ابنة الجن

الفصل الاول الاشتياق للحبيب الاول

انا متزوجه وكنت بحب واحد  قبل ما اتزوج اسمه فؤاد  حبينا
بعض طول فترة الدراسه
بس محصلش نصيب بينا وكنت
بعمل حاجه  خطيره بيها اني اقرب
لحبيبي السابق .
لكن مكنتش اعرف ان كل ده هيحصل  مكنتش اعرف
ان الي بعمله ده بنتي هي الي هتشيل مسؤليته 
ودلوقتي هقول ازاى غلط
انا واحده كنت بحب شاب جدا وكنا متواعدين
اننا عمرنا ما هنفترق  لكن النصيب كان اقوى مننا هو كان علي قد حاله ومكنش متأهل اننا نتجوز خالص حتى بعد ما خلصنا تعليم 
وجالي في يوم راجل كان اي بنت تتمناه وتتمنى تعيش
معاه اسمه محمد
لكن مقدرتش موافقش عليه بذات اني كل مره
ارفض  ولاى سبب تافه للاشخاص الي كانو بيتقدمولي
لكن انا بصراحه مليت وزهقت وروحت وافقت عليه 
اتجوزنا وبصراحه هو كان مش مخليني عايزه اي حاجه
وكان دايما بيحب يسعدني جدا 
لكن انا مكنتش قادره انسى حبيبي الاولاني
و هو
بعد عني اول ما اتجوزت بكل الطرق والوسايل الي كنت
ممكن اوصله بيها بس كرامته منعته عنى لما اخترت اعيش مع واحد تانى وقفل بينا كل الببان  لكن حاولت
ودورت كتير
علي اي طريقه اوصله بيها لكن ملقتش ولا طريقه
غير طريقه واحده
وهي الطريقه الجهنميه الي قالتلي عليها جارتي  فاتن
بعد ما حكتلها كل الي جوايا وكل الشوق الي جوايا ليه
قالتلي في طريقه توصليله بيها وكمان هتحسسك انك
مش بتخوني زوجك
قلتلها ازاي  قالت يعني هتشوفيه وهتقعدى معاه واي حاجه
نفسك فيها هتعمليها وكمان مش هتبقى خاينه لزوجك
قلت ازاي يعني هعمل كل ده ومش هيبقى  في خيانه
لزوجي قالت اسمعيني للاخر
انتي كل الي عليكي هتجيبي اي  حاجه  من ريحت حبيبك
الاولاني ده
وهنروح لواحد بيعمل اسحار هيخليكي تشوفيه
وكل الي انتي عايزاه هيعملهولك
انا طبعا اول ما سمعت كلمه سحر جسمي اتلبش
فكان ردى عليها لا طبعا ده حرام وبعدين انا مش
عايزه اَزيه ابدا انا كل الي عايزاه اشوفه واطمن عليه
حتى لو بنظره واحده
جارتي:  حتى لو نظره واحده هيخليكي تشوفيه
بس اسمعي كلامي وتعالي معايا
بصراحة غاوتني بكلامها ومست اضعف حته فيا
اني مشتقاله اوي
فقلت لو حصل هشوفه بس اطمن عليه اشوف حاله ازاي من بعدي
روحت وخدت منديل قديم كان كاتبلي فيه بحبك
المنديل ده كان بتاعه  ومن ريحته روحنا للراجل
الي قالت عليه
بس قبل ما ندخل قالتلي استنى هنا واول ما اناديلك
تدخلي
دخلت هي الاول وكان البيت شكله مش مريح خالص من بره
دخلت وسبتني واقفه بره يجي نص ساعه  وانا طبعا
متوتره هي عوقت ليه ده كله
بعد كده طلعت وقالتلي تعالي انا فهمته كل حاجه يلا ندخل
دخلتله و الراجل ده قعد يبصلي بنظرات غريبه خالص
ومطمنتش اكتر روحت واقفه  وقايله لا مش هعمل حاجه
يلا نمشي ولسه هخرج من الباب وببص عليها علشان اشوفها جايه ورايا ولا لا
لقيته راسم بالنار جسم وشكل فؤاد حبيبي وقالي
مش هو ده الي انتي جايه هنا علشانه
انا اول ما شفته  ضعفت قدامه وقلتله اه ايوه هووو
قالي طيب تعالي اقعدي وانا مش هعمل غير الي هطلبيه
قلتله  انا بس كل الي عايزاه اشوفه واعرف اخباره ايه
قالي وكمان هتعدي معاه وهو بنفسه هيقولك كل حاجه
