فاطمه العزاوي.
بروحي حِزن ديره ومَلامح خوف وحَرب چذبه
وحِلم تايه هِجر جِفني ونهر ثالث حُفر خدي
غريب بگاع مَ تلمني.
زينب :الله كريم حياتي والله مااريد اعوفج لوحدج بس شسوي لأمي
حور:عادي خيه امج شما يكون صدكي ماكو مثل طيبة الاهل حته لو مو زينين
زينب : اوففف والله مدري شنو احجي مالي عين
حور:لا تحجين هيج
حور: ذكرت خل اكوم اافتح الفلوس اشوف شكد عدنا بالبيت ضامين لازم ارجع فلوسهم كمت للغرفه خليت كرسي حته انزل المخده الي فوك كنتور امي بيها عادة تلم فلوس بمخدات وذهباتنه نزلتهم طلعتهم شفتهم هواي ياربي الحمدلله خل احسبهم كلت لروحي حته اشوف شكد أن شاء الله يكفي حته انطيهم فلوس كامل وكمت احسب كلها طلع ٤ ملاين ونص وعدنه اني امي كل وحده تراجي وعندي كلادة بحرفي وامي عدها خلخال الي ضامته لان من امها وبس كلت إذا ماتكفي ابيع مالتي بس ابقي خلخال لان كلش غالي عليها واذا حيل بعت ماكفت كلما اشتغل اجيب انطيهم فلوس سمعت صوت الأذان اكوم اصلي وإن شاء الله تنحل
حور:كمت توضيت بديت اصلي فعلاً تحس كل تعب جسمك يروح بلحظه تحس روحك بين ايدين خالقك ع رغم اني جنت ابد مااصلي واكطع اذا اصلي يعني ما متلزمه وعمري بوكته ١٣ سنه فد يوم صدفه طلعلي مقطع كدامي ع الإمام الحسين عليه السلام انو هوه وبالحرب وبين الموت اي لحظه ماترك صلاته ففكرت بيني وبين روحي انو معقوله اني مراح اصلي وهيج اترك لو امل فعرفت بوكته الصلاة هوه اهم شي حته ربنا يكون ويانه وبديت من يومها وماكطعت لحد هسه الحمدلله وكلما اخلص صلاتي اقرا دعاء الفرج كملت وكمت ملل شسوي
حور:ياربي نوب دراستي شون أكملها هسه عطله نص السنه ويخلص وتبدي اني شون اكدر وحلمي واني حته فلوس معندي من انطي الفلوس لابو احمد إيجار شون ادفع وشون اكل اشرب يعني لازم اشتغل وشنو اشتغل لازم من بأجر الكه شغله تناسبني اخخخخ ياحسرتي بيكم حرفياً جنت احجي ويا روحي وارد لروحي بهل بيت أكوم اجيبلي شغلات بابا بلكت الكه شي يوصلني للبصره ع مود اندل عمامي اوف شجنت مخليه بالي من نوصل هناك وبابا يشوفوهم ولا وحده تحققت جبت صندوك اكو بابا مخلي كل سوالفه بي كلبتها بكاع وبديت ادور شفت االبوم صغير فتحته شفت بابا واكف ويا عائله بس ماذكر منو هما بضبط لان جنت صغيره من طلعنا مناك بس فرحت كلت بلكت مثلا اذا اروح للبصره اكو احد يعرفهم شي وصلت لصورتنه اني واسد الله ابن عمي هوه اكبر مني ب ٧ سنوات الي جنت متشوقه اشوفه اول ماوصل وهسه كبران وحته اذا شافني ميذكرني جانت علاقتي حيل ويا قويه يدافعلي اذا كتلوني ويكول اكسر ايد التنمد ع حوريتي هاي اليه كلش متعلقه بي حته من طلعنا مناك جان معصب ويحجي لحد هسه مانسه نظرته اليه من باوعتله وكتله خليهم لا ياخذوني وكالي وعد ارجعج وماجاني من يومها ولا عرفت وينه حته وجهه هسه متغير حته لو شفته مراح اعرفه ياريت يجي ياخذني ويشوف حوريته شكد تعبانه لوحدها وكلت لروحي كافي تبجين عاد نشفن عيونج وبديت ادور حته الكه شي لكيت ورقه مكتوب بيها البصره قضاء _______يارب بلكت اوصل الهم من اسم عشيرتنا واخيرا الحمدلله يارب بس بهل حالة لازم اروح للبصره ادور عليهم اني شون اروح واني مااندل بصره شكبرها حته لو اعرف اسم قضاء ياعلي دخيلك بولايتك اني ياعلي الحمدلله ع أقل وصلت لشي يدلني عليهم
