جمعنا زبادي الشكلاطة😂❤
للكاتبة Ãyā Âřishăț❤🥀
الحلقة سبعة🤤❤
دق دق دق
ماما: اللطف من بيجي في هدا الوقت
اني: فتحت الباب شبحت مافي حد وشبحت لوطة
كان عبارة عن صندوق
اني: شن هدا وقمته
ماما: شن في
بابا: جي يجري
احني با سلامتنا ديما نتجارو المهم😂😂😂
ماما: ماتفتحيشي بلكي فيه قنبلة
اني: تسحابينا في فيلم رعب
بابا: هاتيه توا نفتحه
اني: لالا اني بابا بليزز نبي نجرب شعور متع الافلم لما يفتحو الصندوق ويلقو فيه راس مقطول ولا صبع😂😂😂
بابا: ربي يهدي من خلق
اني: فتحت وكانت فيه ورقة صغيرة
اني: شديتها قعدة نقراءة فيها...............
بابا: شن هيا
اني: قمت الورقة نجري حطيتها في جيبي
ماما: شن فيك اللطف
اني: اه لالا صندوق فاضي
بابا: من بيحط صندوق فاضي ترا هاتي
اني: مديتهولا
بابا: اشبح شن في
ماما: مني زعما لوحه بلكي فيه سحر ولا حاجة
اني: اني قدامكم مش في الصندوق اني
بابا: خلااص برو اداخل اني توا الوحه وتمت
اني: تصبحو على خير
ماما &بابا: تلقي الخير
اني: من وين بيجي وانتو اربعة وعشرين ساعة في ساعة قدامي وجهي😂😂😂😂😂😂😂😂
ماما: الكلب عمره مايتغير لي بنادم
اني: عن تجربة شكلك😂😂😂😂
ماما: ريتها الحيوانة كيف تكلم فياااا
اني: لالا نبصر يا عمري انت ربي يحفضكم يلاا باي بنرقد
__________________________________________
1
لجين: كانت تتقلب ومض عارفة شن ادير ومش عارفة شن بتقول لي اماليهاااا
سعاد(ام لجين): لجين
لجين: نعمم
سعاد: تعالي نبيك
لجين: جاها التوتر ونزلت لوطة
سعاد: تعالي غعمزي نبي نكلمك
لجين: تفضلي
سعاد: خدت نفس الله غالب يا بنيتي كان بوك حي راهو فرح بهادا الخبر لكن الله يرحمه
لجين: حاولت تشد روحها من البكي باش متزعلش امها
سعاد: يا قلبي توا كلمتني مراءة وقعدة تهدرز عليا بعتالي قالتلي نبي لجين لي ولدي
لجين: شبحت لي امها بتوتر
سعاد: واني الحق مقدرتش نرفض لان نبيك تكوني مستقرة في حياتك
لجين: نزلت عيونها وقعدة تبكي
سعاد: لا يا عمري اني قاعدة مقلتلها شئ قلتلها نسألها ونعطيك خبر بس
لجين: هزت با راسها
سعاد: شوفي يا بنتي قلتلها تعالي الخميس الجاي كان هدا هيا تقراء الاستخارة وكان رتاحة يجي يشوفها وهيا وافقت
لجين: حاااضر
سعاد: توا نبيك تركبي تصلي الاستخارة وقوليلي الصبح تمام
لجين: تمام وركبت لي دارهااا
________________________________
ترن ترن ترن
اني: غبر في اليهود شن هدا واني نايضة مافي حد متفكرني واني راقدة يبداء يشرين اففف يا بنقتل روحي يا بنقتله لالا شن نقتله يا كبدي تاليفوني نقتل روحي ارجل ورديت
اني: الووووو
لجين: سحر فاضية نبيك في موضوع
اني: الحق بنرقد لكن تكلمي يا قلبي شن في
لجين: احكتلها كل شئ
اني: غبر فيك مسرع خت فت طول هكي
لجين: حتى اني خايفة
اني: ووووه تقول في برنامج الصدمة كل يوم با صدمة كبيررة💃🏻💃🏻💃🏻😂
لجين: شن تنصحيني
اني: شوفي لجين مدام جاك من الباب مش من الروشن وبيبك با الحلال مش با الحرام وقال لي امه خير ميجي يخطفك وافقي وانتي مغعمضة عيونك
لجين: لكن منعرفاش كيف بنرتاح معه
اني: شوفي عندي خطة
لجين: شني
اني: نطلع غدوة اني ويأك ونشوفوه اني نمشي نحاول نعاكسه ولا اي حاجة نشوفه كان خفيف زي امي لما بوي حدفلها الرقم وقاماته تجري ولا ثقيل زيني😂😂😂😂
لجين: وكان منجحتش الخطة
اني: تشكي فيا اني اني سحر تشكي فيااا😈
لجين: لالا واثقة فيك كان هدا راهو مكلمتكش حكيتلك
اني: حتى كان محكيتليش توصلني المعلومة المهم غدوة نتقابلو ونديرو خطتنااا
لجين: تمام تصبحي على خير
اني: وانتي بالف خير
_______________________________________
زياد: يشبح لي يزن ويضحك
