مصطفى وعلى جالسين على المكتب
ليرن هاتف مصطفى
رائد الو ياباشا
مصطفى ايوا طمني
رأئد المجنى عليه مقتول من بندقيه كلاشنكوف وحضرتك عارف طبعا ان الرصاصه منها تخلص على فيل مش على انسان
مصطفى بتفكير ده نفس السلاح اللي اتضرب بيه جاسر واتضرب بيه زياد قبل كدا
على معنى ذلك ان كلهم فرقه واحده
مصطفى بالظبط
رائد تؤمرنى بااى حاجه تانيه يافندم
مصطفى المتهم مكنش ليه شقه عندك
رائد ايوا ليه هنا شقه بس بالايجار
مصطفى طيب معلش لو هنتعبك معانا بس جهزلى تلاته اربعه وخليهم يفتشوا الشقه واى حاجه مريبه للشك يشيلوها يجيبوها ولو موبايله معاكوا ياريت تبعتهولى
رائد تمام يافندم
ويغلق الهاتف
على دى عصابه كبيره بقا
مصطفى بس اللى بيمشى العصابه دي يااعلى اكيد ريس واحد ماهو المركب مش هتمشي اللا بجداف
ويضع ظهر القلم فى فمه بتفكير بس ياترى مين اللي بيجدف
على تعالى نعيد من الاول ممكن نوصل لحاجه
مصطفى ماشي ويعتدل كل منهم فى جلسته ويمسكوا الاقلام ويبدءوا فى الرسم على الورق امامهم
مصطفى الحكاية بدأت بزياد فهنخلى زياد ده المجنى عليه 1 الرصاصه اللي كان مستهدف بيها حد تانى اساسا وفى نفس الوقت الرصاصه اللى اتضربها زياد كانت من جاسر اللى هو المجنى عليه 2
على والاخير رامى المجنى عليه تلاته وهنا اكيد اللي قتله بعد فتره هيتقتل زيهم علشان القضيه تبان غامضه ويتسجل ضد مجهول
مصطفى اللي قتل ايوا اللي قتل رامى قالى اسمه سالم بس فيه مليون سالم انهى سالم فيهم ويرسم دائره ويكتب الاسم بها هو ده المجرم الحقيقي
على وكلهم من هنا من القاهره فيبقا الجانى عليه موجود هنا مش بعيد واحتمال كبير يكون محاوطنا كمان واحنا مش عارفين
مصطفى بتذكر فعلا لان رامى قبل مايموت قالى انى مستهدف منهم فاانا هنا احتمال كبير اللي عليا الدور من نفس الشخص اللي قتل رامى
على طيب ده مش حلو ويترك القلم دلوقت لازم تاخد بالك ولازم نبلغ محمد بيه بكل ده
مصطفى مكنتش عايز ادخله بس جه وقته
على فعلا ومعتش تمشي لوحدك وياريت لو تختفى اليومين دول
مصطفى مش هقدر اسيب القضيه
على مين قال انك هتسيبها انت هتفضل ماسكها بس من بعيد اتخفى فى شخص تاني واجر مكان بعيد عن بيتك واما تيجي لهنا اتنكر ومتجيش على طول وكل الاخبار نوصلها بالموبيلات
مصطفى ليه كل ده يعني
على ولاحاجه بس حياة سيادتك فى خطر
مصطفى طيب بس اما نشوف راى محمد بيه الاول
على تمام ماشي دلوقتي انا هقوم اروح على مكتبي لانى مش فاضي وكلمنى اما تيجي رايح لمحمد بيه
مصطفى تمام ويسأل بتعجب متعرفش ادهم فين
على فى ايده قضيه مش فاهمها بس اللي فهمته منه انه هيجي كمان كام يوم
مصطفى ماشي تمام ويخرج على ويتركه ليذهب الى مكتبه
...............
