حجية قسمة

البارت الرابع4️⃣

نعيمه .....كلتلك تختار لو نعيمه لو غاده وبدون نقاش

غاده تبجي ولازماتها حسيبه وعديله يواسن بيها من شافت سعدي يمي اتكهربت نست اني مرته الاولى

وهي لو تصفن وتقارن نفسها بيه حتى عيب تغار من عندي اني بطرك الدشداشه رايح لونها من الغسل ومفتكه بالصفاح وجاروبه شاده بيها شعري مرجعته ليوره

وهي لابسه تنوره قصيره سوده وستره لون اسود ام الكتافيات وجواها قميص ابيض ومبرجمه كذلتها وحاطه كحله وخدودها حمره تلمع وشفافهه متروسات حمره لون احمر طوخ وعطرها واصل ليمي واضافه لهذا هي معلمه والها مكانتها ومستقله مادياً وشبعانه من بيت اهلها واني خلصت عمري الخبزه حسره عليه واهل ماعندي بس كاطع وسوده عليه لا حول ولاقوه!!!!

سعدي ضل يتوسل بأمه كالها يمه لا تخيريني بينهن هاي تضيع وين تروح هسه

نعيمه .... هاي مشكلتك قسمه ماتبقى هنا تطلع من البيت شتريد توكعنه بمشاكل ويا ابو غاده من وراها قسمه ضروري تطلع من البيت وانت حير بيها عود

غاده... اني ماابقى ابيتكم ما ناقصني وحده زعطوطه تقهرني

راحت غاده تركض لغرفتها وراحن يرجفن وراها

نسوا اني زوجته وعاقد عليه شيخ فكروني وحده جايه من الشارع وتاخذ سعدي منهم

سعدي تقرب عليه وكال عندي خطه الج راح اختار غاده ومعليج بالباقي

باوعتله واني ابجي عيوني كلها دموع وخايفه ماناقصني بعد بس اعيش بالشارع وين اروح واختي بسعاد بلنجف ماعرف وين كاعده بالضبط
وشيخ حمدان مااعرف رقمه  ولا عنوانه وين انطي وين  وجهي وين اروح

سعدي..... لا تخافين بس تهده الامور ارجعج بس هسه اني مجبور اختار غاده بس ماراح اعوفج والاحسن الج اطلعج من هذا البيت

قسمه... وين اروح عيوني وين توديني ماعندي احد هنا

سعدي .... اتركي كلشي عليه

نعيمه وعديله طلعن من غرفته غاده واجني على سعدي يله تره غاده عصبيه صايره نار لو تختارها لو تختار قسمه

سعدي باوع عليه وكال اني خلص قررت اختار غاده وقسمه راح اخذها ارجعها يم خالتها

من كثر فرحتهن نعيمه كامت تهلهل وكالت عاشت ايدك يمه عرفتك راح تفكر زين ممعقوله تعوف بنت الاصل وتاخذ قسمه

اباوع عليهم مامصدكين خلصو من عندي وهذا الكره ماعرف سببه اني خادمتهم وشايلتهم بالصلوات ليش هيج يكرهوني

لبست عباتي واخذني سعدي بسيارته بدربونه بعيده مسافه نص ساعه اخذني على بيت متهالك وعتيك حيل وكف سعدي يمه كال انزلي

فتحت الباب ونزلت وسعدي هم نزل ويايه دك الباب من كثر ماقديمه مزنجره طلعت مره عجوز عمرها ب٩٥ سنه حيل جبيره تمشي عالعكازه وفتحت الباب كالتله هله بسعدي هله بابن الدربونه