اههخخ يجماعه ولله اني مغبون ومقهور ع كل شعور اعطيته هو وبتعرفون ليه .
طلعنا وسولفنا وقلت لكم مرت الايام وبدت التلميحات من الطرفين واتفقنا نطلع وقبل ماطلع صارحته وقلت له انو انا احبك بس خايف لني ماعرف احد هنا واخاف انخذل ومابغاها تكون علاقه عابره ابغاها تكون علاقه حب من جد اكون لك كلشي وتكون لي كلشي .
الدموع بعيوني وانا اكتب لكم 😭😭.
طلعنا نفطر ع الساعه ٦ الصباح كذا وكان يوم سبت اصلا من فطور فجاءه صار ديت وقلت انو مالي خلق اتمشى واطلع واجي وابي مكان انا وانت فيه نتكلم بذا الموضوع قال طيب شاف الاستراحه حقته كان موجود اخوه وولد عمه فا رحنا واخذنا فندق .
واخذنا اغراض واكل وحلويات واشياء حلوه المهم انو قعدنا ومرت ساعه واخنا نسولف وعن الاشياء الي نحبها ببعض وليش حبينا بعض وانجذبنا لبعض ووووو .
المهم انو صار الي صار وقعدنا من الصباح للعصر وسولف لي عن حياته من ال ا الى ي وماضيه مره يحزن وبشع زي انو ابوه مسجون من هو ب المتوسط وكان اصلا يشتغل ب الخضار لن الفلوس الي الدوله تعطيه اهله عمه كان ياخذهم وهو اكبر اخوانه عشان كذا كان يشتغل .
واشياء واجددد علمني عليها وقالي عنها وقلت لكم شي بسيط وانا علمتها انو امي وابوي عندهم عائله غيرنا امي انفصلت عن ابوي وتزوجت وابوي تزوج وخلف عيال وانشغل معهم واصير انا واخواني ٩ شهور بدون لا ام ولا اب ف البيت وانا اصلا الوسطاني .
المهم علاقتنا كانت ولا احسن منها اول ٥ شهور وكانت بدون اطراف ثالثه لدرجه حتى اصحابي ماعلمتهم عنه ، اصحابي نفسي ب الواقع وكذا ومتقبلين بعض وكلنا نفس الشي .
وكنت مؤمن بمقولة اذا في شي حلو بحياتك لا تعلم احد عنه لين بدا يتغير علي وبدت المشاكل بعلاقتنا ، تغير وصار يرد ب الايام ورده مختصر وانا انسانن حار وهو مره بارد واخوه معي بنفس المدرسه يعني لو فيه شي اكيد اخوه فيه شي فهمتو علي ؟
بس اخوه كان طبيعي وعادي ويضحك ولا كأن فيه شي وذا شي يعني اعتبرته عادي لن مو لازم الناس يدرون ان فيك شي ، ارسله وادق عليه القاه مغير رقمه وتنرفزت مره وانقهرت ورحت صارحت اصحابي وكذبوني قالو لي انت ليث البلاير تحب واحد ؟
وريتهم الصور وكلشي وصدقوني وقالو لي غريبه ولله انو تلتزم مع شخص كذا وخصوصا انت يعني قلت شسوي الحب اعمى ووريتهم صورته وقالو فعلا الحب اعمى 😭😭 .
