ندى ياسلمى علشان خاطر مامتك اتكلمى وروقى ارجوكى صرخى اعملى اى حاجه
طيب بصي متتكلميش عيطي وفضى طاقتك من فضلك ياسلمى
لااستجابه من سلمى
ندى انا مش عارفه اعمل معاكي اى دلوقتي سلمى جالسه تنظر الى مامتها ويظهر على وجهها علامات الوجع
ندى هتبقا بخير المهم انتِ تقويها يااسلمى وتحتضنها لتستكين سلمى بحضنها وتتبت فيه كأنه جاء كنجدة لها
....؟........؟..........؟.......
سيف بجد ياهادي مش عارف اقولك اى شكرا بس انت متأكد من الاشعات
هادي طبعا متأكد ده انا مشرف عليهم بنفسي
سيف بس انا مش فاهم ازاى الاشعات دي جت كدا يعني معقول يغلطوا
هادى اشعات اى
سيف ندى عملت نفس الاشعات دي قبل كدا لكن كان فيها ورم فى الغده
هادى اعوذ بالله ازاى ده استحاله
سيف مش عارف ده اللي هيجنني تفتكر اتبدلت مع حد تانى بس ازاى
هادى ليه ميكونش مقصوده مثلا
سيف معقول
هادى ليه لا
سيف بس مين اللي هيكون ليه مصلحه فى كدا يعني رمزى هو اللي عامل الاشاعات بس هيكون ليه مصلحة اى فى انه يعمل كدا
هادى ممكن حد اعطى ليه رشوه ولا حاجه وخلاه يعمل كدا
سيف ممكن انا مش هسكت برده ولازم اعرف بس اما الدنيا تهدا اليومين دول ليسمع صوت رنين هاتفه
سيف الو ايوا
سناء الو يادكتور سيف ماجد خارج عن اعصابه معرفش ليه لو سمحت تعالى بسرعه
سيف ماشي ماشي حاولوا تسيطروا على الامر وانا فى الطريق ويغلق الهاتف ويزيد السرعه
هادى في اى
سيف والله يااهادي ماعارف الاقيها منين ده واحد وصل لمرحله كويسه جدا من العلاج والمفترض انه خلاص قرب يخرج
هادى واى حصل
سيف سناء بتقولى انه منهار فى اوضته
هادى طيب من اى
سيف مش عارف ويخبط بيده على عجلة القياده بحزن ويقود
...........................
عمرو اهلا بعريس الغفله
شادى بفرحه بتتكلم ججد
عمرو وانا ههزر معاك ليه
شادى يعني اقول مبروك
عمرو بضحك قول مليون مبروك
شادى وهو يحتضنه هههه لولولولللى انا مش مصدق نفسي ويحتضنه
عمرو هههه انت اتجنيت ياالا ولا اى
شادى بجد مش مصدق ياابو نسب
عمرو وهو يضحك بقيت ابو نسب كدا على طول
شادى واحلى ابو نسب ويعيد احتضانه من جديد
عمرو ههه اى يابني الناس هيفكروا حاجه غلط لاحظ ان احنا فى نصف الشارع
شادى ميهمنيش اى حاجه المهم انها وافقت
عمرو انت لحقت تحبها
شادى من اول نظره
عمرو على فكره ياشادى انا اخوها راعى شعوري شويه
شادى ياعم بقا مانا جيت اتقدمت وهتبقا ليا ان شاء الله
عمرو بجديه لا ياحلو لسه اما باباك ومامتك يجوا يتقدموا رسمي
شادى النهااارده
عمرو ههههه تعالى الاول نقعد وبطل جنان احسن مااغير رأيي
شادى لالا تغير رأيك اى تعالى نقعد يلا ويذهبون لااقرب مقهى ويجلسوا
ويأتى النادل لهم ويطلبوا العصير
عمرو انا هتكلم معاك بجد ياشادي
شادى طبعا اتفضل
