ابو عزيز: شوفي يالجوهره بدون كلام زياده الحين بنطلع للعيال وبكلمهم
ام عزيز: تكفى لاتسوي كذا هالرجال مايخافون ربهم ناسي انت وش سووا لنا والله حرام كنا مرتاحين ليش رجعوا لحياتنا
ابو عزيز: خلاص يابنت الحلال اللي صار صار والحين امشي نطلع لهم
ام عزيز: الله يكون بالعون خايفه من ردة فعلهم ..
عند عزيز وغرام كانوا جالسين بالصالة وضحك واستهبال ولما وصلو ابوهم وامهم وشافوا كيف ملامحهم ماتطمن
وقف عزيز: يبه يمه شفيكم وش صاير
ابو عزيز: اجلس ياولد بكلمكم بموضوع
غرام: آمرنا يبه
ابو عزيز: صار لي ظرف وبننقل من بوردو( مدينه موجوده في فرنسا إلى تولوز سمعت ان عمامكم صار لهم فرع من الشركه هنا وانا ماابيكم تختلطون معاهم ابد حتى لو بالصدفه
غرام: يبه مالنا عمام ولا بنات عم ماقلنا شيء بس قول لنا ليه محرومين عن بعض وش مسوين لك أو انت وش مسوي لهم
ابو عزيز: يابنتي السالفه ماصارت سالفة حرمان السالفه كنت مع عمامكم وجدكم ونشتغل بشغل واحد ووكلني ابوي بصفقه كانت جدا مهمه وكنا حاطين مافوقنا وتحتنا من فلوس فيها ولو خسرناها كنا بنفلس لي اخوان واحد اسمه جابر والثاني عبد الرحمن وكل واحد منا له قسمه الخاص قال لي ابوي ان ربحت هالصفقه لك مني ٣ اراضي وشركه خاصه فيك كنت متحمس كثير وتعبت كثير على هالصفقه ويوم جاء اليوم الموعود وفزت فيها وكنت مع اخواني بالمكتب مبسوطين جاني اخي عبد الرحمن ومعه أوراق يبيني اوقعها وانا غبي الفرحه معميتني بس مافكرت ان اخي بيسوي كذا فيني...
ببيت ابو خالد وخصوصا بغرفة رغد ورنا
رنا قربت منها بحذر: تكفين يارغد لا تصدميني تكفين يارغد لا تخوفيني وش مسويه وش صار وبكت
رغد: جلسنا وجاب هديتي وكانت سلسال وقال لي انه يبي يلبسني اياه ولما شافني خايفه رجع لكلامه انه بيخطبني واني انا له وماراح يسمح اتزوج غيره وانا عيني انعمت يارنا انعمت
فكيت حجابي وعطيته ظهري وهو لبسني السلسال وحضني بقوه وانا بين مشاعري مادريت باللي ياخذ صوره لنا ورجعت تبكي
وكملت وصوتها متقطع من البكي: والحين يهددني اروح له بشقته او بيرسل الصوره لأخوي خالد
رنا كانت مو قادره تستوعب من صدمتها وخوفها بيذبحها بكت وبكت وحضنت اختها وهي تقول ليه يارغد ليه حطيتي نفسك بهالموقف
انتي بتذبحين نفسك وبتذبحينا معاك
رغد: رنا انا بحاجتك يارنا تكفين ساعديني والله بموت بموت وصارت تشهق
رنا: عطيني فرصه افكر وانا بحلها لاتخافين لا تخافين
انتي اللي عليك تعلميني بكل شيء يقوله لك طيب؟
رغد بيأس: ماابي ارد عليه
رنا: لااااا لازم تردين يمكن يشوفك ساحبه عليه ويسوي اللي هددك فيه عشان كذا اهدي ولاتسوين خطوه الا وانتي مفكره فيها كويس
يتبع...
