في نفس الوقت
عدينا لحد تلاته وشربنا مع بعد وفجأه قالي فؤاد
يلا لازم انزل دلوقتي جوزك طالع علي السلم
انا: وانت عرفت ازاي انه طالع
فؤاد : جري وفتحت الباب وقالي اشوفك في اقرب وقت
سلام
انا: استنى طيب ولسه هروح وراه اشوفه واقوله هتوحشني
وبنادي عليه وبقول استنى يا فؤاد وببص علي السلم لقيت جوزي طالع جري
دخلت لجوا وقعدت علي الطربيزه الي كنا قاعدين عليها انا
وفؤاد دخل محمد
وفضل يبص كده عليا وعلي الي كنت عملاه
وقالي ايه ده في ايه ازاي تعبانه وازاي انوار وشموع
طيب طيب مش مشكله المهم انتي عامله ايه
انا فضلت مستني امك شويه كتار وقلت انزل
ادور عليها يمكن
بتجيب حاجه من هنا قريب لقيتها بتنادي عليا وتقولي
تعاله يا فؤاد يا ابني مستنياك هنا من بدري ايه الموضوع
الي كنت عايزني فيه
انا : طيب طيب خلاص بص انا مكنتش تعبانه خالص
وده فيلم بس عملته عليك علشان تمشي وترجع تلاقي
الحجات الحلوه دي
قالي: يسلام يعني تقلقيني عليكي كل ده وابقى ماشي
متوتر ومش في حالتي الطبيعيه علشان سايبك تعبانه
في البيت وانتي تيجي في الاخر تقولي مكنتش تعبانه
طيب والله انا غلطان انى سمعت كلامك ومشيت في حته بعد كده مش هصدقك تاني
انا : اسفه يا محمد مكنتش اعرف انك هتقلق للدرجه دي
قعد قدامي علي الطربيزه وبص في الكوبايتين
قال كمان
محضرالي كوبايه لبن ههه
انا: قلت اه هات اروح اصب فيها لبن
محمد: ماشي خدي حطي في كوبايتك انتي
كوبايتي مليانه
انا: مليانه ازاي يعني ببص لقيتها مليانه فعلا
وكان فؤاد مشربش منها ولا نقطه حتى
استغربت وخدت كوبايتي ودخلت مليتها لبن من الي موجود في التلاجه
وعبال ما رجعت علشان اديه من اللبن ده واخد التانيه
لقيته شاربها
وقالي يعني اللبن ده طعمه حلو اوي حاسس انه مختلف واول مره ادوق لبن تسلم ايدك يا حبيبتي
يلا بقى ننام لحسن انتي سيبتي اعصابي ولله من المقلب ده الرخم
يلا يا حبيبتي
وحط ايده علي كتفي ودخلنا علشان ننام وانا
اول ما حط ايده
حسيت كان نار لمستني بس كنت مستحمله غصبن عني
وقلت مش لازم اخليه يحس باي تغير من نحيته لحد
ما نطلق
دخلنا وهو نام وانا طول الليل بفكر في فؤاد ومستنيه
الصبح بالعافيه
واول ما الصبح صبح صحيت محمد علطول وقلتله يلا
علشان تروح شغلك وحضرتله هدومه ولبس وخدته من
ايده ووصلته عند الباب
محمد: في ايه مستعجله علي ايه ده لسه بدري
انا مش بروح دلوقتي وبعدين ينفع كده تمشيني من
غير فطار
اخص عليكي يا نور
انا: معلش يا فؤاد اصل طول الليل منمتش كنت حاسه
بارهاق قلت اصحيك وامشيك علشان اريح شويه
ومبقاش عايله هم صحيانك يلا بقى سلام وخرجته لبره وقفلت الباب
وقاعده مستنيه فؤاد
مافيش دقيقه ولقيت الباب بيخبط جريت علي الباب
وانا متلهفه عليه وبفتح لقيته محمد
قلت يعني راجعت تاني
محمد : بصي علي رجلي يا هانم منزلاني كده بالشبشب
انا : هههه اسفه معلش مخدتش بالي خد الجزمه اهي
ولبس الجزمه ونزل ولسه برد الباب لقيت الي بيزقه
ببص اشوف مين لقيته فؤاد
قلتله ايه ده ايه السرعه دي جيت منين اصلا
فؤاد :لا اساسا انا مروحتش مكان انا من امبارح وانا بايت فوق السطح
انا : ازاي في التلج ده وكل ده ليه يعني
فؤاد : علشانك علشانك انتي يا نور بصراحه متحملتش
