"هَلَّا ابتَسَمتِ لِتُعْطِي الصُبْحَ بَهْجَتَهُ
وَتُشْرِقُ الشَمْسُ إِنْ بَانَتْ ثَنَايَاكِ؟!"
الجميلة والبغدادي
#نور العبيدي
نعود لنكمل ماتوقفنا عنه
وتأخذنا لمكان لا زلنا مستمرين بيه
الايام هواي السنين تمر
مرات تنصدم بنفسك شلون هيج تغيرت شلون كدرت تتخطى راح تشوف نفسك شلون تغير مسار حياتك موقف واحد يغير حياتك للافضل وموقف واحد ممكن يغير حياتك للاسوء
بس هنا راح تعرف كلشي بيه صالحنا النا
رب العالمين هو خالقنا ويعرف مصلحتنا اكثر من انفسنا مرات الانسان يوكع بموقف عاجز يطلع منه بس باارادت رب العالمين تشوف كلشي انفتح بوجهك
الله سبحانه وتعالى يغير كلشي شي
كلنا نؤمن بقضاء الله سبحانه وتعالى
لمن الانسان يتمرض ويعجز الاطباء عن علاجه
لكن من يكون مؤمن بقضاء الله ومايفقد الامل
راح يتشافى كلشي وبيه حكمه
المؤمن مبتلى
من تكون واكع بمصيبه او مرض الله يريد يختبر مدة صبرك
هل راح تصبر وماتذمر؟ هل راح تشكر الله بعد ماتتمنى شي ويتحقق؟ هل راح تسجد شكر لله بعد بعد ماكنت واكع بمصيبه ممكن تعرض حياتك للخطر
ف كلشي وبيه حكمه
واراده
لا بأس اذا الانسان راد شي ومصار
لان الـلّٰه سبحانه وتعالى بعدك عن كلشي بيه ضرر الك
ممكن الشي الي طلبته ماتتحقق
لان يجوز يكون بيه ضرر الك
ف دائماََ خليك صبور
انسان قوي ذات شخصية حلوه
الدنيا دار فناء والاخرة دار بقاء ليش مانسوي الاشياء الي الـلّٰه فرضها علينا
ليش نسوي المحرمات
وكذلك عن الي مايصلون
الصلاة عامود الدين
راح تتحاسب عنهااا بيوم القيامه
الموت حق والانسان مايعرف بأي ساعه يموت
ممكن هسه هو موجود ويحجي ويفعل المحرمات ومايصلي ولا يصوم وعاصي الـلّٰه
وفجأة يموت شلون حتقابل ربك بساعتهااا
منو احنا حتى مانصلي وهي ماتحتاج غير عشر دقائق
نفس ماتشتغل طول اليوم ان كان بالبيت او خارج البيت
او من تكعد على الموبايل لساعات
ليش من يوصل وقت الصلاه تتململ وتتعاجز تكوم
ف اتمنى من كل شخص يغير من حياته يتقرب لرب العالمين وممكن كلامي مايعجب البعض بس هذا واقعنا ليش ماتتقبلون؟
حبيت ابدي بالبارت بهذا الموضوع لحتى يكون توعية للطرفين بنات او شباب
..............................................
- نور :بعد ماخابرت علي ورد عليه اخوه وكال علي سوا حادث
وكع الموبايل من ايدي بقيت بحالة صدمه وفجأة اغمى علية
مادري شكد مر من الوقت بس كان هواي ساعات ايام ماعرف
كعدت لكيت نفسي بغرفه بيضة فتحت عيوني مركزة عدل بالمستشفى اني شجابني لهنا؟ اخر مرة اتذكر وكعت وبعد ماعرف شنو صار
شفت ممرضه اجتني من شافتني صحيت
ابتسمت وكالت
-الممرضه : الحمدلله على السلامه حبيبتي
-نور: الله يسلمج بس اني شجابني هنا
-الممرضه: حبيبتي صار 3 ايام انتي هنا فاقدة الوعي
-نور: باستغرب 3 ايام؟
- الممرضه: اي
-نور: بقيت صافنه باوعت ع الباب دخل اخوي وراه امي
اجتني امي تبجي وتبوس بيه
-ماما: لج امي خوفتيني عليج شصارلج بعد امج
-نور: ماما لا تخافين ماكو شي
بقيت صافنه علي هسه شلونه
اخذت موبايلي وشفت كومه رسائل قلقت
فتحتهن صديقاتي
ورساله من اخت علي
فتحتهااا وانصدمت ع الكلام
-اخت علي: نور اريد اكلج بشي
علي حالته حيل خطره والدكتور كال لو يعيش لو يموت
وبالعنايه المركزه وممكن يدخل غيبوبه مامعلوم وقتها ادعيله نور ادعيله
-نور: اقرا وابجي علي حبيبي شصاير بيه
اووف اتمنى اروح يمه بس شلون اكول المن
رجعت راسلت اخته كلت الها علي بأي مستشفى
-اخت علي: مستشفى *****
-نور: نفس المستشفى الاني بيهااا وين بأي غرفه
-اخت علي: بطابق الثالث
نور: كمت ع السريع كلت لاخوي وامي
ماما صديقتي بطابق الثالث اريد اروحله اشوفهاا
امي هزت راسها بمعنى اي
واخوي اخذني
اريد اوصل احس الممر شطوله صار
رجليه بعد مايعينوني
وصلت وتلكتني اخت علي واجت حضنتني تبجي
اخت علي: علي دخل غيبوبه
نور: نصدمت رجليه بعد مااحس بيهن
امي واخوي بعيدين عنا
كعدت ع احد الكراسي ولزمت راسي بين ايديه شلون شلووووووون دخل غيبوبه
بقيت ابجي اريد شي يخفف نار گلبي ماكو
ادعي وابجي واخته حاضنتني وتبجي
حرفياََ صرنه نعيش بموت ع البطيء
اجه الدكتور وكامت اخته
اخت علي: دكتور اخوي شلونه
الدكتور: حالته خطره جداً ودخل غيبوبه وماعتقد يصحى بوقت قصير
ممكن تكون مدتهاا شهر او شهرين
نور: اسمع كلام الدكتور وابجي
سودة علية ياحبيبي
بيه ولا بيك ماتستاهل
بقيت ادعي احس كلشي بعد مااشوف بس ادعي
مابيدي شي بس الدعاء اجت اخته كعدت يمي وتبجي بصوت يفطر الكلب
نور: صلي على محمد وان شاء الله ماكو شي علي سبع ويتعدى هاي المرحله كوه احجي اريد اخفف عنها بس اني منو يخفف عني
بقيت لليل يمهاا
اجه اخوي
يله نور كومي نروح وباجر ارجعلج هنا تبقين وي صديقتج
نور: ودعتها وكمت واني كلبي وكلشي بيه بقى بالمستشفى يم حبيب روحي النايم هسه بين الحياة والموت
ماعرف شكد مدت غيبوبته بس الدكتور جان وجهه ابد مايبشر بخير ابدد
رحت واني كوه اجر بروحي
كلشي بيه تعبان
نمت وكعدت اجه اخوي واخذني للمستشفى
نور: لكيت اخته رحت الهاا سلمت عليها سئلتها عن حالة علي
اخت علي: نفس الشي ماكو تغير وحالته جاي تسوء اكثر
يتبع 🔥🔥
انقطعت عن الرواية هوااي للاسباب كثيرة
ورجعنا حتى نكمل هالروايه
ونشوف الى اين يوصل القدر ب نور وعلي
هل ينصفهم القدر او لا
للحكايه بقايا
دمتم في امان الله
