لقاء الجبابره( مكتمله)

الفصل الثاني عشر

‏"سيقضي اللّٰهُ أمرًا كُنت تحسبهُ مُستحيلًا."

"لقد خبأ الله لكَ الأجمل حين لم يعطِك ما تريده بشدة، وأخفى عنك حكمة مايحدث لك في سائر حياتك، و مادامت نيّتك طيبة فلن يكسر الله قلبك، وسيجبر خاطرك، ومن غادرَك رغم تمسكك به، ثِق أنه لم يكن مناسباً منذ البداية وستعرف ذلك حين يعوضك الله بمن هو خير لك."

اللهم صلي وسلم علس سيدنا محمد🤲

**************************************************
في مكتب اللواء شهاب دخل اربعه اشخاص مُلثمين ويرتدون الاسود
اللواء:اقدملكو الصقر وفريقه ثم اشار لهم بالجلوش
- اتفضلوا اقعدو
جلسوا امام آسر ،عدي،وإياد،وحازم
اللواء:اظن ان حضرتكوا عرفين انتو هنا ليه
اشار له الجميع بنعم
اللواء:تمام كل المعلومات اللي محتاجين تعرفوها هتكون مع الصقر وطبعا انتو عرفين انو الصقر هو قائد الفريقين
الجميع :تمام يا فندم
الصقر:ممكن اتولا الموضوع من هنا
اللواء:اتفضل
الصقر:شكرا يا فندم ثم نظر الي الجميع وقال
-انا هعرفكم كل حاجه بس في مكان محدش يكون عارف عنو حاجه علشان انا شكه ان في جسوس هنا
آسر:انا عندي المكان
الصقر:تمام انتو هتسبقونا علي هناك واحنا هنكون وراكو بس بمسافه علشان محدش يحس
آسر:تمام
ادو التحيه رحل آسر،وعدي،وإياد،وحازم
اللواء:انت متأكد من حوار الجسوس ده
الصقر:اكيد يا فندم بس فاضلوا تكه واعرفو
اللواء:تمام ماشي
الصقر:عن اذن حضرتك احنا لازم نمشي
اللواء:اتفضلوا ..ادوا التحيه ورحلو ووجدو انا آسر والباقي في انتظارهم ولكن علي بعد مناسب منهم حتي لا يلاخظ احد
************************************************
في سياره آسر وكان آسر وهو من يتولي القياده وكان عدي يجلس بجواره وفي الخلف كان كلا من إياد وحازم
عدي:احنا ريحين علي الشقه بتعتك
آسر:امممم
إياد:بلاش خليها مكان تاني
آسر:محدش يعرف الشقه دي غيرنا احنا الاربعه وهتكون امان منشوف اخره الصقر دا ايه
حازم:ربنا يستر
إياد:مش متفائل
عدي:ولا انا
آسر:بس يلا انت وهو
إياد بغيظ:خلاص هو الواحد مش يعرف يعبر عن رائيه في العربيه دي
آسر:إياااد
إياد:خلاص سكت
بعد مده وصل الي العماره التي يقطن بها آسر ونزلو من السياره
آسر:طب دلوقتي احنا نطلع ولا نستناهم
لم يرد عليه احد لسماعهم رنين هاتف آسر
نظر آسر في هاتفه بتعجب
عدي:في ايه
آسر:رقم برايفد
حازم:طب رد
آسر:تمام فتح آسر الاتصال
-الو
........:اطلعو علي الشقه مش تستنوا علشان محدش يلاحظ حاجه
آسر: تمتم بس انت عارف رقم الشقه
الصقر :اه
آسر:تمام...وانهي الاتصال
عدي:في ايه
آسر:بيقول نطلع علي فوق وهو عارف رقم الشقه
إياد بستغراب:الصقر عارف رقم الشقه ازاي
حازم:دا الصقر يابني
آسر:طب خلاص يلا نطلع...صعد  الجميع الي الاعلي وجلسوا في انتظار الصقر
وبعده عدده دقائق سمعوا جرس الباب ذهب عدي لكي يفتح ووجد انه الصقر
قال وهو يتنحي جانب لكي يترك لهم مساحه للعبور:اتفضلوا
دخلو ووجدو ان آسر يجلش علي كرسي وإياد وحازم يجلسون علي اريكه
..اشار لهم آسر بالجلوس .جلسوا وبدأ الصقرالحديث بعد ان استقر عدي بجانب إياد.
