'Fenix Group ဥက္ကဌအဖမ်းခံလိုက်ရပေမဲ့
သူ့သားကပြုံးနေတယ်'
ကုမ္ပဏီရှေ့တွင်လူအုပ်ကြီးကတဖြည်းဖြည်းပိုများလာချေပြီ...အလောင်းကလူနာတင်ကားဖြင့်ခေါ်သွားပြီးနောက် ၁နာရီလောက်အကြာမှာပင် နစ်နာသူရဲ့အသိုင်းဝိုင်းကဆိုင်းဘုတ်အကြီးငယ်တွေကိုယူလာကာ လျော်ကြေးပေးဆောင်ရန် ဆန္ဒစပြတော့၏...ထိုလူတွေကိုထောက်ခံနေကြတဲ့လူအုပ်ကလည်းမနည်းမနောပေ...။
"သေပါပြီဟယ် ဒီနေ့ငါကမနေ့ကအသစ်ဖွင့်တဲ့ဆိုင်လေးမှာနေ့လည်စာစားဖို့လုပ်ထားတာ ဒီလူအုပ်နဲ့တိုးထွက်လို့ကိုရမှာမဟုတ်တော့ဘူး"
Senior အစ်မရဲ့ညည်းညူးသံက Baekhyun ကိုပင်စိတ်ညစ်သွားစေ၏...။
"Noona အဲ့သေသွားတဲ့ကောင်လေးကဒီကဝန်ထမ်းလားဟင်"
"မပြောတတ်ဘူး...သူကဝန်ထမ်းကဒ်လည်းဆွဲမထားဘူး...ဝန်ထမ်းစာရင်းမှာလည်းမရှိဘူးတဲ့ ဘယ်သူကများဝန်ထမ်းလည်းမဟုတ်ကုမ္ပဏီအမိုးပေါ်ထိတက်ပြီးခုန်ချရတာလဲမသိပါဘူး..."
"ဟေးးး ငါ့လူတို့ရေ!!!"
Senior အစ်မနဲ့စကားပြောနေစဥ် ဌာနအတွင်းသို့အပြေးတပိုင်းဝင်လာကာအော်ကြီးဟစ်ကျယ်လုပ်နေတဲ့ ဌာနမှူးကြောင့်စကားစတို့ကပျောက်သွားရ၏...
အလန့်တကြားလုပ်ပါသောထိုဌာနမှူးအား Senior အစ်မကထိုသို့မေးခွန်းထုတ်သည်။
"ဘာဖြစ်လာတာလဲ ကျားလိုက်ဆွဲလို့လား"
"မဟုတ်ဖူး သတင်းထူးပါလို့"
"ဘာလဲ?"
"ငါတို့ဥက္ကဌရဲတွေလာဖမ်း...ဖမ်း ဟဲ့!!"
ဌာနမှူးရဲ့စကားကိုပင်ဆုံးအောင်နားမထောင်ပဲ အပြေးထွက်သွားသောစီနီယာအစ်မနောက်သို့အပေါင်းသင်းတသိုက်ကလည်းအပြေးလိုက်သွားသည်မို့ Baekhyun ပါ ဂယောင်ခြောက်ခြားဖြင့်လိုက်ရတော့၏။
ဓာတ်လှေခါးဖြင့်စုပြုံကာ အလွှာ၆၀ ကျော်ကိုကျော်ဖြတ်လာခဲ့ပြီးနောက် ရုတ်ရုတ်သဲသဲဖြစ်နေသော ပထမဆုံးအလွှာသို့ရောက်လာခဲ့ပေသည်။
YOU ARE READING
𝐂𝐥𝐮𝐞𝐬 𝐈𝐬 𝐈𝐧 𝐅𝐥𝐨𝐰𝐞𝐫
Fanfiction'မင်းရဲ့အချစ်တွေနဲ့ကိုယ့်ကိုပြုပြင်ပေး' 'မင္းရဲ႕အခ်စ္ေတြနဲ႕ကိုယ့္ကိုျပဳျပင္ေပး'
