برائــه بنــات وجــحيم الجامـعات

البارت الاول تعريف الشخصيات او ابطال القصه

السلام عليكم. اني اسيل مراح احجي مواصفات شكلي لان راح اخلي صور وشكلي مثل الصوره الي مخليتها ☝🏻فوك عمري 20سنه اول مرحله كليه لكن بعدني ممداومه يعني خلصت السادس وطلعت معدل كولش زين اني حيل شاطره ولا مفكره بشي غير دراستي عايشه اني وامي وابوي وااخويه الجبير حسام عمره 29سنه ومزوج
ماما عمرها 50وبابا عمره 53

في مكان آخر

مرحباً اني اسمي ميس عمري 20سنه اني الوحيده لهلي حيل مدلله وحالتي كولش زينه امي وابويه ناس كبار بالعمر لكن مدلليني لان وحيدتهن واسيل صديقتي الروح بالروح واكثر اعتبرها مثل اختي كملنه دراستنه وحصلنه معدل زين وجان باقي شكم يوم حته نداوم بالجامعه

اسيل. كلت اتصل عله ميس اشوفها اسوت مسوت
الوو.. هلو ميوس حبيبتي شلونج شنو الاوضاع طلعتي اشتريتي ملابس شي

ميس. هلو حبيبتي اي جهزتي كولشي وكومه ملابس اشتريت حته اكشخ بيهن من اروح هههه

اسيل. ولج انتي ولا تكعدين راحه رايحه تدرسين لو تكشخين

ميس. ولج كلها ولد وعيب وبعدين انتي شايفه بنات الكليات كشختهن وهنه اكيد اروح واني كاشخه ههه

اسيل. المهم داده انتي روحي كملي حته باجر نروح سوه نسجل
اني جان حلمي انو اكون محاميه والحمد لله حصلت الشي الي اريده وصديقتي وياي

اسيل كعدت الصبح من النوم اليوم لازم نروح نسجل ونشوف الكليات الي نقدم عليها اكيد كعدت الصبح لكيت ماما وبابا كاعدين
صباح الخير ماما وبابا وبوستهم
بابا. اسيل بنيتي تريكي زين حته نروح نقدم اسيل ماشي يابه ومن نكمل حته نمر عله ميس تجي ويانه

الاب. تمام

الام. ماما مثل ماوصيتج عليج بدراستج ولبسج خلي مستور واريدج ترفعين راس ابوج هناك

اسيل. إن شاءلله يوم شلون ماارفع راسكم ولا يظل بالج

الاب. هاي ترباتي ام حسام اني اعرفها بنيتي مالها علاقه ببقيه البنات وراح تركز على دراستها وبس

الكل ههههه

يلا بابا اني راح اتحظر

الاب. ماشي بابا اني هم راح انتظرج

اسيل.  صعدت غرفتي وبدلت لبست لبس انيق وحلو وبنفس الوقت مستور

بالمناسبه اني انزل الكم حته صور اللبس والشخصيات حته تعيشون القصه لحظه بلحظه تمام....

في مكان آخر..

ميس كعدت الصبح وصبحت على اهلي تريكت
ماما حبيبتي صباح الخير راح اتريك
واصعد ابدل راح تجيني اسيل ابوها ياخذنه نسجل

ماما. اوك حبيبتي  كملي ريوگج وبدلي

ميس. كملت ريوك ورحت ابدل ولبست هذه

اتصلت عليه اسيل بعدها وسلمت على ماما وطلعت
صباح الخير عمو هلو حبي اسيل

الاب. هله عمو صباح النور

اسيل.  هلو حياتي
صعدت ميس ورحنه للجامعه اول مدخلنه الجامعه جانت كولش حلوه بس مليانه شباب احسه شي غريب ههه ممتعوده واني بطبعي استحي بس جانت الاجواء كولش حلوه

ميس. اول منزلنه شفت الجامعه  اويلي اجنن كلها شباب  فدشي حلو ومختلف ع المدرسه واللبس شنو البنات شنو مع انو جان لبسي حلو بس استحيت منه يمكن القليل محجبات وكلهن البقيه لابسات خلع ومكياج اوفر وشعرهن مفتوح بحيث غرت من شفتهن هيج كلت حته محد يباوع علينه اذا هذن هيج حلوات ولبسهن

المهم دخلنه جوه والشباب يخبلون الله 😂

دخلنه وكملنه ورجعنه
واني الوقت كله سرحانه اول مااداوم شنو البس وشنو اسوي يبوو جنت حايره وفرحانه هواي

ماما ميس تعالي تغدي حبيبتي

ميس. اي ماما بس اسبح واجي
كملت سبح وخلصت ونزلت
بابا حبيبي شلونك

الاب. هلا بابا شنو اليوم رحتي للجامعه مالتج شفتيها حلوه لا
ميس اي بابا كولش حلوه رحت اني واسيل ابوها ودانه

الاب.  اي زين المهم ديري بالج عله نفسج واريدج تتخرجين منها وانتي رافعه راسي ماشي

ميس.  ان شاء الله بابا
كملت غده ورحت غرفتي ارتاح ومرت ايام حته نداوم

اسيل. رجعنه البيتنه وجنت فرحانه كولش لان السادس اخذ كل حسلي وتعبني وتعبت على نفسي هواي المهم مرت ايام واجه وقت الدوام بالجامعه

وو
تابعو البارت الثاني ولتنسون التصويت⭐