زوجتي السمينة

#زوجتي_السمينة
حلقة 20 والأخيرة

مشي أكرم: جاب معاه موس وحطه على رقبتها احكي توا شن المصيبة لدرتيها
فاطمة: مش حتقدر تقتلني
أكرم :وليش مانقدرش لزيك مداير العمايل كلها يستاهل الموت وبعدها انا من اليوم ماعندي على شن عايش
فاطمة: شافت لأكرم من وجهه عيونه حمر وعروقه بانوا منظره مرعب خافت باهي تو نحكيلك كل شي بس اوعدني أنك ماتقتلنيش بعدها
أكرم :تحلمي شكلك قاعدة بتحكي وغصب عنك
فاطمة: ماعندي على شن عايشة انت العيشة معاك تكسر في الرقبة ولو تطلقت منك نعتبر مقتولة أصلا
أكرم: قاعد مش مستوعب شن لمازال تقول فيه 😡 هيا تكلمي
فاطمة: أنا كنت مع ...
اكرم: استني استني فتح التلفون صورها فيديو الاعتراف ... هيا كملي
فاطمة: نكلم في واحد من زمان من أيام قبل مانكلمك في الأول يوعدني بيخطبني وقالي نبي فلوس عشان نكمل الشقة ونتزوجك بعدها قعد يطلب وأنا نكلم في أولاد وناخد منهم ونعطي فيه وهكذا
أكرم: وأنا كنت معاهم
فاطمة: كان ماعاد عندي حل ثاني
وبعدها استمر الوضع هذا سنتين بعدها اعترفلي انه هو كان يبي فلوس بس ومافي شي ثاني لازواج ولا طلاق
اكرم :لفعله بايده ربي يزيده
فاطمة: وبعدها قالي نبي فلوس وهو نفسه لطلب منك وبعتلك الصور وأنا لصورت روحي بجنبك كان في عرس خالي القيتك راقد وصورتك وبعدها صار لي صار
أكرم: باه توا درتي عملتك هدي أنتي وياه وبعتوا الصور شن استفدتوا
فاطمة: كان مش هذا المطلوب إنه نتزوج نخليك تبيع كل شي وتكتبه باسمي وكل شي بملكي وبعدها هو ياخده
أكرم :ليش أنا شن ذنبي يصير فيا هكي هدي عيلتك لتتكلمي عليها لتبي تاخدي منهم الأملاك
فاطمة: هو يبي ينتقم وكان يهدد فيا ماعنديش حل ثاني غير هذا
أكرم: 😡 تي شن تخرفي شن تخرفي يامصيبة هذا لتتكلمي عليهم خوالك عيلتك تي كيف الديري فيهم هكي حتى مش عشان خاطرها عشان خاطر أمك
فاطمة: وبعدها لأنك انت تحب نجاح وأنا حتى أنا حبيت الانتقام لأنه تستفز فيا صورتها وركبت صورة انت بجنبها وبعتها لراجلها
أكرم كملي كملي
فاطمة: وبعدها خلاص ولو تطلقت منك حيقتلني لأنه حينفضح حتى هو
أكرم: كيف بينفضح ايه صح لو كان هكي بنمشي نشكي فيكم بس قوليلي شن اسمه
فاطمة: اسمه علي ...
أكرم: علي ماغيره
فاطمة: أهوا أنت طلعت تعرفه
أكرم: هذا زمان بوه كان يخدم مع بوي وصار عداوة بيناتهم وتوفى من زمان حاطين الحق وانه لقاتله هو بوي
فاطمة: ايه هذا هو
أكرم: معناها هذا مش جاي عشان الأملاك بس هذا يبي حتى يقتل
فاطمة: توا شن بديرلي
أكرم: بنسلمك للشرطة بتعترفي بكل شي ولو مش حتخبري الفيديو عندي سكر التلفون ماتحاوليش تهربي خش دوش ولبس
وفي الوقت هذا فاطمة اتصل بيها المجهول أو علي
علي: شن وينك
فاطمة: اكرم عرف الحقيقة
علي: من وكيف
فاطمة: حكتله لصار
علي: 😡 تم تم نهايتك يافاطمة
فاطمة: 🥺 لالا بالله عليك لا
طلع أكرم والقي فاطمة ميتة مقتولة 😱😱
مشالها أكرم يجري فاطمة فاطمة تي كيف متي تي وينك ردي عليه 😮😨
أكرم: حي يأكرم توا شن بالدير 😑
اتصل بالشرطة وصلت الشرطة ودوروا أي دليل في الحوش يثبت من القاتل القوا الموس لكان ماسكه أكرم من البداية
المحقق: أنت المشتبه بيه في القضية تفضل معانا
أكرم :كيف كيف 😨 أنا والله كنت ندوش لو مش واثق قاعد سعري مبلول انا بروحي مصدوم
المحقق: نحن خدينا الموس الموجود دليل وحنشوفوا البصمات المطعون بيه المغدورة
أكرم :لالا والله لا مستحيل نقتلها هذي بنت عمتي تي كيف نقتلها
المحقق الكلام هذا قوله في التحقيق مش توا
أكرم: باهي شوي بندير تلفون لخوي
المحقق باهي بس استعجل واتصل بيه هنا
اتصل أكرم أنور لكان مروق وعايش اللحظة ومايندري عالدنيا
أنور: ايوا يأكرم شن خطرك علينا
أكرم: أنور تعال ألحقني في مركز الشرطة قبضوا عليه
أنور: انصدم 😲 ليش وشرطة شني تي شن مداير مصيبة ثانية 😱
أكرم: فاطمة ماتت
أنور: ماتقولش قتلتها ربي يهديك يأكرم تو درت رقبة عليك 😱
أكرم :ياغبي أنا ماقتلتهاش وأنت طول قتلتها
المحقق: معليشي هيا وقت تفضل معانا
أكرم: هيا هيا يأنور بنمشي توا معاهم ألحقني بالله عليك يأنور ماتسيبنيش
أنور: ربي يفرج عليه ومن مصايبك لجايات كان على راسي 😞 هيا جايك
رفعوه للمركز وفاطمة للطبيب الشرعي