ندى انا هقوم البس ياماما علشان رايحه لسيف
ليلى لوحدك
ندى ايوا هروح اشوف الدكتور
ليلى ماشي ياحبيبتي
لتقوم ندى وتبدل ثيابها الى دريس طويل باللون الاوف وايت مقفول الرقبه وذات اكمام واسعه وتلف شعرها كعكه وترتدى بوت رياضي بعد ان وضعت بعض مستحضرات التجميل وتأخذ حقيبتها وتخرج
ندى عايزه حاجه ياماما
ليلى سلامتك ياحبيبتي متتأخريش
ندى حاضر وخدى بالك من طنط حور
ليلى حاضر ياحبيبتي وتقبلها وتنزل لتركب تاكسي يوصلها للمشفى وتصعد لتذهب ناحية غرفة سيف
كان سيف يتكئ براسه على الكرسي ومغمض العينين
ندى الاستاذ اللى هربان من البيت جاى ينام هنا
سيف وهو يفتح عينيه ندى ويذهب ويقبلها اخبارك اى ياحبيبتي
ندى بخير ياحبيبي يلا بقا نطمن على البيبو
سيف بعقد حاجبيه وعلامة استفهام تظهر على وجهه بيبو
ندى ايوا سلمى قالتلى انه هو بيبو يبقا بيبو
سيف سلمى اااه قولتيلي ليضحك بشده عليها يلا ياحبيبتي يلا نروح للدكتور
وينادى الممرضه سيف ياسمر
سمر ايوا يادكتور
سيف دكتور هادى موجود
سمر ايوا يادكتور
سيف شكرا ويأخذ ندى ويذهب ناحية غرفته
سيف اتطمن لينا يادكتور هادي على البيبو
هادى ههه ويسلم عليه سيف وندى بعده
سيف اتفضلي ياحلوتي نامي علشان يتفحصك ندى بخوف خليك جنبي
سيف انا معاكى متقلقيش لتصعد على الشازلونج وتنام لتكشف عن بطنها فيضع الدكتور الجيل ويضع الجهاز ليعرض الشاشه امامهم
هادى ماشاء الله يامدام ندى الطفل صحته كويسه ونبضه كويس وحركته حلوه
ندى طيب هو ولد ولا بنت يادكتور
هادى بنت ان شاء الله
لتتابع ندى تحركاتها بعين تلمع
سيف وهو يحتضنها مبروك لااحلى نودى
ندى مبروك ليك انت يااقلب نودي
ويضحكوا سويا
هادى ربنا يهنيكوا ببعض
سيف شكرا يادكتور هادي
هادى تسلم ياادكتور ويتبعوا هادي الى مكتبه ويجلسوا امامه الى ان كتب العلاج
هادي دي فيتيمنات وحاجات بسيطه علشان الحمل يبقا كويس
سيف وهو يتناول الروشته منه شكرا جدا ياادكتور هادى ويأخذ ندى ويخرجوا من الغرفه
سيف انا اسعد انسان فى الدنيا انا هبقا باباااا
ندى هههه وانا مبسوطه جدا حاسه انى طايره
سيف وهو يقبل يدها شكرا ليكِ يااجمل حاجه فى حياتي
ندى شكرا ليك انت انك موجود فى حياتي
وياخذها لينادى عليه شخص ما
...........................
ادهم نضال ممكن نتكلم مع بعض شويه بكل صراحه
أديل اتفضل طبعا
أدهم انتِ ليه عملتى كدا
أديل باارتباك ظهر بوضوح على وجهها مش فاهم ياباشا واى انتِ دى وعملت اى
أدهم انا عرفت كل حاجه
أديل بتردد وارتباك ععرففت اى
أدهم أديل لو سمحتي انا بحاول اكون هادي على قد مااقدر
أديل بعدما اخذت نفس عميق اسمعنى ياأدهم انا عملت كدا لان عارفه انك مكنتش هتقبل بيا كاأديل نهائى
ادهم عزر اقبح من جرم انتِ ليه كدبتي عليا ياأديل
أديل مكنتش هكدب وبدأت فى البكاء اناا عمري في حياتي مااكدبت ياأدهم واول كدبه كبيره اوي كدبتها في حياتي كانت هيا دي بس مش انا السبب انا كنت بجري ورا حلم انى اطلع ضابط طول عمري واول ماتجيلى الفرصه مش هقولها امشي
أدهم بس عاايز افهم ليه مقولتليش لييه تخبي عليا
اديل باباك اللى طلب منى كدا
أدهم بابايا ازاى لالا مش معقول
أديل والله العظيم ده اللى حصل وهو اللى عملى ملف نضال وانا لو كنت كدابه مكنتش قولتلك قابلها على خططى
أدهم ماهو ده اللى جننى
أديل سامحنى ياأدهم انا كان غصب عني
أدهم صعب الكدب صعب السماح فيه
