علي : التفت وشوف الورقة فتحتها مكتوب بيها((علاوي حب حياتي وحبي الاولي وكل احلامي مختصرة باسمك احبك واموت عليك)) وقلب مرسوم جوه مكتوب ب Ali اقرى بيها واضحك وخليتها بمحفظتي ... بس ليش تسوي هيج هيه توها ماترضى تحجي وياي وتبجي وهسه ذابه ورقة وبيها اعتراف استغربت من فعلها بس يله اهم شيء تحبني بس كلبي ما مرتاح احس اكو شيء صاير .. شغلت سيارتي وطلعت ...
________________
تقى: من شفت بنين شلون منهارة .. فرحت فرحه فضيعه ..
غلا: ها ام حسين سويتي الي كتلج عليه
تقى: لج ابوس عقلج انا شهل افكار كلتلها نفس ما كلتيلي خليت دمعة بطرف عينها خليتها تنام ماتدري بروحها خليتها مثل الاعمى مايدري دربه وين
غلا: لللج عفية عليج والله الا ادبها الج
تقى: الله يخليج يا حلوة ... تقى كل الحجي الي حجيته الى بنين جان مو من عندي من عن غلا هيه كالتلي الحوار وانا رحت كلته لبنين والحمدالله نجحت الخطة ...
___________
بنين: نزلت من سيارة اجه علي لزم ايدي عباله انطي مجال يلعب لعبته جريت ايدي بقوة حتى حسيتها طكت .. طبيت للبيت لكيت امي تسقي بلحديقة رحت كبل للبيت حتى مارديت على امي شفت دخل للبيت نزعت حذائي وجواريبي ودخلت بسرعة للغرفة غفلت الباب .. وكمت ابجي عبالك عدنا ميت .. ليش هيج سويت بيه الله لايوفقك انوب قبل لحظات هو يكلي من عيوني اريد الله ينتقم منك بس هاي الي اكولها يا خسيس لا وانوب بنات عم يعني خوات تلعب على الحبلين عسى ماتهنيت بحياتك ياعليوي لا هضمه الجبيرة انا من البداية ليش صدكته ليششش اهاا ليش لان غبية وما عندي عقل والله تندمت على كل حرف حجيته وياه تندمت على ساعة شفته بيها اكرهك اكرهك اكثر بشر اكرهه انت يا عليوي ... بدلت ومسحت دموعي وطلعت
ام علي: خفتي مساع موو
بنين: لارد
ام علي: شبيج يمه
بنين : لا رد
ام علي: يمه شبيج احجي
بنين: بنفذ صبر .. ما بيه شيء اريد ارتاح لو مايصير واحد يرتاح
ام علي: روحي نامي
بنين: رحت تمددت عل فراشي واتذكر كلام تقى واحس سجاجين تطعن بكلبي ودموعي ما توقفن ضليت كاعدة شويه ونمت .....
.
.
.
.