ابعد عنك تاني حاسس اني مش عايز افارقك لحظه واحده
دخلنا وقفلنا الباب
وقعدنا كلنا وشربنا وطول اليوم سوى نهزر وبجد حسيت اني سعيده اوي بوجوده معايا
وقعدنا علي الحال ده اسبوع يجي جوزى من الشغل
يمشي فؤاد
يروح جوزى الشغل الاقي فؤاد قدامى
لحد ما جه فؤاد وقالي انا حاليا الظروف وحشه معايا اوى
وبصراحه المكان الي انا فيه مبقاش بتاعى الفتره الي فاتت
مكنتش بدفع ايجاره ولما روحت قالولي فضيلنا المكان
ومش عارف اروح فين
انا : ازاى يعنى تحتار كده وانا معاك بص اقعد معايا هنا
فؤاد لا طبعا مينفعش انا هغيب عنك شويه ادبر حالي
وبعد كده هتلاقيني معاكي علطول سلام
وخد بعضه ومشي وقعد شهر علي الحال ده مشفتهوش تاني بعديها
روحت للراجل الي وديتني عنده فاتن
وقلتله فؤاد عايزه اشوفه وحشني اختفه مره واحده ومبنش تاني ليه
اداني المنديل الي انا ادتهوله بتاع فؤاد وقالي حطيه
تحت المخده الي بتنامي عليها بس وخدت بعضي ومشيت
روحت وحطيت المنديل تحت المخده زي ما هو قالي
وبعد غروب الشمس لقيت باب غرفة النوم بيتفتح لوحده وخارج من جوا
دخان سجاير كتير اوي
وحاجه بتشدني لجوا وكانت البطانيه مفروشه علي السرير وزي ميكون في حد تحت البطانيه
بصيت لقيت لقيت فؤاد بيطلع راسه وبيقولي تعالي
جنبي متخافيش خايفه من ايه
انا : انت جيت منين وازاي
فؤاد: جيت من الباب يا حبيبتي وبعدين فيه ايه
مش انتي مشتقالي مالك تعالي جنبي
ووراح ماسك دراعي وشدني شده جامده بعنف
ومسك ايدي وبصيلي وفي اللحظه دي ضعفت قدامه
ووقعنا في غلط المفروض مكناش نقع فيه
لكن بعد ما حصل الي حصل قمت وخدت ركن مع نفسي
وقعدت ابكي بشده واقول انا ست خاينه
اول مره خونت ثقتك فيا لما اتجوزت واحد غيرك
ودلوقتي خنت الراجل الي انا علي ذمته ومعملتش اعتبار
لاي حاجه حلوه عملها معايا
فؤاد : انا اسف يا حبيبتي بس غصبن عننا وبعدين
انا قلت هتجوزك وعد مني هتجوزك ومش هبعد عنك ابدا
انا حسيت ان كلامه طمني وبصراحه بعد اللحظه دي
حسيت بذنب شديد اوي نحيت جوزي محمد
وشفت نفسي قد ايه انا وحشه في نظر نفسي
طلبت من فؤاد يسبني يومين لحد ما اقدر افوق من
الي انا فيه وكمان لحد ما اطلق
فؤاد احترم رغبتنى وقالي زى ما تحبي بس خليكي متذكره انا معاكي دايما وفي كل وقت
وخرج فؤاد وقعدت وانا مستنيه محمد يجى بفروغ الصبر
دخل محمد سلم عليا ودخل علشان ينام طبعا كلعاده هو ده الي
كان بيحصل من ساعت ما فؤاد دخل حياتى
لكن انا دخلت وراه وقلتله يا محمد لو انا عملت حاجه وحشه
هتسامحنى
محمد: انا اصلا عايش في الدنيا علشانك انتى يا نور
وبعدين انا عارف مهمه يحصل عارف انها كلها حجات عاديه
وهتعدى وانا سايبك علي راحتك الفتره دى حاسس انك
مش متقبلانى بس عارف اننا هنقعد قعده زى دى وكل واحد
يصفى الي جواه وبرضو هنرجع ونكون مع بعض ولبعض يا حبيبتي
انا بصراحه بعد كل كلامه الي اثر فيا وحسسنى بالذنب اكتر
مقدرتش اصارحه بالي حصل واقوله طلقني
كل الي خرج مني دموع مش اكتر
محمد : هششش بس اوعى تبكى ابدا
وضمنى ليه وحسيت براحه كبيره اوى ونعست
زى ميكون بقالي سنتين منمتش ولما صحيت
لقيت محمد كاتبلي في ورقه حبيبتي محبتش اقلق القمر
وهو نايم
قلت اسيبك تصحى براحتك وانا روحت الشغل
صباحك فل يا قلبي