عمرو منه دي بالنسبه ليا مش اختى دي بنتي اللي انا ربيتها ومبستحملش اشوف دموعها وبابا أمنى عليها قبل مايتوفى فلو سمحت يااشادي انا هعطيلك اغلى مااملك لو مش هتقدر تحافظ عليها صدقني مش هتشوف عمرو صاحبك خالص دي اكتر واحده غاليه على قلبي من بعد امى ومش سهل انى افرط فيها لولا ان عايزها سعيده مكنتش وافقت ابدا انى ابعدها بعيد عن حضني
شادى بااصطناع الزعل هعيط
عمرو مبهزرش ياشادي
شادى وانا بهزر ويتكلم بجديه عارف يااعمرو طبعا انا عندي اختى غاده ويوم ماجوزها اخدها وانا حسيت البيت ناقص من غيرها يعني اما جوزها سافر وجت قعدت معانا حسيت البيت رجعتله البهجه من تاني فاانا عارف يعني اى اخت وعارف غلاوتها عامله ازاى بس تعرف ويضحك انا وجوز اختى مبنتفقش ابدا معرفش بغير منه على اختى عارف ان دي حاجه مجنونه بس بغير جامد عليها حتى من جوزها
عمرو ههههه لا انت فعلا مجنون
شادى قولتلك ومتقلقش بجد اختك فى عيوني وقلبي وكلى ومش هزعلها ابدا
عمرو وانا واثق فيك يااشادي
شادى ها اهلى يجو امتى
عمرو خليها يوم الجمعه علشان الجماعه في البيت يجهزوا الدنيا وكدا وعندك يبقوا مستعدين ويكون الكل فاضي
شادي بسيطه وانا موافق ويازين مااخترت
عمرو ههه بقولك اى ليك في التنس
شادى طبعا
عمرو تعالى نلعب
شادى قوم تعالى ويذهبون سويا الى النادي
..................................
أدهم يقف امام النافذه شارد وهو يتذكر نفسه صباحا وهو يتأمل اديل بصمت ويقول بنفسه معقول فيه كمية جمال وبراءه تتجمع فى وش واحد كدا معقول بس ياخساره بتتجمع فيكِ ملامح البراءه وعرفتي تخدعيني بس عارفه رغم انى بحبك الى انى مش عارف اعمل اى معاكِ اول قضيه تبقا معقده في حياتي ياأديل هو انتِ بنت مجنونه طيبه شرسه طفله شابه وعجوزه كل الصفات الحلوه اتجمعت فيكِ بس زي مافيكِ الحلو فيكِ الوحش ااه لو كنت اقدر ابقا معاكِ وقريب منك دايما مكنتش هسيبك لحظه انا بتمنى ان احنا منمشيش من هنا علشان تبقى جنبي دايما وتحت انظارى نفسي عيوني انا بس اللي تشوفك ياأديل
ويظل يتأملها قليلا ويقوم بإيقاظها
ليستيقظ من شروده على صوت اديل
أدهم ايوا في اى بقالك ساعه في الحمام
أديل ايوا انا يعني ورايا اى
أدهم عندك حق ويجلس ليرن هاتفه ليرد بلهفه
إسماعيل الوو ياابن عمى
أدهم ايوا يااسماعيل طمني
إسماعيل الواد اللي بتجول عليه مع ابوه وخرجوا بره البيت
أدهم طيب خليه تحت نظرك انا جاى حالا
إسماعيل بسرعه ياباشا الجدع حد موجفه عند الباب تجريبا حُرمه وهيمشي
ادهم تمام ولو عرفت تعطله شويه لحد ماتشوفنى يااريت
إسماعيل هحاول يابيه
أديل فيه اى
أدهم معاذ اخد الولد وطالع انا هنزل علشان اراقبه
أديل هاجى معاك
أدهم وهو يرتدي حذاؤه ويضع مسدسه فى الجيب الخاص بالمسدس مافيش داعى لإنك تيجي علشان لو حصل اى حاجه متتأذيش
