الــعـنـود🖤🐎

البارت الثالث

_كبرنا و كبرت الفصعونه العنود ويانا  و اليوم بعد 6 سنوات اول يوم الها بالمدرسة بعد ما انا صرت طالب جامعي اخذتها وصلتها لمدرستها و طلعت لدوامي
و هيج صرت كل يوم اوصلها بطريقي للمدرسة و من ارجع اخذها و اوصل اخوها الاعدادية ويانا و اخواتي هم طبعاً
تعرفون شيء انا كلش متعلق بهل فصعونه الزرگة
هي صح زرگة بس يا اخوان تدخل للقلب جلاليق  ههههه
دمها كلش خفيف و محبوبة و لطيفة 
بدأت تكبر العنود كدامي يوم عن يوم و كل ما كبرت كبر تعلقي بيها و حبي الها و صرت ادرسها كل يوم و احل الها الشيء الي تستصعبه هي للامانة هي چانت كلش شاطرة و من الطلبة المتميزين  مثلي طبعاً ابد مو مغرور انا ههههه
خلصت الصف الأول و آلثاني  و الثالث و الرابع و هي تطلع الاولى على مدرستها و انا جنت اراقبها اول بأول و اليوم حفل تخرجي من كلية الصيدلة و تحقق حلم الطفولة الي تعبت شگد تعبت يلا كدرت اوصل اله و لاحظت بعد ما خصلت الحفلة ورجعنا للبيت و كعدنا كليتنا بالحديقة الفصعونه ضايجة و كاعده على صفحة بوحدها و متحجي ناديتها وچ زريگة شبيج كاعده بوحدج كالت أنت نجب لا تحجي وياي بعد
عاطت بيها عمه مها عيب ولج شنو تغلطين
انا رديت عوفيها عمه بكيفها رحت كعدت يمها كتلها شبيج
راحت اكو درجات يم الحديقة كعدت عليه وصدت عني رجعت لحكتها كتلها شبيج ولج كالت منو راح يوصلني للمدرسة بعد و عيونها جانت مليانه دموع
حسيت بلحظتها بنار هيج بصدري ما تحملت حظنتها و قربتها على صدري كلشش كتلها ولج انت عطلتي هسه و من لحد متبلش المدرسة الله كريم
لا ماريد اريدك انت توصلني و بدت تبجي بحركه اكثر
و لج فصعونتي خلص وعد انا اوصلج بس سكتي لا تبجين
كالت اكيد كتلها اي
اي خوش بس مو تچذب عليه
ولج عوبة يمتى جذبت عليج انا
_مادري بس خاف ببالك انا جاهل و تقشمرني بسوالفك ترا انا عمري 10 سنوات و اعرف كل شيء

_ولج فصعونتي لو يصير عمرج 1000 تضلين طفلة بنظري
كومي غسلي خلقتج و تعاي نكعد يلا
_ماريد خلينا هنا 
_كومي حتى اخذج للمحل نشتري جبس و حلويات
_صدك يلا حكوم
_هاي منو الي تكول انا مو جاهله
_نجب
_اوكي اوكي نجبيت
_رحنا للمحل نشتري انا و هي و اطفال خالتي سوزان
هي فتحت باب السيارة الامامي و نطت بالطريق طلبت موبايلي
_فتحت التلفون و تفاجئت تعرف الرمز مالته
_شلون تعرفين تفتحين موبايلي
_اعرف دائما اشوفك تفتحه
_مممم عوبة تتجسسين عليه
_انجب. و علي الصوت خليني اسمع هاي اغنيتي المفضلة
جانت الاغنية لمهند محسن (نحبكم يا حبايبنا نحبكم )
_صغرت عيوني و باوعت عليها صفح ها عوبة هاي شنو
انتِ وينج و وين الحب
_انتَ ليش متعرف تسد حلگك بس شوي دخلينا عايشين اللحظة
_خوش يابا خوش سكتنا
_عفتها تسمع الاغنية و فعلاً حسيتها عايشة اللحظة على كولتها جانت تردد مع الاغنية و حافظتها كلها و مندمجه بيها و كل ما خلصت تعيدها طول الطريق و هي سانده راسها على الباب و ضليت اتاملها و بداخلي شعور غريب ماعرف تفسيرة