الصقر:اولا احب اعرفكم انا الصقر واشار الي الاشخاص الجالسين بجواره
-القناص والعقرب وعبقرينوا.ثانيا بقا ليه انا قائد الفريق علشان انا من يوم ما تعينت في المخابرات وانا اللي مسك قضية الشحص ده انما بقا مين هو فا...هعرفكم في الوقت المناسب ها اي سؤال تاني
آسر:عايزين عرف انتو مين
الصقر:ودي برضو في الوقت المناسب
عدي:عرفتوا ازي مكان الشقه ورقمها
الصقر:احنا قبل ما نشتغل مع حد لازم نعرف عنه ادق التفاصيل
آسر:تمام دلوقتي احنا هنعمل ايه
الصقر:احنا قدمنا شهر لغايه لما نسافر هيكون ٣ اسابيع تدريبات وهتعرفوا ايه هي في وقتها
آسر:تمام والاسبوع اللي فاضل
الصقر:انتو هتخلصوا فيه شغل شركتكم كلاها
آسر:تمام وبعد كده هنعمل ايه
الصقر :انا بعد لما الاسبوع ده يخلص هعرفكم مكان التدريب تمام
الجميع :تمام
الصقر:كده كل اللي انا عايز اقولو خلص حد عند اي استفسار
اشار الجميع ب لا
الصقر:تمام هنمشي احنا ونتقالبل بعد اسبوع سلام
رحل الصقر وفريقه
إياد:مش بقولكوا مش متفائل
آسر:اللي غيظني اني معرفتش ميين هما
عدي:هنعرف
حازم:المهم شوفتوا باقي الفريق كان قاعد ساكت ازاي
إياد:ايوه بجد انا كنت حاسس انهم مش موجودين اصلا
آسر:شكلوا مسيطر عليهم جدا
عدي:اممم جدا وباين في اسلوبوا 
آسر:مش مشكله دلوقتي هنعرف كل حاجه في وقتها يلا نروح ..  عدي انت  بكره او بعدو بالكتير خلص الصفقه اللي معاك..ثم نظر لإياد وانت يا إياد هتروح تخلص البضاعه اللي في الجمارك
اشار عدي وإياد بنعم
حازم:الحمد لله انا افراج
آسر:لا يا حلو انت بقا هتروح الجهاز وتخليك هناك وتعرفلي كل جديد
حازم:ريح نفسك مش هتعرف حاجه علشان كل مهمه للصقر محدش يعرف عنها حاجه غير الصقر حتي اللواء
عدي:وانت عرفت من اين
حازم :سمعت عنو مش اكتر وكمان بيقولو ان حتي فريقه مش بيكون عارف المهمات عباره عن ايه هو اللي بيخطط
عدي:شكلك يالا تعرفه ومخبي عليا
حازم:ابدا بس الجهاز كلو من يوم معرفوا ان الفريفقين هيشتغلوا مع بعض محدش مبطل كلام عن البطلات اللي هتحصل وبطلات الصقر
آسر:دا شكل الموضوع هيحلو اوووي المهم يلا نروح
إياد:لا انا مش هروح انا هنام هنا اصل ابويا طردني  النهارده
حازم بضحك: ليه عملت ايه في عم ابراهيم
إياد بضحك:ولا اي حاجه قطعت عليه هو وماجده هانم بس يقوم ايه
آسر:يرميك بره البيت
إياد:صح
آسر:و هو بقا يرميك بره البيت وتيجي تقرفني هنا
إياد وهو يدعي البراءه:ايه ده ايه اللي عرفك اني هقرفك
عدي بضحك:طب ايه رائكم نقضي اليوم هنا بما ان حازم فوت الاقاعده دي  المره اللي فاتت
حازم:انا معنديش اي اعتراض
آسر:ربنا يصبرني عليكم ماشي بس بقا الاستاذ إياد هيقوم يجبلنا اكل
إياد:ماشي هطلب اكل
آسر:لا يا حلو هتنزل من هتطلب
إياد:لا مش نازل
آسر:هتنزل يا أياد يا حبيبي وإلا...