يزن: خيرك فاتحلك فيها سرك ولا قارقوزة
زياد: لا ناخد في بروفة باش لما تتزوج نبداء نضحك عليك
يزن: هاها توا تشوف من يضحك كثيرآ يبكي اخيرآ
زياد: من شني بنبكي يا عيل
يزن توا ناخدلك صاحبتها هديكة
زياد: هديكة متع الشكلاطة مالا تحرك من مكانك فكني منك
يزن: نشبحلك فيها يا زياد بتتزوج الا هديكة البنت
زياد: سكر فمك وكشي لي داره وقعد يتقلب زعما بجديات اني نتزوجها لكن لالا اني مهبولة يسحابوني ولا شني بلهي كان نتزوجها ادير بيا تمورة با الشكلاطة الفرخة هديكة لكن هيا صح من الناحية اهيا يا قنينة الفرخة غر مشكلتها الشكلاطة تاكل فيها با هبل وبه ويعني كان حييي علياا اني بنهبلل كان قعدة نفكر فيها وخش رقد❤
____________________________________
الصبح😇
محمد: حدف عليا سطل مياه
اني: نضت مخلوعة
محمد: صباحووو
اني: واضح اليوم من بدايته وطلعت العصا متع يلي يعجنو فيها من تحت سرير
محمد: تبصري صح
اني: توا نبصر على جلدك لما نخليه فصفوري
محمد: هرب يجري
اني: نلهد وراه زي الفرس
محمد: ووووه ساعدوني
اني: والله لما نوريك وحدفت العصا على راسه
محمد: طاح اغمئ عليه
بابا: محمدد ومشي يجري
ماما: ولدي وووه عليا
اني: واني شن دخلني يا ربي ماني كنت راقدة في خير خيري هو يلي جي يضايق خلي يتحمل ما يجيه واللهي شن بنديرله كان هو مكسد خلي ياكل على راسه
محمد: اييي راسييي
ماما: اعطيها كسرة فررخت الربي اهياااا
بابا: ولدك حتى هو ميهنيش في مكاسيره
محمد: اني كنت نبصر عليهااا
ماما: هده كلبة مايمشيش عليها البصارة معاش تبصر عليها خليها
محمد: ماما راسي يوجع فيااا
بابا: نوض ارتاح في دارك
محمد: ناض خش لي داره رقد
_____________________________________
ايمان: السلام عليكم عميمة
اني: خاشة السلام عليكم من امتئ الاحترام هدا
ايمان: سلمت على امي وغعمزت
اني: شن بايته معاك
ايمان: مانبيش ارد عليك ونفسد مزاجي
اني: تعرفي كان مش رايقة اني اليوم راهو نضت فسدة وجهك
ماما: خلاااص
ايمان: المهم عميمة جيت نبي نقولك خبر
ماما: انشاء الله خير
اني: من وين بيجي الخير والخبر جايباته الهانم يلي قدامك
ماما: فنصت فيا
ايمان: اني حامل
اني: قعدة نضحكك ووووه وانتي خيرك قعدي زي مكينة السبوول من عيل للثاني شكلك مش صابرة على خوي ولا خايفة ياخد عليك🤣🤣🤣🤣
ماما: سكري فمككك ايمان الف مبروك
ايمان: بغلل يبارك فيك
اني: شكله طلعو قرار بيقطعو جميع الثينات متع الرجالة يلي مراواتهم لافعي قالت خلي لحق روحي😂😂😂😂😂
ماما: تحشمي على وجهك امشي اقلبي وجهك
اني: باااي
ايمان: كانت في صدمة كبيرررة💃🏻💃🏻💃🏻🤣🤣🤣
___________________________________
1
زياد: كان واقف في الشارع
يزن: وووي جيتك شن رايك
زياد: شن هدا
يزن: خواتم
زياد: ربي يشفيك
يزن: يا قلبي انت اجمعين
زياد: اقلب وجهك خير ما نمدك من اهني
يزن: به شن رايك
زياد: زي وجهككك
يزن: معناها حلوات😂
زياد: شن الثقة اهيااا
يزن: اهم شئ الثقة
زياد: المشكلة على لا شئ
يزن: انننننننن......انبح
__________________________________
اني: الوو لجين
لجين: هااا وينك
اني: قدام حوشكم
لجين: اني طالعة
اني: تمام يلاااااعععع😂😂
لجين: طلعت وكانت طارحة
اني: بنمشو نجربوه مش ماشين نخطبوه😂
لجين: غر هيااااا
اني: هيي..............
يتبع..................❤
تفاعلووووو🥺❤
أنت تقرأ
جمعنا زبادي الشكولاطه😋😂❤
Novela Juvenilللكاتبة Ãyā Âřishăț❤🥀 اوكي قبل كل شئ عارفة ان الاسم غريب لكن الاحداث تجنن فيها حب ورومنسية وكوميدياء وخيانة💔 لو لقيت تفاعل يجنن نكملها❤.
