نوفيلا دماغ سم
الفصل الأول
نرمين: وحشتني اوي يا محمود
محمود: وانتي أكثر يا قلب محمود عامله إيه في الحمل
نرمين: هانت اهي قربت انا خلاص أيام وإبداء في التاسع
محمود : كان نفسي احضر ولادتها بس غصب عني والله
نرمين: ولا يهمك يا حبيبي داه أكل عيشك وانا مقدره ربنا يرزقك ويوسع في رزقك ويرزقك برزقنا
محمود: ربنا يخليكي ليا والله يا نرمين دعواتك اللي مهونه عليا في الغربه
نرمين: دعواتي بس يعني عينك مزاغتش كده ولا كده
محمود بضحك: الله يهديك يا نرمين هو انا لاقي وقت استحمي لما هابص بره وبعدين انا معايا القمر كله تفتكري هاتغريني النجوم
نرمين بضحك: بتثبتني تثبيت مسامير صلب ماااشي
محمود بضحكه بشوشه: إيه مش عاجبك ولا إيه
نرمين : لا يا قلبي عاجبني وعجبني ونص كمان وعلى قلبي زي العسل
محمود : ربنا يديمك نعمه في حياتي
نرمين بتذكر: فكرتني هاتبعتلي مصاريف الولاده أمته
محمود بإستغراب: مصاريف الولاده
نرمين: ايوه يا ابني إيه هي الولاده دي مش محتاجه مصاريف ودكتوره وعمليات ومستشفي وحوار كبير
محمود بتفهم: لا عارف انا مستغرب لاني بعت الفلوس لأمي من اكتر من 10 أيام لما انتي كنتي تعبانه وبعت معاها مصاريف البيت
نرمين بشهقه: ينهار ابيض الله يسامحك يا محمود منتا طول عمرك بتبعت مصروف البيت لوحده ومصاريف مامتك لوحدها
محمود بتبرير: يا نرمين والله العظيم انتي كنتي وقتها محجوزه في المستشفي بتاخدي جلسات حديد هي أمي مدتكيش الفلوس
نرمين بهزه راس: لا يا محمود دانا كنت لسه بقولها علشان حجز المستشفى قالتلي منين
محمود : طيب اقفلي وانا هاكلمها
نرمين: ماشي يا محمود ربناويستر
*************
حميده: شوفتي يا اختي البت جايه تتكاهن عليا وال عاوز فلوس للولاده ال إيه عايزه احجز المستشفى
ساميه: طبعا وهي غرمانه إيه مهو ابنك بقى دلدول الست ممشياه على كيفها وهواها شوفتي يا ام بعتلها قد إيه فلوس وال يقولك مصاريف البيت والولاده ال
حميده بشهقه: مصاريف إيه ليييه كانت بنت مين عشان تولد ب 5 ألف جنيه على اسم ابوها الابعديه
ساميه: لما نشوف يارب ميجيش ويقولك مراتي وبنتي
حميده: ولا يشغلني سيبك منها ياكشي تموت
ساميه بمصمه: محدش بيموت ناقص عمر
***********
نزلت نرمين بهدوء حذر: طنط هو محمود بعت لحضرتك الفلوس
حميده بلويه بوق: ايوه يا اختي خييير بتسالي في اللي مالكش فيه لييه
نرمين بحده: هو ايه اللي ماليش فيه بالظبط الفلوس دي مصروف البيت للأكل والشرب وفواتير الميه والكهربا والغاز والنت والفلوس التانيه للولاده وهدوم البنت اللي لسه مجبتلهاش شراب لحد دلوقتي
حميده: لما تولدي يا اختي الأول نبقى نكسيها وانا جبتلك هدوم البت شهد بنت ساميه اهو ينفعوها مهو مش مال سايب داه مال ابني اللي متغرب يا حبة عيني عشان يسد طلباتك ويقضي مصاريف الهانم
بت يا ساميه خشي جوه جيبي كيس اللبس يا اختي تتفرج عليه مهو دي بنت ابني اه اومال ايه هانسيبها عريانه ولا هانسيبها عريانه
قامت ساميه بشماته جابت الكيس
ساميه: اهو الكيس يا أمي يأكشي يطمر يا اختي
نرمين بهدوء فتحت الكيس وبسخريه: لا والله فيكي الخير يا حبيبتي هدوم مقطعه ودول مبقعين امممم وداه مبروش لا وكله الا دول مهريين مم اللبس والغسيل اه وماله اهو اعمله فوط للمطبخ يا حبيبتي دول آخرهم هاتي مصروف البيت والباقي ابنك المسؤول عنه
حميده : مصروف ايه يا أم مصروف انا هاجيبلك الطلبات زمن الميغه دي تنسيه اه يا حبيبتي لازمك تاكلي من اكلنا كان بها مش لازمك خلي ابوكي يوكلك
نرمين: وياترى ايه بقى هو اكلكم
حميده: عاملين كل خير حبة مسقعه عسل انما اييه تأكلي صوابعك وراهم وفول بالمرته بس اييه شهد
نرمين: اممم مسقعه وفول مش دول بردوا بتوع الفطار
اصلي شايفه الراجل بتاع مطعم ..... جايبلكم فراخ مشويه
ساميه بزعيق: في ايه يا ادلعدي انتي هاتبصيلنا في اللقمه
نرمين: ابص ليكي انتي يا شبعه بعد جوعه يا بنت دانتي جوزك مجوعك مبتجيش تاكلي الا هنا طفشان من وشك وطول ما هو في البيت مطفشك منه يا بومه وكلامي مش معاكي كلامي مع اخوكي ومنكم ليه تصطفلوا
حميده: انتي بتهددينا وبتعلي صوتك على بنتي في بيت ابوها
نرمين ببرود: لا كفالله الشر انا بعرفك بس ياااا حميده
وسابتهم وهي بتغلي
***********
نرمين: ايوه يا بيه
محمود بفزع: عملتي ايه اخدتي الفلوس
نرمين بزعيق: فلوس لا خلاص يا حبيبي امك.داست عليهم
محمود بعدم ادراك: يعني ايه
نرمين بعصبيه فتحت الكيس: اتفرج يا حبيبي على هدوم البيبي اللي امك اتكرمت وجابتهالي ياكشي يطمر على رأي اختك
وفتحت الكيس وبقت تعرضله كل قطعه قدامه وهو في حالة ذهول
محمود : إيه القرف داه
نرمين بزعيق: بتقولي انا متقول لأمك اتصرف يا بيه بقولها على مصروف البيت بتقولي كلي من أكلنا عايزه توكلني بقيت فطار الصبح وهي واختك وبنت اختك كلوا فراخ مشويه
محمود بتنهيده ووجع: طيب يا نرمين انا هاتصرف
نرمين: هاتعمل ايه يعني
محمود هاعمل.........
يا ترى محمود هايعمل ايه
