#زوجتي السمينة
حلقة 5نجاح: تمام حنقولك استعد للصدمة
أكرم: مستعد لكل الصدمات عادي تعودت
نجاح :فاطمة بنت عمتي خيرية
أكرم :لامستحيل انه هي تكون
نجاح: جايبة معاي كل الأدلة معاي ماتخافش مانقول في شي إلا بعد مانتأكد وأنت عارفني من قبل
أكرم :ايه عارفك عاد عندك استخبارات اميريكا أنتي
نجاح: ساد تمسخير عاد أنا لفاضية نحكيلك والنبه فيك
أكرم: تي نبصر عليك هذا مدح ليك مش ذم راه
نجاح :باهي المهم خلينا منه نحكيلك شن نعرف عن فاطمة هدا ياسيدي نعرف القصة من شهرين يمكن
(نعود لقصتنا شهرين وراء
نجاح: حي صاحبتي مروة تتصل شن تبي
نجاح: اهلا مراو شن جوياتك وينك يافرخة ماعاد شفتك
مروة: تي وسعيلي بالك مليحة تمام وشن اخبارك أنتي وعويلتك)أكرم: تي شن دخلني بعويلتكن نبي الخلاصة شن قصة فاطمة
نجاح: تي جاياتك بالكلام ماهو هدي البداية مش تعرف الاستخبارات لعندي دقيقة هلبا عرفت كيف توا
أكرم: ايه عرفت كملي هي(نجاح: مليح مليح شن آخر الأخبار لعندك بسرعة لأنه مش فاضية بنطلع
مروة: طلعتك أجليها لو مش ضرورية عندي ليك خبرية تخليك تنجلطي في مكانك ويمكن ماتقدريش تستحملي
نجاح: باهي أجلتها كملي
مروة: مش قلتلك الفترة لفاتت عن بنت عمتك انها تهدرز مع ولد ويجيبلها في حوايج وقلتيلي استفسري عليه وتبي تعرفي من هو
نجاح: ايه باه كملي من هو قولي نشفتيلي ريقي)أكرم: تي أنا لنشفتيلي ريقي هو تحكيلي في قصة حياتها هي والمصيبة فاطمة
نجاح: اسكت خير مانمشي نرقد راه
أكرم: باهي ياودي كملي(مروة: تي عرفته من هو ياحبيبتي تي وكان تعرفيه وكان تحزري لغدوا مش حتعرفيه لأنه الهبل هو بروحه مايعرفهاش من هي)
أكرم: توا أنا الهبل
نجاح :وهبل ونص بنت تلعب عليك وتاخد منك لفوقك ولتحتك معاها تستاهل من يوم وطالع أنت الهبل وبزيادة 😂
أكرم: ايه باهي كملي 😣(نجاح: باهي من هو عارفة روحي غبية مش حنحزر 🤔
مروة: أكرم
نجاح: من أكرم هدا كل مرة طالعتلي باسم
مروة: أكرم ولد خالها ويلي هو ولد عمك أنتي
نجاح: قصدك أكرم ولد عمي علي ماغيره
مروة :ايه هو لو تبي تعرفي نصورلك كل شي تبيه لأنه غدوا عارفة تبي منه يجيبلها فلوس مش عارفة قالتله عندي عرس ومش عارف شني
نجاح :باهي تمام
مروة: افتحي واتس لحتى نبعتهلك غدوا على طول
نجاح :راك تنسي نبي صورها حتى هو لما تاخد فيهم
مروة: تمام ماتاكليش هم)أكرم: باهي وهي كيف تعرف المعلومات هذوم كلهم أكيد مش هي صاحبة فاطمة
نجاح: غبي مش عارف انه قصتك معروفك في كلية فاطمة كلها بس كقصة حب مثالية ومسيينك جنتل مان الشخصية لينقذ حبيبته في وقت حاجتها على أساس
أكرم :هههههه والله طلعت معروف ياأكرم
نجاح :على شني على طياح سعدك يمكن
أكرم: باه وكيف أنتي عرفتي انها هي تلعب عليه ممكن تحبني حقا
نجاح: جاياتك بالكلام بعدها في اليوم التاني فتحت الواتس وكانت الصدمة الصور انك أنت هو نفسه وهي خدتهم
أنت تقرأ
زوجتي السمينة
Hài hướcرواية ليبية كوميدية خيالية ديما تتعارك هي وولد عمها وفي الآخير بتولد بينهم قصة حب تابعوني