أديل بتحدي رجلى على رجلك ياأدهم
وينزل ادهم ليربط الكوتش ليأخذ باله انها ترتدي سكيرت للركبه فقط
أدهم وهو ينظر لقدمها وينظر لها وانتِ بقا ناويه تنزلى كدا ويشاور على قدمها
أديل ايوا
أدهم لا ولو سمحتى لازم انزل مش وقت عند او اى حاجه معاذ هيمشي
أديل أدهم انا هاجى معاك من دون مناقشات
ولأن ادهم يعرف عندها فيوافقها بس اتفضلي غيري الزفت اللى انتِ لابساه ده
أديل وهى تنظر له بس متقولش كدا وتذهب سريعا وتبدل ملابسها الى بنطال اسود وتيشيرت كم مطرز وتترك شعرها حرا
أدهم يلا بسرعه
أديل يلا
لينزلوا سريعا
إسماعيل يااخوي ياأخوي ويشاور لمعاذ
معاذ حضرتك بتشاورلى
إسماعيل لهجتك مش من الحى انت منين يااخوى
معاذ انا مش فاضي وقت تاني نبقا نتعرف
إسماعيل وه انا ماعايزش اتعرف بس عايز مساعده منك
معاذ وهو ينظر له بشك هساعدك ازاى وانا في ايدي طفل
إسماعيل ولد اخوى كان معاى وتاه مني وعم دور عليه
معاذ دور عليه بعيد عنى
إسماعيل ده انت معاك ولد زين مايصعبش عليك حالى انا داير على كعوب قدماى من الصبح
معاذ وهو يلتفت له ويقف لو سمحت انا مش فاضي للكلام ده انا ورايا مشوار مهم
إسماعيل بس يااخوى
معاذ انا مش اخوك وبعصبيه لو سمحت امشي بقا لتأتى اديل وتقف امامه انا حاسه انى شوفتك قابل كدا
معاذ وهو ينظر لها ويبتسم ياأهلا وينظر لاإسماعيل مااتمشي بقا ياابني ليطمئن اسماعيل ويمشي
معاذ انتِ مش فاكرانى
أديل تقريبا انا شوفتك فى كافتيريا الاوتيل
معاذ ايوا وكنت عايز اعرف اسمك ومعرفتهوش
أديل ههه وعايز تعرف اسمي ليه
معاذ نتعرف عادى
أديل انا اسمى أديل
معاذ وهو يغمز عاشت الاسامى
أديل شكرا وتنظر لمراد الله ده ابنك.
معاذ باارتباك ااا لا ده ابن اخويا ورايحله دلوقتي علشان قلق عليه
أديل ماشاء الله جميل وتقترب لتنظر له ليقبلها معاذ فيي خدها
أديل بصدمه اى اللى انت عملته ده
معاذ اصل بصراحه مش قادر اقاوم جمالك
اديل هههه انا عارفه ان جمالى ميتقاومش بس ابنك ماشاء الله قمور ينفع اهديه بهديه
معاذ طبعا ياحلوه
اديل تخلع سوار من يدها (لتضيقه ليصبح فى حجم قبطة الطفل)
اديل حلو اوي كدا هه ربنا يخليه ليك
معاذ شكرا ياادودو
اديل تسلم ياكبير
معاذ طيب والرقم
اديل مش فاهمه
معاذ رقمك
اديل ليه مش هترجع هنا تاني ولا اى
معاذ مش متاكد بس احتمال كبير ارجع
اديل وانا مستنيه
معاذ ههه ماشي ياستي ويذهب ويتركها
كان ادهم يستمع كل هذا من خلال الجهاز الذى مع اديل ليضغط يده بقوه صارمه حتى انه احس ان عروقه يتنفجر ماشي يامعاذ انا هوريك
ويرن على اسماعيل
أدهم روح القسم الموجود هنا وخلينى اكلم الضابط
إسماعيل تمام يافندم ويتجه ناحية قسم الشرطه
...............................................
