الفصل الثالث
حميده بتبرير: منتا عارف ان جوزها يوم شغال وعشره لا اتصرفوا يا عين أمها من ضغط الدنيا وخلاص بقى فلوس مراتك هاديهالها خلصنا بس انا مش راضيه عليك خليك دلدول لمراتك ومن غير مع السلامه
ساميه بشر ومكر وخبث: شوفتي يا ماما ابنك بيزعقلنا علشان مراته شوفتي جاي علينا ازي علشانها ودموع تماسيح شوفتي ابنك بيعايرني باللقمه اللي باكلها هنا بدل ما يقول ابعت لاختي كل شهر قرشين يسعدوها على المعايش يا حرقة قلبي من اخويا يا أمي
حميده بإستفسار: هو كان يقصد إيه بعملتي إيه بفلوسك يا بت هو انتي عملتي ايه بالفلوس بتاعتك وبتاعتي
ساميه بتهرب ودموع تماسيح: مهو على يدك يا أمي البهدلة اللي فيها ومفيش فلوس ولا جنيه في البيت منتي عارفه ان اللي طالع اكتر من اللي داخل الف مره كده يا أمي إبنك قدر يقلبك عليا صيحيح هازعل لييه مهو اخويا اشترى خاطر الحربايه اللي معاه وباع أمه واخته مهو الأخ اخ مراته والخايبه تحلف بحياته يا خساره لو ابويا كان عايش مكنش حد قدر يبهدلني كده وييجي عليا
حميده بحنان: لا يا ضنايا داه لا يحصل ولا يكون طول ما فيا نفس وعيني تشيلها الميه امك في ضهرك يا بت واللي عايزاه عيني دي ذاد وعيني دي ميه وضمت ساميه لحضنها
ساميه وهي بتضم امها وعلى وشها إبتسامه خبيثه : ربنا يخليكي ليا يا أمي داه انتي ضهري وسندي بعد ربنا
الله ينتقم منها مرات ابنك الحربايه اللي قلبته على أهله علشان تستفرد بيه تربيه الجوع اللي جاتلنا سقف حلقها ساقط من الجوع بعد ما شبعت ونضفت بتتنطط علينا ربنا يحرق قلبها زي ما بعدت اخويا عننا
وكلمت دموع تماسيح
***************
محمود: يارب بصرني الحق وصبرني ربنا ينور بصرك يا أمي علشان ساميه سايقه الهبل وانتي مصدقه عماله تقشقش فيكي ياترى رد فعلك هايكون ايه لما تعرفي الي عملته من وراكي ربنا يستر شكلك يا ساميه مش هاتجبيها لبر وربنا على امك لما تعرف وتتصدم في بنتها صدمه عمرها
****************
ساميه: مساء الخير سعد عامل ايه
سعد: مساء النور ها عملتي إيه عند امك يا بت طمنيني وايه الكيس داه
ساميه بتنهيده: اصطبر على رزقك يا اخويا اخد نفسي من المشوار
سعد بلهفه: يابت قوليلي الأول وبعدين خدي نفسك على أقل اقل من مهلك
ساميه بتزوجه بوق: طيب يا اخويا خد كل الأول امي جابت فراخ مشويه وداه منابك
سعد بطمع وجشع: ايوه كده من يد ما نعدمها طول عمرك دماغك المال بس المهم عملتي ايه مع امك يا بت
ساميه طلعت الفلوس من صدرها: دول الفين جنيه خدتهم من أمي بس بدئت اخاف يا سعد
سعد بخضه: ليه يا بت ايه اللي حصل
ساميه: محمود اخويا شكله مش ناوي على خير وشكله كده بيشمشم ورانا وعمال يلقح بالكلام على فلوس امي اللي خدتها من نصيبها في البيت لدرجه خلى امؤ تشك وتسألني
سعد والدم نشف من عروقه: ها وانتي عملتي ايه معاها
ساميه : طمنتها ودمعتين وكلمتين نسيت بس الخوف من محمود الكلب دماغه سم ومراته كمان حربايه ومش سهله
سعد: المهم امك يا بت مينفعش نخسرها دي كنز خليكي مصدر ليها وش قلة الحيله والفقر امك على قلبها قد كده من ورث ابوكي الله يرحمه غير اللي اخوكي كل شهر يبعته يا بت
ساميه بخبث: من غير ما تقول انا عامله حسابي على كده أومال انا كل يوم عندها ليه
سعد بمكر :ابوه كده احبك يا اسمر يا مسمسم
ساميه بشهقه: قصدك ايه شايفني سوده يا سعد
سعد بلوع: لا يا قلب سعد يا بت داه السمار نص الجمال وانتي خدتي الجمال كله
ساميه بغرور: طبعا طول عمري بس اللي يقدر
سعد بلوزجيه: طول عمري مقدر يا بت دانا أمي دعيالي في ليلة القدر