أديل ادهم خلى الشغل حاجه وحياتنا الخاصه حاجه لو سمحت متربطش بين الاتنين وبعض
أدهم بس انتِ بنت يعني ٱامن عليكِ ازاى فهمينى عمليات بيبقا فيها ضرب نار وموت وتبقى معانا
أديل أدهم بيه انا حضرت معاك فترة فى المعسكر فى حاجه كانت بتحصل انا كنت بفشل فيها
أدهم لا بس دا ميمنعش خوفى عليكى
أديل خايف عليا من اى هااا فهمنى وتبدأ تنهار فى البكاء والصراخ ليه كلكوا عايزبن تقفوا قدامى انا بتحدا المستحيل بضحك دايما وبهزر مكنتش اعرف للزعل شكل لحد ماقبلتك ودخلت فى دوامات ملهاش اول من اخر
أدهم ووجهه يشير بعلامات استفهام ازاى
أديل اقولك ازاى وترفع عينيها لعينيه لإنى حبيتك
متستغربش والله زي مابقولك بقيت كل يوم احلم انك نايم فى حضنها احس ناار في قلبي وتمسح دموعها انا خسرت اول حب حبيته فى حياتي ياأدهم وهو انت وخسرت حاجات كتير تانيه قابل كدا ومعنديش اي استعداد اخسر تاني لانى تعبت ليقف ادهم ويأخذها فى حضنه من حالة الانهيار التي وصلت لها طيب اهدي اهدي ياأديل
أديل وهى تضحك بهيسيريا صدق انا اول مره فى حياتي اوصل لحالة انهيار بالشكل ده تصدق ان عمري ماكنت كدا عارف لما تكون بنت فى زهرة شبابها والدنيا تمسحهااا فااااهم وتصرخ بشده كانت ملامح ادهم يظهر عليها الغضب ولكن يحاول ان يكون هادئ
ادهم لو سمحتي اهدى ياأديل مافيش حاجه لكل ده اهدى لتتشبث بحضنه ارجوك تسامحني لينظر لها بعين حزينه منكسره
أدهم مش وقته الكلام ده احنا هنخلص المهمه هنا ونمشي وبعدين نشوف اى اللي هيحصل بعد كدا
لتصمت اديل وتدفن نفسها فى حضنه وتشتم عبيره بشده وتصمت ليبعدها ادهم عنه ويمسح على وجهها ويقول يلا ادخلى غيري هدومك دي والبسي اديل وارجعى لطبيعتك لان معاذ معدش ينفع يشوفك كدا
اديل حاضر
وتذهب الى الحمام وتأخذ دوش بارد وتمسح دموعها تحت المياه حتى احمرت عينيها وترتدى ثيابها التى هي عباره عن تيشيرت كات ابيض وبنطال ازرق وتخلع العدسات اللاصقه وتلف شعرها بالمنشفه وتخرج
لينظر لها ادهم من اسفل لاأعلى ايوا كدا ارجعى انثى لتبتسم فى خجل
أدهم انا بفكر ابعتك القاهره
أديل وانا مش موافقه احنا جينا هنا على انى نضال مش اديل وانا لسه نضال مش أديل ليقف ادهم من مكانه ويقترب عليها ويرفع حاجبه لسه نضال اديل باارتباك وهى ترجع للخلف حتى التصقت بالحائط ااايوا
أدهم وهو يستند بيده على الحائط وينظر الى عينيها
متأكده
أديل وهى تظهر علامات الاستفهام وباارتباك ايوا
لتتابع اعين ادهم لتجدها نزلت الى شفتيها لتبعده عنها بكامل قوتها وتأخذ نفسها
أديل لو مش عاجبك اديل انا هدخل والبس نضال وانسى ان دي اديل خالص
ليبتسم بجانب شفتيه دون ان تراه وينظر لها بالامبلاه انا بقولك خليكي فى شخصيتك دي علشان متتقتليش وتانى مره متبقيش تعيطي علشان عيونك مابتصدق تحمر
لتنزع اديل المنشفه عن شعرها وترميها على ادهم بعصبيه
ليلتقطها ادهم وينظر لها رافعا حاجبه والغضب يملؤه ولكن عندما راى شعرها المبلول وعيناها وانفها الاحمر اخذ بالنظر اليها دون كلام
أديل بتبصلى كدا ليه
أدهم لو مافيهاش قلة زوق يعني ياريت تبقى تلبسي لبس مقفول شويه لان انتِ عارفه انى راجل متزوج ويغمز لها
أديل وهى تجز على اسنانها وتذهب من امامه دون كلام
ليضحك ادهم وتتغير ملامحه سريعا للغضب عند تذكر مافعلته معه .
..........................................