نهض إياد :خلا هروح ربنا علي الظالم
آسر:سمعتك علي فكره
عدي بضحك:متنساش الببسي يا ديدو
رحل اياد تحت ضحكات الجميع
*************************
وبعد ساعه تقريبا حضر إياد بعد ان احضر الطعام وجلسوا حول مائده الطعام في صمت وبعد فتره قطع هذا الصمت صوت آسر وقال:
-احنا هنروح مكانا اللي بندرب فيه الاسبوع ده قبل ما نروح مع الصقر
عدي بستغراب:ليه
آسر بغيظ:هيكون ليه يعني علشان ندرب ثم قال بصوت منخفض"ووريهم مين فينا القائد" ولكن وصل للجميع ولم يعلق احد
إياد:طب الشركه
آسر:هخلي "منه" المسؤله مكاني وانا هفهما كل حاجه بكره ويكون كل واحد خلص اللي طلبتوا
وافق الجميع ولم يريدوا ان يعترضوا علي كلامه وخاصه في هذا الوقت
*******************************
في صباح اليوم التالي في غرفه الاجتماعات اجتمع آسر وعدي وإياد وحازم مع السكرتاريه الخاص بكل شخص وكانو "منه،مني-سكرتيره عدي بعد ان استقال السكرتير الخاص به-،عمر-سكرتير إياد-وعماد-سكرتير حازم-" وبدا الحديث آسر بعد ان استقر كل شخص في مكانه وفاكان كل مدير بجواره السكرتير الخاص به
آسر:انا جمعتكم النهارده علشان انتو اكتر الاشخاص اللي بثق فيها سواء كانوا معانا من زمان اول لسه متعين من فتره بس مع الشغل والتعامل معاهم خالوني اثق فيهم مليون في الميه علشان كده انا هسلمكم مسؤليه الشركه لمده اسبوع علشان عندي مهمه ..اقدر اعتمد عليكوا
الجميع:اكيد يا فندم
آسر:تمام انا كنت واثق من كده كل شخص فيكم المدير المباشر عليه هيعرفوا ايه الحاجات  اللي ها تم الفتره الجايه وايه مهمته فيها واللي هيكون مسؤل عن كل حاجه هتكون منه وهي من بكره هتكون المسؤله مكاني تمام
الجميع:تمام يا فندم
آسر:تمام جدا حد عنوا اي سؤال
اشار الجميع برأسهم بمعني لا
آسر:تمام تقدروا تمشوا
رحل الجميع ماعدا منه
منه:حضرتك خلتني ليه مكانك كان ممكن تحط حد كان موجود قبل مني زي عمر او عماد هما عرفين الشغل اكتر مني
آسر:لا انا واثق في ذكاءك وعرفك قد المسؤليه
منه:تمام ان شاء الله هكون عند حسن ظنك فيا
آسر:وانا متأكد من ده يلا نروح المكتب علشان اعرفك هتعملي ايه الفتره الجايه دي
منه:تمام ..نهضوا واتجاهوا الي مكتب آسر شرح لها عن كل الصفقات اللي هتم والشروط وكل شئ يتعلق بهم ومر اليوم مابين جميع المكاتب الخاصه برأساء المجموعه وتبادل الملفات فكان يوم مرهق للجميع
**********************
 مع صوت العصافير المبهج في منزل منه تستيقظ في الصباح الباكر فمنذ اليوم وسيكون علي عاتقها مسوؤلية الشركة بالكامل بعد غياب مربع الصداقة بدات يومها بالاغتسال والصلاة والخلاف اليومي
منه: صباح الخير يا ست الكل
غادة: يا صباح الخير علي ست البنات الحلوين الطمعين
منه: هههه انا دا كله القرد في عين امه
غادة: اخص عليكي دا انتي قمر
منه: تسلمي يا ماما والله
غادة : يالا قومي افطري علشان تتوكلي علي الله