قلت ماشي  وانا متعجبه لكل الي بيحصل بس قلت خلاص
انا طلاما هاخد هدفي يبقى لازم اجمد قلبي شويه
قعدت تاني وقعد  يعمل حجات كده غريبه ومش مفهومه
وقالي وريني شعرك قلتله لا ليه
قالي وريني شعرك مش عايزين نبوظ كل الي بعمله
وريته شعري وراح ماسك المقص وخد مني زي خصله
كده من طرف شعري
وانا مستنيه هشوف  هيعمل ايه بعد ده كله
وخلص وبعد كده قالي هتروحي البيت
واداني
كيس لبن مختلف كده وقالي هتاخديه ولما تروحي
حولي تخلي جوزك يروح مكان بعيد يقعد فيه
١٢ ساعه بعيد عنك
ولما يمشي تشغلي شموع وانوار هاديه  وتصبي
اللبن ده في كوبيتين  وتفكري
في الذكريات الي كانت بينك وبين فؤاد لمده لا تقل
عن ٥ دقايق  وبعديها هتلاقي فؤاد بيخبط علي بابك
قلتله تمام ماشي بس ايه المقابل ليك بعد ده كله
بصلي وضحك وراح قال لجارتي
ردي عليها يا فاتن
قالتلي لا لا يا حبيبتي ده مش بياخد مقابل
هو بيكتفى  بالخير الي بيعمله مش بياخد مقابل
انا . بصراحه اطمنت لما قالتلي كده
حسيت يعني انه مالوش مصلحه في انه يئذيني او
يئذيه
فا روحنا 
وكان  زوجي  محمد بيجي
الساعه ١٠ بالليل من الشغل فضلت مستنياه واول ما دخل عليا
عملت نفسي تعبانه واني محتاجه يروح يجيبلي روشته
من ماما فيها العلاج الي هيخففني
محمد قالي ايوه بس ايه التعب الي جد عليكي ده مره
واحده واحنا
متزوجين بقالنا سنه واول مره اعرف بيه
رديت عليه قلتله انت هتتكلم وانا تعبانه التعب ده
جالي مره وانا بنت وكشفت وخدت علاج ريحني
قال خلاص خلاص يا حبيبتي هروح اجبهولك
بس
خايف اسيبك وانتي تعبانه كده
انا . لا منا مش تعبانه اوي بس لو سكتنا شويه التعب
هيذيد عليا
محمد : ماشي خلاص هروح اجيبه واجي بسرعه
مشي محمد بسرعه البرق واول ما نزل
رنيت علي ماما قلتلها يا ماما محمد عايز يقابلك
ضروري استنيه في الكافيه الي ورا الشارع 
ماما؛ طيب يا بنتي فيه حاجه ولا ايه حصل حاجه بينكم
انا .لا يا ماما مافيش حاجه وهو من امته بيحصل بينا حاجه
هو لما هيجيلك هيفهمك بس خليني معاكي علي الخط
متقفليش عايزه اسمع كل حاجه هيقولهالك
ماما : ماشي يا بنتي انا هنزل دلوقتي استناه واخليكي علي الخط
بس وخلصت كلام مع ماما  وسبت خطها مشغول معايا علشان محمد لو رن عليها يلاقيه مشغول بدات اعمل كل الي قالي
عليه الراجل ده
ووصلت للحظه الي مستنياه وقعدت افكر في فؤاد
راح موبايلي رن  اتغظت اوي ورديت بعصبيه
وقلت عايز ايه يا محمد
قال روحت لمامتك يا حبيبتي ملقتهاش موجوده  ورنيت عليها وتلفونها مشغول
انا: استنى شويه يمكن بتجيب حاجه بس اوعى تيجي
من غير الروشته الي قلتلك عليها وانا هريح شويه لحد ما تيجي
ومترنش عليا تاني لحد ما تيجي  سلام
وقفلت
وطبعا معرفش هو كان ايه رد فعله بس مستنش اني اعرف  لانه اكيد مستغرب للي بيحصل
وقفلت السكه وحطيت رقمه علي الحظر
وبدات افكر في فؤاد تاني وانا فرحانه اني هشوفه  بس في نفس الوقت خايفه يكون كل ده كذب
مش عارفه ده فعلا حقيقي وهشوفه بجد وفكرت فيه زي ما قالي الدجال ومستنيه بلهفه جدا  واستنيت خمس دقايق  وجت اللحظه
وبالفعل لقيت الباب بيخبط
فتحت الباب لقيت قدامي .