سيف تعالى معايا
ندى على فين
سيف نروح لدكتور هنا شاطر لرقبتك
ندى بس هيا معدتش بتوجعني
سيف وهو ينظر لها بااستغراب خالص
ندى خالص انا جبت لها مرهم من الصيدله وخفت تقريبا ده كان من النوم
سيف طيب تعالى معايا بس ويذهب هو وهى ناحية غرفة احدى الاطباء
يخبط سيف الباب لتفتح الممرضه
سيف وهو ينظر برقبته فقط ممكن ادخل يادكتور
مجد اتفضل طبعا ياادكتور ويبتسم
ليدخل سيف
سيف دى المدام ياادكتور مجد
مجد اهلا وسهلا بحضرتك ياهانم
سيف مجد من اشطر الدكاتره عندنا وكان مسافر امريكا ولسه راجع من اسبوع بس
ندى ماشاء الله تشرفت بيك
سيف وهو يغمز له المدام يامجد كانت رقبتها وجعاها شويه ممكن بس تطمن لينا
مجد طبعا ممكن تقعدى هنا لو سمحتى
ندى حاضر وتجلس ليضغ مجد يده على رقبتها يتحسس عليها وبعدها
مجد انا عايزه اشعه عليها
سيف بس احنا عملنا اشعات قبل كدا
مجد لا معلش اعملى اشعه تاني
سيف تؤمر
مجد متشكر واما تطلع انا هروح اخدها بنفسي واطمنك
سيف شكرا جدا ليك ياامجد
مجد العفو ياادكتور ويأخذ ندى ويخرجوا
ندى هتيجي معايا
سيف طيب تعالى معايا او اقعدى فى مكان هتطمن على الحالات اللي عندى بس
ندى لا هاجى معاك ليمشي سيف على كل الغرف يطمئن على مرضاه ليفتح غرفة هنا
ندى مين دي
سيف دي هنا
ندى طيب قاعده كدا ليه
سيف حكاية طويله هحكيهالك بعدين ويدخل عندها سيف وندى وراءه
هنا صامته لااتحدث اى ضجه
سيف هنا تعرفي ان ادهم عرف مكان ابنك وراح يجيبه
فلا يجيد اى استجابه منها
ندى هيا مش بتتكلم ليه يااسيف
سيف من وقت اللي حصل لهدى وهيا كدا
لتجلس بجانبها ندى
ندى انا ندى مرات سيف يااهنا ماشاء الله انتِ جميله اوي وتمسك بوجهها بين يديها حرام العيون الجميله دى تعيط او تدمع دمعه واحده احنا كلنا هنموت وهنروح للى خلقنا احنا مسلمين ياهنا وعارفين ان معظم الحاجات اللى بتحصل بتبقا قضاء وقدر حابه اقولك متزعليش كل حاجه بتتعوض الفراق صعب بس لازم نتحمله علشان نعيش
سيف دي اللي اديل وادهم بيجيبوا ابنها
ندى بجد وتضحك طالما اديل فى الموضوع يبقا النك هيجي متقلقيش اهدى واضحكي ومتخافيش من حاجه وتحتضنها فيتعجب سيف لندى
ليجد هناا بدأت فى البكاء ليبتسم فهى منذ قليل كانت لاتظهر اى ردة فعل
ندى وحياتي متعيطيش انا مش بحب اشوف حد بيعيط والا هعيط انا كمان لتمسح هنا دموعها وتختبئ فى حضنها بعض الوقت
هنا انا انا عايزه ابني اللي لسه متهنتش بيه انا محتجاله اوي وتضع يدها على بطنها يارتني ماطلعته من بطنى على اقل كنت حاسه بيه كان بيتعبني بس كنت بقول هيطلع للدنيا ونبقا ونس بعض فجأه يختفى كدا
لتنزل دموع ندى وتضع يدها على بطنها
لتنتبه هنا فتمسح دموع ندى انا اسفه مقصدتش ازعلك وتبتسم وحرام العيون دي كمان تبكى
ندى متقلقيش ابنك هيجيلك انا حاسه كدا
هنا يارب
سيف هنا ساعديهم فى العلاج قالولى انك مش بتاخدى علاجك وبترفضي تسمعيهم
هنا يادكتور انا مش تعبانه انا كل اللى محتجاه هو ابنى وبس
سيف يبتسم ابنك هيجيلك يااهنا
هنا مستنياه يااسيف انا عارفه انى تعبتكوا وانا اسفه
سيف اسفه على اى بس يااهنا ده واجبنا
ويشير لندى يلا يادودو نمشي
ندى هتبقي بخير ياهنا
هنا وهى تبتسم ببهتان متقلقيش عليا انا بخير
لتقبلها ندى بخدها وتخرج هى وسيف
سيف تعرفى ياندى كل يوم بتكبري فى نظري عن اليوم اللى قبله
ندى اشمعنا
سيف بسبب طيبة قلبك حنيتك المفرطه جمالك كل حاجه واول حاجه طبعا هو انى بحبك ويمسك يدها يقبلها
ندى دوخت هقع الحقني وتمثل انها داخت
سيف هههه حلو اوي الدلع ده
ندى طيب يلا بقا نروح بيتنا وتضحك
سيف يلا ياجميل ويمشوا سويا الى ان وصلوا الى السياره وفتح لها الباب وركبوا وانطلق سيف
الى بيته
.........................
