ملاحظه.. القصة حقيقه
الكاتبة.. طيبه ستار
هلاوو شلونكم 🙂♥
اني اسمي حيدر من محافظة نينوى
في 2014 تحديداً محافظة نينوى... ❤🇮🇶
حيدر.... ابوي چان يمتلك بيتين بيت في تلعفر وبيت في الموصل كل بين فترة وفتره چنة نغير بالبيوت يعني احياناً تلكونه بتلعفر واحياناً بالموصل ......
يوم ألي صارت بي الهجره چانت عائلتي بتلعفر تحديداّ ساعه 12 الضهر اجه شاب للمنطقه بعمر ال15 سنه وهذا الشاب جاب وياه خبر كُلش سيء بوقته مچان اكو شي اسمه الانترنت نادراً ما تلگه شخص عنده انترنت مثل ما بوقتنه هذه حالياً ف كانوا الناس تگعد كدام الباب مالتهم (الحوش)
بأكثر الاوقات ف أجه هذه الشاب البعمر 15 سنه وگال اكو شي اسمه داعش... راح يدخل لتلعفر وراح يكتل كل الناس طبعاً بهذاك الوقت اني مچنت اعرف شنو داعش ف بدئوا الناس تتوتر وتخاف من هاي السالفه وبمرور الوقت عرفت ليش الناس من يسمعون بداعش ليش تتوتر وتخاف ويعصبون... عرفت هذوله داعش أي واحد يلزموا راح يذبحونه.......
بالبداية الناس مچانت مصدگه هذه الولد العمره 15 سنه والي جاب هذه الخبر السيء الناس بوقتها چانوا يگولون شبي هذه مخبل بس بده يحلف هذه الشاب وچان يگول والله والله والله ما اچذب عليكم بهذاك الوكت تحديداً ساعه 2:00 الضهر شفنه سيارة شرطه هذه سيارة الشرطه كانت رابطه شخص من رگبته وچانوا يسحلون بي بالمنطقه وهذه الرجال چان لابس ملابس سوده ولحيته طويله واصله تقريباً لصدره طبعاً بهاي لحظنه وشفنه الشرطه شلون ساحلته صدگنه هذوله داعش يمكن راح يدخلون علينه ويمكن راح يكتلونه واحد واحد...........
يتبع........