انا بصراحه شفت الورقه اتبسمت حسيت وعرفت قد ايه هو انسان طيب اوى
بس برضو حسيت انى مستهلهوش بعد الي حصل
قمت وصليت واستغفرت ربنا كتير اوى
وقررت انى خلاص هطلق واعيش مع فؤاد حتى
لو هطلق لحد ما انا وفؤاد نتجوز بس مش هقدر اقعد مع محمد كده بكل دم بارد بعد الي حصل
روحت للساحر قلتله انا عايزه اشوف فؤاد دلوقتي حالا
عايزه اكلمه
ضحك ضحكه عاليه اوى وقالي فؤاد مين
قلتله انت هتستهبل فؤاد الي جتلك كذا مره علشان اقابله
الساحر : فؤاد ههههه معرفش ولله فين فؤاد ده الي بتتكلمي عليه
اه قصدك
الساحر : فؤاد ههههه معرفش ولله فين فؤاد ده الي بتتكلمي عليه
انا: ازاى يعنى متعرفش ازاى وانت خليتنى اشوفه
الساحر : بكل برود اعصاب اه ماهو مكنش فؤاد
انا : ايه الي مكنش فؤاد وايه الي بتقوله بقولك عايزه اشوف فؤاد عايزه اقابله اقابله فين ولا اروحله فين
الساحر: طيب طيب ده
وجاب فؤاد فعلا وروحت دخل علينا من الباب ووقف و قربت عليه وقلتله انا هطلق يا فؤاد
هطلق علشان نعيش سوى
راح الساحر سقف سقفتين واختفى فؤاد من قدامى
بصيت للساحر كده قلتله يعنى ايه
الساحر: يعنى مكنش فؤاد ده سحر منى وخيالك ساعدنى انى اعمل كده
كنت بظهرهولك في وقت ما تحبي علي اساس انه فعلا فؤاد حبيبك
لكن بصراحه هو مش فؤاد خالص
انا مستغربه لكل الي بيحصل وكل ده مش مستوعباه
بس مش عارفه افرح ان كل ده مكنش حقيقي وكان مجرد وهم في خيالي
وان مافيش حاجه حصلت بيني وبينه بجد وكل ده كان تخاريف ولا اعمل ايه
بس في لحظه بصيت للساحر وقلتله طيب ليه عملت كل ده
ايه مصلحتك من ده كله
الساحر: انا هقولك مصلحتى انى شفتك حلوة وجميله
دخلتي دماغى وعجبتيني فقلت ليه انا مبقاش فؤاد
بدل فؤاد واستفاد منك يا قمرايه واوصل ليكي عن طريق شكل وجسد فؤاد لكن روحي وشهوتي انا
بصيتله بقرف وحسيت ان واقف قدامى شيطان
قلتله مش عارفه اشكرك ان كل الي حصل مكنش حقيقي فعلا
ولا ادعي عليك لانك خدعتني وعيشتني وهم كبير
ولسه هخرج قالي
الساحر: قولي زي ما تقولي واعملي زي ما تعملي بس
مش عارف ليه حاسس اني ممكن اشوفك تاني وساعتها
هتكوني انتي الي جيالي هنا برجلك
وخرجت من قدامه مهتمتش بكلامه خالص ورجعت البيت وانا فرحانه بإن محصلش حاجه
واني مغلطش في حق محمد جوزي
وخبط علي جارتي فاتن علشان اعاتبها علي الي هي عملته فيا وهي عارفه ان
كل ده هيبقى كذب فتحت وحكيتلها كل حاجه
وقالتلي اسفه غصبن عني بس ولله كان غصبن عني
هو كان عايز مني اني اجيبله اي واحده علشان يخرجني من ورطه
كنت واقعه فيها برضو بسبب الاسحار وانها لعنه لازم تتفك ولازم علشان تتفق مني
احط حد فيها واحده مكاني بس هو وعدني وعدني انه مش هئذيكي ولله
انا حسيت اني واقفه مع واحده مريضه سبتها ومشيت
كل الي قلته حسبي الله
روحت الشقه صليت وشكرت ربنا ونويت اني اعيش مع محمد
من النهارده بما يرضى الله واعيش معاه حياة طبيعيه زي اي زوج وزوجه
أنت تقرأ
ابنة الجن
Fantasyمحبة تتخلى عن حبيبها الاول فتكرر ان تتزوج بأحد غيره وعندما تتزوج تعود وتجن لايام الماضى وتحاول ان تصل اليه باي وسيلة ما لكن لم يكن امامها اي اختيار الا اللجوء الي السحر بمساعدة جارتها دون علمها وبعد وقوع الحدث المؤلم وجه حبيبها الاول تقع في مستنقع ا...
