هوس السادي بالفاتنة🔞
بارت95
ريحانة(تترجف):غير غير جبتلك دوا
جهاد:مبغييتووش ديه وسيري
ضارت غادة وفي نص طريق تنهدات ورجعات عندو حلات دوا وهزات حبة وشافت فيه تيشوف فيها ورافع حاجبو يالله غيدوي خشاتلو الفنيدة في فمو وبالزربة شدات القرعة حلاتها وحطاتها عند فمو تتكب وهو تيبلع ومصدوم من حركتها المفاجِئة
ريحانة(بابتسامة):ودبا مزيان
جهاد:شنو درتي
ريحانة(ببرائة):والو
جهاد(تنهد):مكنتش باغي نشربو تينعس وأنا معنديش الوقت
ريحانة(تنهدات):هانتا راه ضروري خاصك تسترخى باش تقدر تفكر غير دبا ترخى أنا الدوز نصف ساعة نفيقك
جهاد:ومتخلينيش ناعس حيت هاد دوا راه تيرخي بزاف أريحانة وأصلا عرق فراصي تيضرني
وقفات وجات من وراه تتماصي لو راسو
ريحانة:هاوا دبا مغيبقاش يضرك
بقات مدة تتماصيلو تاحسات بيه ترخى عاد حبسات غادة تا جرها من يدها وجلسها حداه وتكى على رجليها
جهاد(مغمض عينو):ماصيلي راسي غير يهدا شوية
تنهدات وبلاما تجاوبو حطات يدها تتماصي في فروة رأسو وتدوز لجبهتو حس بطعم الراحة ونسى الدنيا وما فيها مغمض عينو ومسترخي حركات يدها وريحتها للي يعيا مينكر أنها متدير فيه والو والواقع غير باقي فخوض صراعو مع عقلو للي مباغيش يعتارف بوقوعو في الغرام وقلبو للي اعتارف بل أعلن على تربعها فوق عرش قلبه نطق بكلمات مكانش حاسبلهم حساب فقط خرجو بدون وعي منو
جهاد:حتى قلبي الآن بدأ يعاندني ويخبرني عنك يا ذات عبق الريحان أهناك أجمل من عشق يغمره صوتك الرنان وجسدك الفتان فيا ويحك يا صغيرتي أن تبتعدي عني وتتركي مجالا للإشتياق فأنا بوجودك جانبي مشتاق فما بالك في غيابك يا ذات الشفتين الكرزيتين
ريحانة طول هضرتو مركزة وقلبها تيضرب على الجهد كلماتو للي قالهم فلحضة ضعف عطاوه بصيص أمل أنها تكمل فعشقو ومتقمعش قلبها الذي لطالما خفق متلهفا له واستمرت هي بقمعه طالبة منه نسيانه🌹⁦♥️⁩....يتبع
الكلمات البنات للي باللغة العربية تنكتبهم أنا يعني ميتهزوش بلا إذن

🔞هوس السادي بالفاتنة🔞
بارت96
تدارك نفسو لقولو ليها وجلس بسرعة ورافض بل نافي شنو قال
جهاد: هاد الكلمات رتبتهم على قبل حبيبتي كي جاوك
بقات تتشوف فيه حطم داك الأمل للي زرعو فيها كيفاش حبيبتو هو يعني مملوك لغيرها فضلت أنها تجاوبو بغبائها المعتاد
ريحانة:هه عارفة زوينين الله خاصني نطلاقاها ونقولها راه تتعدب باش تقلب على كلمات ههه
مجاوبهاش جر البيسي تيقلب أما هي وقفات مبتاسمة
ريحانة:أنمشي عند البنات نخليك
مجاوبهاش عاود ومشات وخلاتو هز راسو تيشوف فيها من الخلف
جهاد:شنو درتي أجهاد بيدك بعدتيها
أما ريحانة غير فاتتو ودموعها نزلو بسرعة جرات وتخشات في طواليط بكات وبكات وندمات حيت قلبها تعلق بمعذبها وقفات شافت في المراية وجهها للي ولا حمر وعينيها للي تنفخو ضحكات
ريحانة:هه من نيتك تيقتي راسك أصلا شكون أيبغي وحدة يتيمة عائلتك الغبية ومحنوش فك آش غتسناي من البراني فيقي أريحانة فيقي ههه غبية أنت بعشقك لغيرك وأنت لنفسك كارهة غبية لمنح قيمة عالية لنفس غير نفسك فيا ويحك يا قلبي من عصياني ثانية فليس أمامي سوى إزاحتك كما لو أنك لم تكن فلست أنا التي أجعل من قلبي ملكا على عقلي🥺
نمشيو لبلاصة غير قصر الجوهري وبالضبط فواحد الكوخ في واحد الجزيرة في غرفة طبية كانت مستلقية على السرير وراسها داير بالفاصمة وتا جنبها للي تطعنات فيه فيه فاصمة وبعض الخدوش جراء الحادثة السيروم فيد والألات تاع القلب والضغط ديرين بيها وجهها الشاحب يتوسطه قناع الأكسجين دخلات مرأة ببدلتها الطبية هزات سجل المريضة شافت تا عيات وتنهدات قربات قلباتها وخرجات عندهم
الطبيبة:كيف قلت ليكم جالتها استقرت الآن أتبقا بجانبها الفرملية للي غنبعث ليكم غتبقا تقابل دواها وتدݣو في السيروم وفأي وقت غتفيق
.....:أك شكرا تفضلي معايا
أشار لأحد ليݣارد داوها وهو هز هاتفو ربط اتصال
....:ألو اه واخا صافي غير تفيق غنجيبوها ليك
قطع الهاتف وبقا تيشوف ومشا جلس يتسناو الأميرة تفتح عينيها وتصح باش طلاقا مع البوص..... يتبع