حور :شفت الساعه صايره ب ٩ فتحت تلفوني دخلت ع يوتيوب فتحت سوره البقره كلت حته اكدر انام بدون خوف لاني اخاف وحدي وفتحته تغطيت ع قنفه بارده بس مو كلش وظليت بس افكر بدراستي وشون حياتي راح تمشي واني اصلا كلشي معندي ومابقه شي ١٠ ايام وابو اجار يريد فلوس وحقه وذكرت كرير والله مشتاقتلك تعال وتعارك وياي قابله وكفخني واكل كل جبس ونساتل حته اشكي عليه يم بابا والله مجنت احجي عليك حرف ولا اضوج منك بعد بس واحد بيكم يرجع واعرف مترجعون والله بفكدكم ضلعي انكسر ونمت فزيت ع اذان الفجر صليت وقريت قرآن كلت حته يخلص وقتي واروح بيت ابو احمد انطيهم الفلوس لان احسهم ذمه بركبتي وصارت الساعه ب٨ الصبح كلت خوش وقت اروح
حور: لبست حجابي وعباية امي َطلعت دكيت باب
ام احمد:منووووو
حور:اني ام احمد حور
ام احمد :خيرج من صباحيات
حور:خير اليصيبج عيني بلا زحمه ابو احمد موجود
ام احمد :لج باعي هاي حركاتج بطليهن تحوصين يم زوجي دير بالج لج والله افضحج بالمنطقه
حور:احترررمي نفسج شنو احوص تراني جيت انطي فلوس الدفن اتكفل بيهن هوه عيب عليج والله جاي احترمج لانج بكد امي
ام احمد :الفلوس اييي جيبي
حور:شكد يسون
ام احمد :اني سئله كالي الصرفتهن كلهن ٤ ملاين ضبط لان ماجر سياره ومدري مستشفى نوب ماخذلهم كبرر
حور :فرحت الحمدلله يكفي الفلوس انطيتها ٤ملاين كلتها معروفكم مانساها شو هاي سدت باب كبل ورجعت للبيت بقالي ٥٠٠ وذهبات عندي اكدر اروح بيهن للبصره
يكفوني وإن شاء الله الكه عمامي وماحتاج لاحد
رجعت شفت البيت متوصخ كلت إلهي روحي شسوي لعد خوما اظل كاعده بديت انظف شغلت هيتر حسيت روحي بردانه وكعدت كدامها ونوب ذكرت معندي اي اكل حته اسوي بثلاجة شنو راح اكل نوب من غير شي دايخه من وره فقر الدم جبت تلفوني شفت صديقاتي مراسلتني بالسادس وياي بس مبيه ارد لاحد طلعت صورنا بتلفون اني وأهلي اباوع بصورهم بس بلايه روح وين وتردون لبيتكم وتكولون بنيتنا لوحدها اختنا لوحدها البيت ضلمه بدونكم حياتي تمشي بدونكم بس شون تمشي بطلعات الروح ع رغم اليوم صارلكم ٣ ايام من رحتو عني مو هواي معقوله هلكد غيابكم أثر بيه عبالك هل٣ ايام ٣ سنين
حور:اعاتب بصوركم بس ما تردون ما تردون ليشش مو اني بنيتكم
لهنانة وخلصنا البارت الرابع
يتبع.....
🤍🤍ادللكم بارتين نفس اليوم
أنت تقرأ
عشك الشيخ لليتيمه
Mystery / Thrillerماذا لو لم افقد عائلتي وأصبح يتيمه وابحث عن طريق اسعد نفسي فهل أجد ذلك اليوم الذي سوف ابكي فيه فرحاً واقول انها عوض ربي. فاطمه العزواي.