تسنيم مش عايزه حاجه ياحلوه لولا بابي اتصل عليا وقالى انه عايزني حالا كنت هاخدك لبيت اهلك اكيد
سما عايزه سلامتك ياحبيبتى ابقى طمنينى عليكى ولا محصلش حاجه هكلم سالم يبعتلى عربيه
تسنيم حاضر من عيونى وتقبلها وتتركها وتذهب
سما تسنيم كانت ناقصه انتِ كمان اعمل اى دلوقتى فى المصيبه دى اكيد مش هتعدى اللى عرفته ده على خير اااه كل ده بيحصل معايا ليه انا عملت اى
انا عايزه اريح اعصابي وتتصل بسالم
سما الو
سالم حبيبة اخوكي ايوا
سما ابعتلى عربيه
سالم خير
سما هاجى اقعد عندكوا شويه اريح اعصابي الحمل تاعبني
سالم وتسيبي جوزك
سما هه جوزي لا اتطمن جوزي مش هنا
سالم بااستغراب اومال فين
سما في شغل
سالم طيب فى شغل ماهو اكيد هيجي
سما مسافر في شغل ياسالم وابعتلى العربيه انا بقولك اعصابي تعبانه
سالم شغل اى
سما بعصبيه انا اعرف منين ياسالم
سالم اومال انا حاطك عندك ليه
سما سااالم مش وقت الكلام ده هتبعتلى العربيه ولا اشوف اى حد تاني اروح عنده
سالم ااااه منك العربيه هتكون عندك خلال نصف ساعه
سما تمام وتغلق الهاتف
سالم مش عارف دماغك دي بتفكر ازاى ياسما اعمل فيكِ اى بس وينادي يادياااب
دياب ايوا يااسالم بيه
سالم خد العربيه وتروخ بيها بيت ادهم جوز اختى تجيب اختى وتوديها على بيتنا والعنوان*****
دياب حاضر يابيه ويتركه ويذهب
ليرن سالم على والدته
ست الكل
هاله حبيبي اخبارك اى
سالم بخير ياحبيبتي سما بعتلها العربيه وهتكون عندك. فى اى لحظه
هاله بجد يابني يافرحة قلبي ماطلة عليها عيني من زمان بس خير افتكرتنا الوقتي يعني
سالم بتقولك اعصابها تعبانه
هاله دي اعصابها بتتعب بس يلا اهى وحشاني
سالم طيب اهى جيالك يلا سلام علشان مش فاضي
هاله مش هتيي تتغدى معانا
سالم هاجي بس اخلص اللي في ايدي بس
هاله ربنا معاك ياحبيبي
سالم يارب ياحبيبتي
.....................................
سيف اهدا ياأمجد انت بتعمل كدا ليه اهدا
أمجد بعصبيه افتحولى الباب انا مبقتش عايز اتعالج انا عايز مخدرات تاني عايز ارجع لحياتي الوحشه تاني انا ماافيش حاجه بتحصل على مزاجى كلله غلط في غلط
عبيد نعطيله حقنه مهدئه يادكتور
سيف لالالا مش عايزه يرجع للمهدئات سيبوه واطلعوا بره
ربيع بس يادكتور ده بيكسر كل حاجه انت شايفه مش هادى
سيف اسمعوا اللى قولته ويجلس على الكرسي ويخرجوا ويغلقوا الباب بالمفتاح قبل خروج امجد ليدق امجد الباب افتحوا الباااب افتحووووه
سيف امجد تعالى
أمجد وهو يذهب بااتجاه سيف ويمسكه من ياقة قميصه خليهم يفتحوا الباب خليهم يفتحوووه والا هقتلك
سيف وهو يمسك كلتا يديه بقوه اهدااا اهدااا ياأمجد واحكيلى اللي حصل علشان اعرف اساعدك اى اللي حصل احكى وبلاش الطريقه دي عايز ترجع للمخدرات علشان تتهرب من الوااقع
أمجد.محدش لييه دعوه بيا سيبووني انا ححر
سيف انت جيت هنا علشان تتعالج بمزاجك مضربتكش على ايدك وقولتلك تعالى اتعالج وطالما دخلت المكان ده مش هتخرج غير وانت فى احسن حالتك وانا كنت ناوى انى اخرجك الشهر ده بس يظهر انى كنت غلطان
أمجد ملكوش دعوه بيا اناا تعباان ومحدش هيحس بيا ويشاور على قلبه فيه هنا حزن كبير محدش حااسس بيه غيري
سيف إلين قالتلك اى عمل فيك كدا
أمجد بعصبيه متجبليييش اسم الانسااانه دي تاني على لساانك دي خاااينه