شادى وهو مستند راسه على قدم امه ويتذكر كل مااحدث فى بيت عمرو
فلاش باك
عمرو ده صديقى ياامى
علياء اهلا وسهلا بيك يابنى اتفضل ويدخلوا للداخل لتخرج نوجا مسرعه الله انت جيت ياعمرو لتأخذ بالها من الشخص الواقف خلفه لتحمر وجنتاها وتدخل مجددا
منه فى اى يابنتى طالعه خارجه مش خير
نوجا عمرو جه
منه وهى تضحك طيب واى يعنى انتِ عايزاه يفضل هناك انتِ هبله
نوجا لالا اقصد يعنى وتأخذ نفسها بعمق معاه شاب تانى
منه وهى تضيق عينيها شاب مين
نوجا مش عارفه
منه اوصفيه كدا
نوجا طويل وامحاوي وبعضلات يعنى جنتل مان كدا
منه حلو يعنى.
نوجا قومى نشوفه ليبدل الاثنان ثيابهم ويخرجوا ليدخلوا المطبخ فيجدوا علياء فى الداخل
منه مين اللي جاى مع عمرو
علياء واحد صاحبه
نوجا جايبه معاه ليه
علياء بيقول هيبات معاه النهارده
منه بصدمه يبات معاه فين
علياء فى شقة عمرو فوق
نوجا وهى تفتح عينيها شقتي اللي لسه مسكنتهاش هينام فيها هو وصاحبه
علياء معلش يابنتي ضيف هنمشيه
نوجا مش قصدي ياماما عادي
علياء لو كان ينفع ينام مع عمرو فى الاوضه كنت وافقت لكن احنا منعرفوش وانا اخاف عليكوا انتوا بنات ومينفعش
نوجا وهي تبتسم معاكِ حق ياماما
منه عايزه اشوفه
علياء طيب شيلى الحاجات دي دخليها جوه انت ونوجا واتعرفوا عليه
منه يلا ياجوجو
نوجا يلا ويحملوا الاكل وذهبوا ناحية السفره حيث جلس عمرو وشادي
منه الله ده شادى يااهلا وسهلاا وتبتسم لينظر لها عمرو نظره ترعبها
لتبتسم منه باارتباك وتمد يدها تسلم عليه
شادى ازيك ياا...
منه وهى ترفع حاجبها لااعلى وبنفسها معقول نسينى
عمرو دي منه اختى انت شوفتها قبل كدا ياشادي
شادى بقول كدا اصل انت عارف الذاكره ويضحك
عمرو ودى نجوى خطيبتي
شادى اهلا وسهلا بحضرتك
نوجا اهلا وسهلا بيك
وتدخل علياء وفى يدها العصير وجلس الجميع لتناول الطعام
علياء الله انت لحقت تخلص اكل يابني
شادى وهو يبتسم تسلم ايدك ياطنط الاكل جميل بس انا مبحبش اكل كتير باليل علشان الفورما دي متبوظش ولاا اى يااعمرو بيه
عمرو ههه لا انا باكل براحتى بس بقوم بدري اطلع على الجيم
شادى انا مش بفضا كتير للجيم زي ماانت عارف
عمرو وهو يغمز له عارف عارف
شادى اومال الحمام منين علشان اغسل ايدي
علياء وريه الحمام يامنه
عمرو هوريهوله انا لحظه واحده
علياء كل براحتك ياعمرو وتنظر له وريه انت يامنه
منه اتفضل ليمشي وراءها
أنت تقرأ
القاسي والعنيده الجميله ❤
Fantasyفتاه جميله لكنها عنيده اذا احبت شئ تأخذه وقد أحبته نعم لكنها لاتعلم كيفية الحصول عليه ولا تريد ان تعترف لنفسها بحبه وهو يرفض الحب وقد تزوج من اخرى فهل ستتركه وماذا سيفعل فهو ضابط قاسي الطبع ومن الصعب ان يسلم مشاعره لأى احد بسهوله