منه: لا يا ماما انا بفوق بس وهقوم البس وامشي ان شاءالله
غادة: يا بنتي افطري زي البني ادمين بدل ماتقعي
منه: ياماما مش هاكل كل يوم بقولك مش بعرف افطر مش بتصدقي
غادة: ودا من ايه بقا
منه: ببقا مقريفه مش عايزة اكل
غادة:طب معلقة عسل نحل بحبة البركه تديكي طاقة
منه: اذا كان كدا ماشي
وتذهب منه ناحية الثلاجة وتناولت العسل ارضاءا لوالدتها
منه: تمام كدا يا غدغود؟
غادة:ربنا يراضيكي ويرضي عنك زي مانتي مريحة قلبي
فتذهب منه لاحتضان هذه المرأه الحنونه والحب الاوحد في قلبها
منه: ربنا يخليكي لينا يا ست الكل ويديكي طولة العمر
اثناء ذلك في غرفه عدي كان  يقوم باعداد حقيبة مناسبة لقضاء فترة التدريب المتفق عليها وبعد انتهائه من حزم اشيائه ذهب لوالدته وقبل هامتها
عدي:صباح الفل يا ماما
غادة: صباح الخير يا حبيب امك
عدي:ربنا يخليكي لينا يا امي وذهب باتجاه اخته العزيزة وفرحة المنزل
عدي:صباح الفل يا قلبي
منه باحتضان لاخيها الحبيب: صباح الفل علي احسن اخ في الدنيا
عدي: والله انتي الي حبيبتي والله هتوحشوني الفترة دي
غادة: الغيبة قد ايه المره دي يا ابن بطني
عدي بتوتر: 3 اسابيع ان شاءالله يا ماما
غادة رغم خوفها: ربنا معاكوا يا حبيبي وترجعولنا سالمين من هناك ان شاء الله
عدي وهو يحتضنها: ماتخفيش يا ست الكل دا هو تدريب بس الي هياخد الوقت دا كله المهمة هتخلص في يومين علشان مشترك معانا فريق قوي جدا ارتاح انتي بس وماتنسناش من دعويكي الحلوة
غادة وهي تمسح علي راسه بحنان:بدعيلك انت واختك ربنا يحفظكوا ويبارك فيكوا ويبعد عنكوا ولاد الحلام
تاثر كلا من عدي ومنه وذهبوا لاتحتضانها
غادة:ربنا يخليكوا ليا انتو الي طلعت بيهم من الدنيا
خرج الاخوان من حضنها وذهبت منه لاحتضان اخيها العزيز وقفت امامه تتامله بفخر والدمع يلمع في عينيها اخيها الحبيب وقدوتها في الحياة تمشي علي خطاه تستند عليه فلا يكل ولا يمل من دعمها والان شاب يخدم وطنه ويحمي شعبه بروحه ومثله الكثير من ابناء الوطن حفظهم الله دائما وابدا فاقت علي تاملها لهو علي صوت مناداته لها
عدي: منه يا منه انا عارف اني حلو بس مش للدرجه دي ثم قال بغمزة تاخدي صورة
منه بضحكة: يخربيت الفصلان يا اخي ضيعت اللحظه
عدي بضحك مرتفع: اصل لاقيت سرحتي كدا وفاضل يطلع قلوب من عينك قولت الحقك الحق عليا المره الجايه هسيبك حاضر
منه بتكشيرة مضحكة: بس يارخم دا انا عماله افكر واقول الواد كبر وبقا شاب زي الورد وبقا يخدم بلده وشعبه بس لازم تطلعني من المود
عدي بحنان:دا واجبي يامنون لو فضلنا في بيوتنا مين هيحمي البلد دي هنسبها للكلاب والخونة يبهدلوها ويشردوا اهلها
منه بعنف وصوت حازم:الكلام دا مش هيحصل لو علي موتنا