علي : رجعت للبيت وافكر بيها وبتصرفاتها والورقة الي فرت دماغي فر مادري ليش حسيت امرها غريب شويه... رجعت الغروب للبيت تعشيت وصارت ساعة8 رحت نمت احس دماغي راح يوكف من تفكير رحت نمت
_______________
حور : ضلت بنين نايمة من 4 العصر لحد 10 الصبح نكعد بيها ماتكعد وامي كاعده يم راسها وبس تبجي نكعد بيها عبالك داخله بغيبوبة لا تتحرك ولا تسمعنا وتكعد ... امرها عجيب اليوم كلش.. كلبي حاسسني اكوم شيء
بنين: كعدت تنوعت للساعة بل 10 ... احس نفسي رخصية احس حتى الحياطين تتشمت بيه جسمي مكسر ماكدر اكوم عيوني كوه افتحهن قويت نفسي وكمت لكيت امي تبجي بالصالة
ام علي: هااااا يمه متى كعدتي
بنين: باستغراب .. ليش تبجين
ام علي: ابجي عليج يمه من امس بل 4 لحد هسه وانتي ماكعدت خوفتيني عليج
بنين: تعبانه ما حسيت على نفسي
ام علي : روحي سبحي وصحصحي وكليلج لكمة راح اتموتين
بنين: ان شاء الله ... خذيت ملابسي ورحت للحمام الداخلي واحس روحي تريد تطلع سبحت وكملت طلعت
بنين: ملابسي غسلتهن؟
حور: اي انا غسلتهن
بنين: اليوم دوام
حور: اي
بنين: منو ياخذنا
حور: علاوي
بنين: بعصبية... ليش علاوي عمج عامر وين
حور: والله هو صبح انتصل علينا كال هذا الاسبوع خلي علاوي ياخذكم سيارتي عطلانه ماكدر اجيكم
بنين : خوش خوش .. كعدت اتريك لان ميته من الجوع كملت رحت غسلت اديني وجيت دخلت للغرلة طلعت كتاب الجديد وبديت اقرى كل كلمه افسرها بالي عليوي عليوي عليوي عليوي هل اسم ما راح من بالي طول ما انا اقرى ودموعي يصبن صارت ساعة ب 11 سديت الكتاب وراحت بدلت ولفيت حجابي صارت ساعة 11 ونص اجه عليوي ...
طلعنا انا وحور سوى بهاي لحظة لو يخيروني بين الموت لو تشوفين علي اكيد راح اختار الموت لان حسيت نفسي انا الي لازكه بيه
علي : كعدت الصبح انتصل عليه عمي عامر كال هذا السبوع انت اخذهن انا سيارتي عطلانه ... طلعت بسيارة وانا بالي من كد التفكير احس عقلي شوش بس الورقة بيها تصرف شكل لكن تصرفات بنين شكل ثاني يعني شغلة انعكاسية بشكل مو طبيعي صارت ساعة ب11 ونص انا جنت قريب على بيت عمي فهد .. طبكت على صفحه ودكيت هورن من شفتهن طلعنا كضيت البيبان مال سيارة وغفلتها ونزلت هيه راحت ويه حور علمود ماتكعد وراي... عرفتها ضايجه مني ...
حور: علي افتحت الباب
علي: هسه اوكفي ... طفيت السيارة وخذيت السويج... فتحت الباب الي يم سايق ومديت ايدي على باب الورة فتحته هيه صايرة وراي وحور بصفي ... فتحت الباب لحور صعدت حور سديت الباب ورها ...واشرت لبنين تصعد يم سايق بل صدر هيه عكرت حواجبها
علي: تفضلي
بنين : لا رد
علي : حطيت ايدي ورا ضهرها ودفعتها على كيفي... تفضلي يله
بنين: استغربت منه ليش يسوي هيج اذا هو يحب تقى ليش يسوي هيج علمود ماتكعد يمه .. صعدت بسيارة هو ابتسملي وسد الباب
حور: تصرفات علي ويه بنين كلشش غريبة على رغم انو تصرفات بنين وياه رسمية كلش
علي: ابتسمت الها وسديت الباب ورجعت صعدت وشغلت سيارة شغلت قرأن بصوت احمد العجمي وامشي على كيفي
بنين: شغل قرآن ويمشي على كيفه وكل شوية وتنوعلي وصلنا لبيت عمي ياسر دك هورن طلعن التؤام وتقى ..
علي: طلعن البنات..
.
.
.
.
.
نهاية البارت اتمنى تكون عجبتكم القصة
عذرا على قصر البارت
للكاتبة بنين
أنت تقرأ
نسيم عشقكِ
Fiksi Penggemarرايتها وادمنتها ، بدى صرع بين العقل و القلب ؛ هل تحبني، هل لديها مشاعري نفسها؟؟ لا أعلم!! لكل هذه الأمور ليس لها تحليل فهلا هذا الشاب الذي احب فتاة من اول نظرة سيمتلك قلبها ؟ هل يستحبه مثلما احبها؟ هل حقد القلوب يؤثر على حبهما؟ نسيم عشقك((بنت ع...