فتحت الباب لقيت قدامي فؤاد فعلا فرحت ومن شدت
فرحي  مكنتش  مصدقه انه فعلا واقف قدامي
ومسكته من ايده ودخلته وقعدنا ونظرتله نظره طويله اوي
وسألته كميه اساله كبيره لكن فؤاد مكنش بيرد
زي ميكون واخد مخدر روحت مسكت ايده وقلتله
مالك يا فؤاد مش بترد عليا ليه بصلي بحزن
وقالي
انتي حطمتي قلبي خلتيه شبه زجاج مكسور
اختارتي تعيشي مع واحد تاني رغم انك عارفه
اني مكنتش بقدر اعيش من غيرك
مكنتش عيني تغمض لو في يوم كنتي زعلانه سواء انا السبب او لا
مكنتش برتاح ولا بطمن غير لما اشوف ضحكتك
كنت بحس انها هي دي الحاجه الي انا عايش علشانها
انا عارف انتي جيباني دلوقتي ليه علشان تشوفيني
لكن انا جاي علشان اقولك اني خلاص نسيتك وانك مش فارقه معايا ابدا
واني هعيش حياتي طبيعيه ولا كائن شئ لم يكن
انا: الدمعه نزلت من عيني وحسيت بذنب كبير اوي
اتجاهه وقلتلته
يا فؤاد اسمعني مكنش بايدي اختيار لكن فعلا انا مكنتش
عارفه قيمتك كويس بس كل الي اعرفه اني حبيتك
ولسه بحبك لحد الاَن متسبنيش ومتبعدش عني تاني يا فؤاد
فؤاد: ازاي عايزاني مسبكيش دلوقتي وانتي سبتيني
ومكنش ليكي اي مبرر للبعد عني لما سبتيني واختارتي
تعيشي مع واحد تاني اخترتي تعيشي معاه بعقلك
وركنتي قلبك خالص ساعتها  ومفكرتيش للحظه هتبقى ايه حالتي
لما اتخدعت فيكي بالشكل ده واعرف اني عشت ايام وليالي مع واحده متستهلش مني اي حاجه حلوه عملتها
انا : طيب طيب يا فؤاد انا مستعده دلوقتي ابيع كل الدنيا علشانك
مستعده اطلق واعيش معاك انت تحت اي ظرف واي حاجه
هنمر بيها سوى
فؤاد : ازاي عايزاني أَمن لواحده باعتني زمان ازاي عايزاني
ابني لنفسي جرح تاني جديد
انا: سبت ايده وقعدت منهاره من البكاء وكنت حاسه ان قلبي بيتقطع زي ميكون سكاكين تلمه داخله خارجه منه
لقيت فؤاد جه وحط ايده علي كتفي وقالي رغم كل حاجه حصلت
لسه دموعك غاليه عليا انا الموت عندي اهون من اني اشوفك بتبكي يا نور
انا: حسيت ان فؤاد حنلي اوي وحسسني بالامان الي كان
من نحيته زمان
وبصتله وقلتله طيب يعني مش هتبعد عني تاني
فؤاد : انا منكرش اني اتجرحت وعنيت بسببك كتير
الفتره الي فاتت بس برضو منكرش اني لسه بحبك
وقلبي عايش لحد دلوقتي علي امل اني في يوم نتجمع
سوى
انا : خلاص يا فؤاد انا هطلق هطلق من جوزي وهنعيش انا وانت من غير اي مشاكل
فؤاد: لا حاليا انا مش هقدر اتجوزك لان مشغول
ولسه عايز شوية وقت علشان اقدر انسى كل الي حصل
ولحد ما يجي اليوم الي هنتجمع فيه اعتبريني معاكي
ومش مفارقك لحظه واحده
انا :ازاي يعني يا فؤاد هتبقى معايا وانت مش معايا
فؤاد :انا هعيش معاكي هنا في البيت
انا: بنظرة استغراب ازاي يعني هتعيش معايا هنا
وجوزي محمد موجود
فؤاد : انتي ناسيه انتي جبتيني دلوقتي ازاي 
الي خلاني اجيلك بمجرد وصيله تفكير
هيخليني اعيش معاكي من غير ما جوزك يشوفني ولا
يلمحني حتى ولا مره مش هكون موجود طول ما هو هنا
لكن اول ما يخرج من باب الشقه هتلاقني موجود
انا : مطمنتش اوي لكلامه بس صدقته لان فعلا الي خلاه
يجيني عن طريق تفكير هيجي دايما وجوزي مش موجود
وافقت قلتله ماشي يا فؤاد موافقه انك تكون معايا
لحد ما اطلق ونتجوز
فؤاد: جدعه حبيبتي  راح مقعدني ومديني كوباية اللبن
ومسك هو واحده وقالي هنشرب احنا الاتنين مع بعض في نفس الوقت