بسم الله الرحمن الرحيم
-----------------------
نور: سمعت صرخه امي وشمرت الموبايل وطفرت
نزلت ركض من الدرج شفت ماما كاعده بالصاله وتصرخ
-امي شبيج شصاير
رقيه ام (نور) :ولج ابن خالج سوا حادث وحالته خطره
-منو من عندهم؟؟؟؟
-حسن
-ياااااا وهسه شنو وينه
-بالمستشفى وامه موتت روحها
-ماما راح اخابر على بابا او واحد من اخواني يجي ياخذج للمستشفى
رقيه: ماشي يمه استعجلي واني رايحه ابدل
نور: تمام
صعدت فوك اتصلت علي بابا
بابا تعال اخذ امي للمستشفى
اي ....اي...هسه تعال ... حسن ابن خالي سوا حادث وحالته خطره .... اي عفيه امي موتت روحها .... يله يله تمام الله وياك
-نزلت لامي لكيتها كاعده بالصاله مبدله وكاعده تنتظر
رقيه: ها يمه شصار منو راح يجي
نور: اتصلت على بابا وهسه جاي
كعدنه ننتظر شويه وسمعت الجرس يدك
ركضت اخذت شالي وفتحت الباب ودخل بابا واخذ امي وراحوا
قفلتالباب رحت للمطبخ امي ما مسويه غده
رحت طلعت دجاج ونگعته بالمي
وراها نگعت التمن ورحت انظف
صارت الساعه ب 10:00 خلصت تنظيف ورحت اسوي غده سويت مطبگ دجاج لان اخواني راح يجون من الشغل ( ملاحظه :اخوان نور يشتغلون بالشركه) : طبخت التمن وسلگت الدجاج وطلعت البهارات وحطيتها على التمن
گليت الدجاج وخلصته ورحت سويت الزلاطه واللبن خلصتهن متت تعب يمممممهههه الطبخ يهلك بس يستاهل طلع الطعم يشگگگگگ
اذن الاذان وصعدت صليت وخلصت نزلت انتظر اخواني وبابا
شويه ودخلوا
نور: الله يساعدكم
الكل: ويساعدج
نور: يله رحوا بدلوا وصلوا وراح اصب الغده
الكل: تمام
-رحت صبيت الغده عندنه ميز طعام بالصاله رتبت الاكل على الميز ورجعت انقل بالبقيه
اجو وكعدنه نتغده بهدوء والصمت سيد المكان
كسر الهدوء صوت اخويه سجاد
سجاد: احم بابا اريد احجي وياكم بموضوع
ياسر ابو (نور) : اي احجي يابه
سجاد: اني اريد اخطب
الكل: بقينه واحد صافن على الثاني
سجاد: شنو شبيكم صافنين
ياسر: سجاد امك ماموجوده خلي تجي وافتح الموضوع والله كريم واكيد اني موافق اذا جان اختيارك صح
سجاد: ماشي يابه يصير خير
ياسر: ان شاء الله
نور: خلصنه غده ونقلنه المواعين اني وسجاد
