علي: اشرب جاي وصافن عليه ضايعة بين البنات ناعمة كلش حسيتها خجلت صار وجها وردي ....
علي: عمه شني عمي وين
عمتي ام علي: والله مادري عمه
علي: عمه ديري بالج لايخونج
عمتي ام علي: لا يمه دخيلك يا علي ابو علي مايسويها
علي: اي اي عمه هاي هيج
عمتي ام علي: يااا من صبح انت منكلب عليه اكو شيء
علي: لا لا عمه ماكو شيء مالي علاقة انا ((بضحكة))
علي: طبعا هاي أول مرة اطب لبيت عمي فهد واكعد عدهم صح علاقتنا قوية بس جنت من اجيب امي واخواتي اذبهم يم الباب وامشي وارجع اخذهم هاي جنت هيج دائما وحت من اجي لعمي من يجي من دوام نكعد بديوان يعني بنين ماشايفها وماتذكرت حت طفولتها يمكن لان هادئه
.
.
ضلينا عدهم صارت ساعة 10
علي: يله حبايب كومن تأخر الوكت
امي: يله يمه اطلع كدامنا وانا اجي وراك
علي: لايمه ما اطلع
امي: ليش يمه
علي: انا من اطلع اخذج وياي لان اعرفجن توكفن بل باب وتضلن تسولفن واذا محد يصح الجن تضلن للصبح شرط (بضحكة )
عمتي ام علي: هههه هاي هاي الوداعيه لازم نختمها بسالفه
علي: اي عمه وعلي حافظجن حفظ
الكل كام يضحك وانا وياهن
بنين: من شفته يضحك ويتشاقة ويه امي ويسولف شوية تغيرت نظرتي عنه .... طبعا علي طويل حيل وابيض لحيته حلوة ما مبالغة بيها وعضلاته زينات ما مبالغ بيهن
بس انا ما عجبتني شخصيته ولا كلامه ولا حت شكله
بس من شفته يحجي ويه امي وعمتي تغيرت نظرتي عنه شوية ....
علي: طلعنا وصعدن بسياره وانا تفكيري يمها ويم منظرها البارحة بليل ماراح من بالي
.......
وصلنا للبيت
علي: زينب فرشيلي فراش متكسر اريد انام
زينب: اي هسه
علي: فرشتلي زينب فراشي واجيت تمددت وضليت افكر بيها... ياترى هيه هم تفكر بيه.. لا شنو تفكر هيه اصلا ما تحاجين مثل حسن ومنتظر... بس ليش يمكن تفكر بيه بعدين... اووف هسه انا شبسرعة كمت افكر بيها كبر لفك ياعليوي زلمه شطولك فرخة بطول زرك لفتك لف ضليت كاعد نوم ما اجاني
بنين : طلعو عمتي والبنات رجعت تمددت على فراشي ضليت افكر بعد ايام قليلة وتبدي المدرسة شلون بيه راح يبدي شلعان الكلب وطريق بعيد هل مرة اكيد سيارة راح تمشي وقت طويل ((طبعا انا اخاف من سيارة خوف مو طبيعي )) شكلي سنة تورطت وبهاي سالفه يله الله كريم درت وجهي .....
علي: كعدت صبح سبحت وبدلت وطلعت بسيارة اجت بنية صعدت وياي بس مالي خلك اتنوع ولا شيء
لان حسيت رغبتي صارت كلها يم بنين
أنت تقرأ
نسيم عشقكِ
Fanfictionرايتها وادمنتها ، بدى صرع بين العقل و القلب ؛ هل تحبني، هل لديها مشاعري نفسها؟؟ لا أعلم!! لكل هذه الأمور ليس لها تحليل فهلا هذا الشاب الذي احب فتاة من اول نظرة سيمتلك قلبها ؟ هل يستحبه مثلما احبها؟ هل حقد القلوب يؤثر على حبهما؟ نسيم عشقك((بنت ع...