عدي بجديه متجاهل لنبرة العنف : دي بلدنا وكل واحد بيدافع عنها بطريقته عندك مثلا المهندس لما يتقن شغله دا هيشرف البلد ويرفع اسمها عامل النظافة لولاه كانت شوارع البلد حاجه غير مشرفه بالمره مع ان دا مش ليه علاقه بالبلد دا بسبب اهمال فئه من الشعب الكسول ربنا يهديهم فكلنا هنا علشان مصلحة البلد ممكن تكون مش احسن بلد في الدنيا بس هي الوحيدة الي في قلوبنا
كانت كلا من منه وغادة ينظرن باتجاه عدي بعيون دامعة تاثرا وفخرا غادة بهذا الابن البار والشاب الجاد والمسوؤل اتجاه اولاوياته ومنه بفخر اتجاه هذا الاخ العزيز والقدوة وتتمني بشريك حياة مثله اذا وجدت من ينافس هذا الحبيب في الحنان والالتزام وكان اول من قطع الاجواء المأثرة صوت منه
منه بضحك: بقولك ايه مش عايزين عياط ماما لوعيطت مش هتسكت فبلاها احسن انت تروح مع السلامة هتريحنا شوية منك وترجعلنا صاغ سليم، واضافت بجدية :من غير خدش فاهم
عدي بضحك: تحت امرك يا سمو الاميرة اي خدمات تانيه مع الاوردر
منه بضحكة استفزاز: بطاطس وكاتشب لو سمحت
عدي بنرفزة: يا شيخه روحي بقا
وانطلقت ضحكات كلا من منه و والدتها ترفرف في الاجواء وفي هذه الاثناء انتباه الجميع لصوت والدهم
الحاج محمد : احم احم خلصتوا ولا لسه شويه
اتجهت الاصوات ناحية باب المطبخ المتجمعين به فاذا بوالدهم للحنون يستند علي باب المطبخ فاتجه كلا من عدي ومنه لتقبل يد والدهم بحب وتقدير وكانت والدتهم تنظر بحب لعائتها وزوجها الحبيب والحب الاول وسبب استمرار هذه العائلة
عدي، منه :صباح الخير يا بابا
الحاج محمد: صباح الخير ياحبيبي عاملين ايه
عدي، منه: الحمد لله بخير
الحاج محمد لعدي : هتمشي امته يا بني
تفهم عدي ان ابيه كان يقف منذ فترة وعلم بامر سفره فنظر في ساعة يده : والله يا حاج الساعه دلوقتي 7 وانا جهزت شنطتي هفطر معاكي وعلي 9 كدا ان شاءالله هيتوكل علي الله
الحاج محمد بتفهم: علي خير يا بني ربنا معاكوا ويحفظكوا  واضاف بجدية :انا مخلف راجل اعتمد عليه وقد مسوؤلياته ويحمي اخته وامه من بعدي
قاطعته غادة بلهفه وخوف : بعيد الشر عنك يا محمد ربنا يبارك فيك ويخليك لينا انا ليا غيرك يا حبيبي
نظر اتجاهها الجميع واتجاهه لها زوجها وقبل راسها واحتضن كتفها : صباح الورد يا حبيبتي عيالك مش خلوني اصبح عليكي ونظر لها وانتي خايفه كدا ليه دا انتي مؤمنه بالله وعارفة ان الموت علينا حق يا حبيبتي
غادة بتاثر: عارفة ومش معترضه بس بالله عليكي وحياتي عندك بلاش تقول علي نفسك كدا ورفعت يديها وتمسكت بمقدمة ملابسه واضافت بهمس انا مش ليا حبيب غيرك في الدنيا هموت من غيرك
نظر لها محمد بحب وحنان وقبل يديها :ربنا يخليكي ليا يا كل حياتي
كان كلا من عدي ومنه ينظروا باتجاه والدهم و والدتهم بحب لتلك المشاعر المستمرة لحد الان بعد عمر ،قد يعتقد البعض انه من الممكن ان يقل الحب مع تقدم العمر لكن في الواقع يزداد الحب قوة بالمودة والرحمة والعشرة والتفاهم بين الازواج .
