"මට පුලුවන් ද පොඩිම පොඩි බලාපොරොත්තුවක් ඔයා ගැන තියා ගන්න... මට පුලුවන් මේ වගේම තව බලන් ඉන්න..."
ඒක දවසක් මන් මගෙ ආදරවන්තයා....ඔහ් සොරි... මගේ හිටපු ආදරවන්තයා සමග දවසක් කියපු කතාවක්. ඒ එයා වෙන කෙනෙක් ලගට ගිහිල්ලා මාස ගානකින් පස්සෙ මට කතා කරපු මුල්ම දවස. මන් හිතන්නෙ ඒක උනේ දෙසැම්බර් මාසෙ.
එතකොට එයා බර හුස්මක් පහලට දැම්මා.
" මම එදා ඔයාගෙන් අවසාන වතාවටත් ඇහුවා. ඒත් ඔයා මට උත්තරයක් දුන්නෙ නෑ. ඉතින් මට දැං ආයෙ හැරෙන්න බෑ. ඒ ලමයා බොලදයි. ඔයා වගෙ දරා ගන්නෙ නෑ. මන් දන්නවා ඔයා මොකුත් කර ගන්නෙ නෑ කියල. ඒත් එයා ජීවිතේට මොනා හරි කරගයි. මට බයයි. "
මට ඒ වෙලාවෙ ඇත්තටම තරහා ගියා. මම කොහොමත් නපුරු මනුස්සයෙක්.
" දෙවියන්ගෙ නාමෙට මනුස්සයො ඔයයි මගේ අවුරුදු 8ක ආදරේ. අපි දෙන්නා අතරෙ වෙන රන්ඩු දවස් 2 3ක් ඇදුනා කියල ඒක මහලොකුවට ගන්න දෙයක් නෙමෙ. කොහොමද ඔයා හිතුවෙ වත් මම ඔයාව අතෑරලා දාවි කියල. කොහොමද ඔයා ඔය කටින් වෙන කෙනෙක්ට ආදරෙයි කිව්වෙ වත්.."
" මාව තේරුම්ගන්නවා . මම මෙහෙ තනි උනා. මට ලගින් ඉන්න කෙනෙක් ඕන උනා. ඔයා ඒ ටිකේම මම ගැන හෙව්වෙ නෑ. තමුසෙ මොලයක් තියෙන උගත් කෙල්ලෙක්. පොඩ්ඩක් හිතලා බලනවා. "
ඒවෙලෙදි මට කෑ ගහලා කියන්න ඕන උනා මාව දාලා යන්නෙපා. මට තව දරාගන්න බෑ. මම ඉන්නෙ හොදටම හෙම්බත් වෙලා. ප්ලීස් ඒ ගෑනු ලමයව අතාරින්න මයි ලව්.
" හරි මට තේරුනා. මට සමාවෙන්න. පරිස්සමෙන් ඉන්න. මම තියන්නම්."
එතනින් අපෙ කතාව හැමදාටම නතර උනා.
ඒත් වස්තුවේ ඔයාගෙ අලුත් බබා ගැන මම මාස 6 7කට කලින් ඉදන්ම දැන ගෙනයි උන්නෙ. ගෑනු ඉව..ඒක කවදාවත් වැරදුන්නෑ... කවදාවත්ම..
සමහරවිට ඔයාව මට නැතිවෙනවා කියල දැන දැන පෙනි පෙනි මම මොකුත් නොකර හිටියා වෙන්නත් පුලුවන්..
ඉතින් මොලයක් තියෙන උගත් කෙල්ලෙ... අපි තව ටිකක් මේ විදිහට දරාගෙන ඉම්මු. මම ඔයාට ආදරෙයි.
මේක කියවන මගේ මොලේ තියෙන උගත් කෙල්ලෝනේ...අපි තව ටිකක් දරාගෙන ඉම්මු.
මිස් ශර්ලෝ ♥️
2022.09.07
YOU ARE READING
ECHOES IN THE DARKNESS ( Short Stories )
Short Storyඑකකට එකක් සම්බන්දයක් නැති පුන්චි කතා ටිකක් තියෙන්නෙ මේකෙ. මගේ පෞද්ගලික අත්දැකීම් වලින් නිර්මාණය කරපු කතා සහ වට්පෑඩ් එකේ තියෙන ff කියවන් යද්දි ඒ සිද්දි වලින් මම නැවත නිර්මාණය කරපු චූටි කතා තියෙන්නෙ.