سيف قولتلك اهدا واقعد لو سمحت تعالى تعالى ويأخذه من يده ويجعله يجلس على كرسي المرضى
سيف انا دكتورك وانت عارف ان اى كلمه هتقولهالى مش هتخرج من الاوضه دي خليني اعرف اساعدك واهدا لو سمحت ياأمجد
ليجلس امجد يائس الين مبقتش ليا الين هتتخطب خاينه وجبانه.ويضغط على يده انا بكرهها بكرهها ويبكى
سيف طيب فهمنى هيا جت قالتلك اى
أمجد كلام سخيف بتبرر بيه اللي هيحصل
سيف أمجد احكي قالتلك اى بالتفصيل
أمجد وهو يحاول ان يتمالك نفسه سلمت عليا وقالتلى انى وحشتها اوي وحتى ويصمت
سيف كمل حتى اى
امجد بحزن حتى حضنتني اول مره تحضني واخر مره
سيف وبعدين
أمجد لقيتها بكت اوي وقالتلى انا اسفه أسفه ياأمجد مقدرتش اوفى بوعدي وايديها ارتعشت وقالت انا بابا غصب عليا اتخطب لاابن عمتى ودموعها كانت سابقه كلامها قالتلى انها محبتش غيري وانى كل حياتها وقالتلى ان قلبها معايا انا مستحملتش كلامها وجرحتها بالكلام وقولتلها انى عمري ماحبيتها وانها خاينه وطردتها وقولتلها تنساني ومتجيليش تاني هنا
بس ده كله غصب عني صدقني يااسيف انا بحبها اوى بس بس هيا ليه وافقت عليه كان في ايدها تصمم على رأيها وترفض بس انا لما فكرت مع نفسي اى يخلى ابوها برده يوافق بواحد زيي كان شمام ومبيشتغلش واهله ميتين وملهوش حد يتسند عليه انا بس انا كنت مخطط اخرج اشتغل بشهادتى انا معايا بالكريوس السن وبعرف اتكلم خمس لغات كويس والسي في بتاعي كويس جدا بس خلاص الين كانت بالنسبه ليا حلم جميل وانتهى بس هيا هتفضل في قلبي دايما
سيف اوعاك تقول كان دي خليك ورا حلمك لحد ماتوصله وتمسكه بين ايدك متيأسش ياامجد
أمجد خلاص ياسيف كل حاجه خلصت
سيف ماخلصتش اكيد الراجل مش هيضحي بسعادة بنته انا مستعد اكتبلك على خروج دلوقتي حالا وهساعدك تقف على رجليك وهكلملك واحد صاحبي في شركة كويسه اوي وهتتقدم ليها ونصيحه من اخ ليك اياك حد يعرف انك كنت هنا بتتعالج من حاجه قول انا كنت مسافر
أمجد ليه انا اتعالجت وبقيت كويس المكان ده عمل معايا جميل مينفعش انكره
سيف بس في نفس الوقت ابوها ممكن ساعة مايعرف كدا يضايق
أمجد انا مش هنكر حقيقتي حب يتقبلنى اتقبلنى مش حابب انا اتمنى ليها السعاده من كل قلبي
سيف وهو يخبط على كتفه ايوا كدا اعطيني عنوان بيتك
أمجد ليه
سيف بس اعطهونى
امجد*****
سيف مش بعيد اوي يعني
أمجد بس هتعمل بيه اى
سيف هبعت حد ينضفه ليك علشان اكتبلك على خروج
أمجد بس كدا مش هتعر حضرتك معايا
سيف هات بس المفاتيح
أمجد اتفضل
سيف وهو يضع يده على كتفه متقلقش كله هيبقا تمام والين ليك
أمجد وهو يبتسم ويحتضنه شكرا شكرا على كل حاجه
سيف حد بيشكر اخوه
لينظر له امجد بغرابه اخوه
سيف اى مش عاجب
ليبتسم امجد ويحتضنه بشده ربنا يخليك يارب
سيف يلا بقا جهز حاجتك واول مالشقه تجهز هبعتلك تيجي اكتبلك تصريح خروج بس توعدني انك عمرك ماترجع لاى حاجه
أمجد حرمت يابيه
سيف هههه ايوا كدا انا هسيبك تستريح ومتفكرش في حاجه واما تبدأ شغل بس هاخدك بنفسي ونروح لاابوهة نقنعه سوا
أمجد بفرحه بجد
سيف جد الجد كمان
امجد بفرحهه انا مش عارف اقولك اى
سيف متقولش حاجه يكفى اشوف نظرة السعاده في عينك
يحتضنه امجد بعمق
سيف وهو يبتعد عنه وفى طريقه للخروج دلوقتي هروح اكلم صاحبي اللي قولتلك عليه
امجد تمام ويبدأ فى تجهيز اشيائه
..................
