*#من اصعب القرارات التي نتخذها هو ان نتخلى عن كل شئ ..عن الامكان..عن الاشخاص...فقط نريد الابتعاد لكي نستيطع ان نلملم شتات قلوبنا وانكسارها..دون ان نهتم بالعواقب....*
#تتساقط الامطار فقد حل فصل الخريف مبكرا هذه السنه ..تضع راسها على نافذة السياره وهي تنظر الى قطرات المطر التي تتخبط على النافذه في شرود ..كانت على وشك البكاء لكن لم تفعل ..جعلت السماء تبكي بدلا عنها💔....وصلت الى منزل فخم لا بل انه قصور احد الروايات قصر جميل مصمم على الطراز العثماني القديم..لابد ان من صممه تركي ..توقف المطر عندما قرروا الترجل من على السياره ..نظر الى القصر في خوف ولكنه طمئنها بنظراته وابتسامته الساحره امسك بيدها ودلفا الى الداخل معا ..
همام:اهلن بيك في بيت جدي منصور ممكن تقولي ده البيت العشت فيه اجمل ذكريات حياتي...نورهان كانت عايزه ترد بس منصور كان واقف ومنتظرهم قدام البوابه مع طاقم الخدم
منصور:اهلن بيك ي بتي اتفضلي البيت بيتك..
نورهان بي صوت اقرب للهمس:شكرا..
منصور:سانتيا وربها الغرفه بتاعت همام وخليها ترتاح ...وعاين لي همام...اما انت عايزه اتكلم معاك🙂
سانيتا:حاضر مستر....وساقت نورهان الكانت بتعاين لي همام نظام م تخليني براي بس هو قبل لي جده واتجاهل نظراتها
منصور:حالتي انا بقول انت عاقل يعني في النهاية عملت الفي راسك واتزوجتها بالمحكمه
همام:عارفك مستغرب ومستنكر الموضوع بس انا كل هدفي كان اني اساعدها..مستحيل المستشفى تديني اذن اني اسفرها معاي الى بي ولي امر بس هي ماف شخص من عيلتها جاء زارها وانا لازم اسافر م كان عندي حل تاني غير كده
منصور بي عدم اقتناع:بس
همام:مش انت العلمتني اساعد الناس ومش علمتني امشي ورا احساسي وانا عملت كده انا ماشي ورا احساسي حاسس انه ربنا سخرني ليها عشان اساعدها لمن حتى اهلها اتخلوا عنها
منصور وهو بتنهد:طيب طيب ي ولدي اعمل البريحك..وقعد في الكرسي
همام:حاليا لازم اتصل بي عبد الله لانه شاميني للان😂
منصور:اي لازم الصراحه خلتنا كلنا😂😂...همام ضحك وطلع الحديقه واتصل بي عبد الله بعد تلاته مكالمات رد
عبد الله:خير??
همام:قال عامل زعلان🌚
عبد الله:لا يعني عايزني اصفق ليك على البتعمله تتصل فيني وتخلعني اني اجي المحكمه ضروري واكتشف انك ناوي تتزوج لا وكمان وحده مريضه عندك والله لكين بالجد انت جنيت وانا بتبرع اعالجك😒(براحه عليهو همام عنده فانز م بيرضو فيهو🐸🌚)
همام:اها كمل اتفشى م حسالك نهائي
عبد الله:اصلا م بتقدر تسالني ..المحيرني كيف قدرت تقنع جده منصور برضو بي انه يجي ويشهد 😑
همام:جدي وبعرف احنكه 🌚...اسي يلا انت م تزعل ياخ انا محتاج دعمكم وفهمتك لي ساعدتها
عبد الله:ي همام انت مالك ومالها ياخ البت اهلها م سائلين عنها انت الحشرك شنو ولي تضيع مستقبلك وتتزوجها...هو الزواج ده لعبه😑😑
همام:بعد بكره حرجع لندن لو جيت المطار تودعني حعرف انك سامحتني لو م جيت حعرف انك لسه زعلان
عبدالله:....لا رد...تييت تييت...همام طلع بالسلم ع غرفته لقاها قاعده في البلكونه وقف جمبها
همام:المنظر حلو صح
نورهان:لي بتساعدني??!
همام:عشان احساسي بقول لي كده..احم يلا ع النوم مشى ع جهة الدولاب اخد ملابسه ومشى الحمام...نورهان عقلها وقف عن التفكير قررت تنوم بس لانها تعبانه وتخلي اي شئ للايام م عارفه هي لي وافقت بس هي عارفه انها عايزه تبعد من اي شئ حاليا وانها بتحس بالامان مع همام..💜....طلع من الحمام لقاهت نايمه في السرير ومتكوره ع نفسها وشعرها مغطي وشها كان شكلها حلو وبرئ ابتسم وهو بعاين ليها لي دقايق ..غطاها بي حذر بدون م يصحيها ومشى نام في الكنبه كل دقيقه بتلفت يعاين ليها كانه خايف تختفي او كانها حلم حلو خايف يصحى منه م عارف لي هو بعمل كده نام بعد فتتره من التعب....
