هل اذا رجع فيني الزمان كنت راح اسمح لنفسي اني اتعرف عليه ؟
وبنفس الطريقه ؟ وبنفس الشعور؟ طيب بقولكم القصة من اولها لي اخرها وانتم جاوبو عني لأني مشتت حتى وانا اكتب الان مبلكه ولا ابي له وجود بحياتي .
بتكلم على اساس اني افضفض لاحد من اصحابي وبعتبركم انتم اصحابي ❤️❤️
كنت فاحد مناطق المملكه ساكن هناك بحكم شغل ابوي المتنقل وهذي الفتره كنت بوسط المملكه تقريباً المهم مالكم في الطويله بدخل ب السالفه على طول .
كنت طالع لاحد الاماكن المشهوره ب الكوفيهات والمطاعم في ذي المنطقه لوحدي ووقفني مرور ويبي يخالفني لني ماعندي رخصه بس صدفه طلع العسكري نفس قبيلتي وذا شي نادر بذي المنطقه مره قليلين اغلبنا واكثرنا بشمال المملكه .
قلت اوه انت من نفس القبيله وياخذ هويتي ويشوف اني من نفس الفرع والفخذ بعد وقال شجابك انت هنا قلت شغل ابوي وكذا وبعد شهر ونص كذا بنقل لمدينه شمال المملكه وقلت له اسمها وطلع هو منها وجاي هنا انتداب وباقي ع انتدابه شهرين كذا ويرجع وعطاني رقمه وسنابه وقال اذا رحت هناك كلمني ا
نطلع اعرفك ع المدينه وكذا .
مرت الايام والاسابيع ونقلت واستقريت بنفس المدينه الي تكلمنا عنها وانا اصلا لسى طالب ثانويه وهو عسكري ويوم من الايام رحت اداوم ومريت من السوبرماركت الي قدام المدرسه اشتريت وخلصت وجيت احاسب وصدفه لقيته بعد قاعد يحاسب .
سلمت عليه وسألته عن اخباره واحواله وكذا وسألني من متى وانا هنا قلت ماصار لي نص شهر وكنت مره متأخر عن المدرسه وقلت عن اذنك بروح للمدرسه وقال اما انت هنا قلت اي قال اخوي معك فنفس المدرسه قلت امانه وقالي اسمه قلت هو معي بس بفصل ثاني مو صفي .
معلومه نسيت اذكرها اسمي ليث وهو ماجد - طبعاً الاسماء وهميه بس قريبه جداً .
انتهى اليوم الدراسي ولقيته مرسل لي ب السناب اذا فاضي ب اليل ولا لا وقلت اي فاضي قال تمام بعزمك على كوفي منها نتعرف ومنها نتمشى واعرفك ع المدينه ووافقت طلعنا ف اليل وضحكنا وسولفنا وكان كلشي تمام وطلعه ورا طلعه واسبوع ورا اسبوع تعلقت فيه .
يتبع.