معاذ طيب بعد اذنك علشان الطفل لازم يروح لااهله
أديل طبعا اتفضل
معاذ بس هنتقابل تاني
أديل اكيد
معاذ طيب ممكن رقمك
أديل باارتباك نسيت الفون في الاوتيل
معاذ بسيطه انتِ فى اوضه كام
أديل اااوضضه كام
معاذ متفهمنيش غلط هاجى بس اطمن عليكِ
أديل هستناك الصبح فى كافتيريا الاوتيل الساعه 9
معاذ اتفقنا يااقمر ويعيد تقبيلها في خدها ويتركها ويذهب لتذهب في اتجاه ادهم الذى كان ينتظرها فى سيارته
أديل دلوقتي كله تمام رايح يودي الولد للناس
أدهم بعصبيه اركبي ياأديل
أديل بااستغراب حاضر وتركب بجانبه
ويبدأ ادهم في القياده
أديل انت ليه متعصب كدا
أدهم انتِ ازاى تسمحي ليه يبوسك كدا
أديل يعني كنت اضربه وابوظ الخطه
أدهم لا ازاى تسبيه يبوسك عادي
أديل وهو تلوى شفتاها وترفع حاجبيها بااستغراب لتبتسم بخبث
ادهم خييير
أديل انت بتغير عليا
ادهم لا مبغرش ولا زفت بس انتِ مع راجل وانل من حقى انى مسمحش لحد يلمش شعره منك طول ماانت معايا
لتضع اديل يدها خلف راسها ماشي ماشي وتضحك
ليصمت ادهم بغيظ
ويرن هاتفه ليضع السماعه الخاصه به
إسماعيل اتفضل ياابن عمى حضرة الضابط روفيد معاك
ادهم الو
روفيد ايوا مين
أدهم إسماعيل مفهمكش ولا اى
روفيد فهمني بس رتبتك اى يعني
أدهم مخابرات خاصه
روفيد باارتباك تمام ياافندم اؤمر
ادهم جهز كتيبه حالا يتتبعوا موقعى بالظبط
روفيد خير يافندم
أدهم نفذ الاوامر لو سمحت من دون ليه احنا هنقبض على واحد هيبيع ابنه ومنعرفش اى خطر ممكن نواجه
روفيد تمام يافندم ويغلق
أديل اسمه حلو مش كدا ياادهم بيه
أدهم هو مين
أديل روفيد
أدهم وهو ينظر لها لو سمحتي اسكوتي
أديل حاضر
أدهم لازم احرص على انى اكون بعيد عنه علشان مايخدش باله ان حد مراقبه فخدي بالك علشان العربيه متختفيش
أديل حاضر وتنظر على السياره بتمعن
أنت تقرأ
القاسي والعنيده الجميله ❤
Fantasyفتاه جميله لكنها عنيده اذا احبت شئ تأخذه وقد أحبته نعم لكنها لاتعلم كيفية الحصول عليه ولا تريد ان تعترف لنفسها بحبه وهو يرفض الحب وقد تزوج من اخرى فهل ستتركه وماذا سيفعل فهو ضابط قاسي الطبع ومن الصعب ان يسلم مشاعره لأى احد بسهوله