غمز عدي لمنه ونظر باتجاه والدهم الهيمان في حبيبته ففهمت منت انه قرر وكالعادة مشاكسة ابيه وكانت هي اكثر من سعيدة بذلك اتجهه الاثنين لهم،  عدي:ايه يا حاج واخد راحتك كدا ليه دا احنا حتي واقفين في المطبخ ولا ايه يا منه
منه بضحك: علي رايك يا اخويا مش عاملين اعتبار للسناجل خااالص كدا دا انتو كدا هتزودوا الجفاف العاطفي انتو حريين
انطلقت ضحكات غادة في الارجاء ورد عليهم والدهم بنرفزة: ايوة غنوا وردوا علي بعض انتو مالكوا بينا ماتخلوا عندكوا دم وتسيبوا المطبخ وتمشوا
منه بغمزة لوالدتها : عاجبك انتي الكلام يا جميل طبعا ماهو حبيب القلب
غادة بعد ما هدات ضحكاتها : طعبا حبيب القلب دا هو الي حببني في الحب انتي عارفه انا في ثانوي وجامعة ماكنش يعجبني العجب ولا تقولي عيون لونها ولا عامل مش عارفة ايه ولا كان يفرق معايا وكنت اخاف من الحب علي راي الست بس لما شوفته خلاني احب الحب علشانه ربنا يرزقكم يا ولاد بالحب الحلال الي يبقا سبب سعادتكم وراحتكم
ابتسم الجميع تاثرا لكلماتها واضافت :يالا كل واحد يروح يجهز عقبال ماجهز الفطار
قالوا في نفس الوقت : طب نساعدك
نظروا لبعض ثم انفجروا ضاحكين فقالت غادة: لا شكرا مش عايزة حد يشاركني مطبخي حاجتي خط احمر وانتهت حديثها بغمزة واكملت ثم يا استاذ عدي مش تستعجل علي المساعدة هتبقا تساعد مراتك مش تقلق ونظرت لزوجها واكملت وانت يا حبيبي كفاية ساعدتني كتير فابتسم لها محمد بحب واكملت موجهه حديثها لمنه التي علمت ان الدور عليها وانتي يا استاذة انا عارفه انها عزومة مركبية وانتي مش هتساعدي ولا حاجه دانتي يا دوب تلحقي تجهزي من الشاور للسكين كير واللبس مش هتعرفي تساعديني اصلا
منه بضحك لمعرفة والدتها بنيتها : عيبك انك حفظاني يا غدغود ثم قبتها علي وجنتها واضافت بس مش مشكلة بحبك برضو يا قمر وانتهت حديثها بغمرة تنافس والدتها فهي اخذتها منها في نهايه الامر
ضحك الجميع فقاطعهم صوت عدي المعترض: يا امي هو كل شوية تقولي تساعد مراتك تساعد مراتك يا ستي انا بساعدك علشان انتي امي حبيبتي اساعدها هي ليه هي البدلة الميري مش عامله شغل ولا ايه
كانت غادة علي وشك توضيح الامر لكنها سمعت صوت زوجها فتركت الامر له هذه المرة محمد بجدية : وفيها ايه يا حضرة الظابط لما تساعد شريكة حياتك وخلي بالك من الكلمة شريكه حيااااتك فاهم ولا لا ،مش معني انك ظابط او غيرة من المهن انك مش تساعد شريك حياتك وانت قولت بنفسك بتساعد والدتك بدافع الحب ومراتك برضو هتساعدها بدافع الحب وكمان من باب التقدير انك مش جايبها تخدمك لكن انت عايز تبني حياتك معاها الكلام واضح ولا لا يا استاذ عدي
عدي بابتسامة : فاهم يا بابا كلام علي راسي بنتعلم منك يا حاج .ابتسم الحاج محمد لابنه وذهب الجميع للاستعداد للخروج للعمل
********************
في غرفه عدي كان قد انهي حمامه للتو وبدا في ارتداء ملابسه المكونه من بنطال رياضي من اللون الاسود يعلوه تيشرت من الابيض مع حذاء رياضي اسود اللون نظر في المرآه ليتاكد من اكتمال مظهره الذي اختاره بعنايه ليكون مريح في السفر لمكان التدريب واخذ حقيبته واتجه للخارج اما الحاج محمد كان ايضا كان انتهي من حمامه المعتاد وسبق عدي علي الطاولة لتناول الفطور .
********************
اما بغرفه منه كان الوضع مختلف فطابع الانثوي يطغي وبقوة فبعد انتهائها من الاستحمام كانت تقوم بروتين اليوم للاعتناء ببشرتها  مع سماع اغانيها المفضلة
"قلب في دفاتر تلقي الشعر بيحكي عنا فاكر
                                     ايام ما كنا بنحلم نبقا تحت ضل ساتر
قل الي بينا بالايام وصبح كلامنا فاتر
                                     مش لاقي حد غيرك حتي في البعاد اغازل"