فاطمه... وصبُرت على ظُلم الحياة

الجزء الاول

هلاووووو شلونكم... 😁♥
اعرفكم بنفسي اني اسمي فاطمه عثمان من العراق راح أحجيلكم قصتي وشنو الي صار وياي....
ألي اريده انوا لا تيأسون خلوا أيمانكم بربكم كبير لابد يوم من الايام راح يتحقق حلمكم بس مريود منكم صبر... مثل ميگولون الصبر مفتاح الفرج

الثلاثاء من ٢٠٢٢/٩/١٣ ص
ــــــــــــــــــــــــــــــــــــــــ🪷
﷽ والصلاه والسلام على رسول الله .. الحمدلله دائماً وابداً
اليوم قررت اكتب جزء من ما مررت به في حياتي. ماعرف شنو لي خلاني اكتب بس اللي اعرفه انه راح احقق حلمي وڪل فتره اكتب جزء من مسيرتي الدراسية وافتخر بنفسي وارفع رأس اهلي بأذنه تعالى ... ...
ابدأ من الابتدائية😁 مثل اي طالب سجل بلابتدائية ومثل كثير ناس كانو مجتهدين انا كذلك كنت من المتميزين دائـــــــــــــماً درجاتي امتياز ولله الحمد وڪل المعلمين يحبوني وهذا اعتبره فخر. مع العلم من اول مادخلت المدرسة محد علمني ومحد ساعدني ومحد نصحني شلون اقرأ اهلي ما كانو مهتمين انه ُ يدَرسون اولادهم ماعدهم وقت اصلاً
ڪانو المعلمين يگولون فاطمه علمي ابني شلون يقرا مثلچ. 😅 وانا ڪنت صغيره ماعرف شلون اعلمهم الحمد لله ڪنت شاطره واهلي مايفكرون بيا اساسا لانهم واثقين مني وهاي مسوؤلية 😁 لڪن متعبه يعني من جيل الطيبين اللي ما يهتمون بدراسة مثل هسه ...
المهم خلص الخامس الابتدائي وخلص السادس واني مستمره بنجاح 🙏🏻 وبعد ماخلصت العطله الصيفيه قربت تبلش المدرسة لازم نستعد للاول المتوسط والدي گال خلص ما تكملين كنت اضن يمزح رجعنه سألناه كال ماتفيدج لو تفيدج كان خليتج بس ماتفيدج و والدي من النوع اللي يكول لاخلاص يعني لا .. من النوع الهادىء وحساس بشكل حتى نستحي منه كلش ندز امي تتكلم معاه
رجعت كلت لعمي هو مدير مدرستنا يتكلم معاه حتى يقتنع وكلمه وماقبل 💔🙁 كلش مٌـصر على قراره بسبب المدرسة المتوسطه شوية بعيدة من يمنه ونروح مشي وبسبب لاني كبرت ماعدت طفله. 🤦🏻‍♀️.. بحجه الوضع مو زين وكذا يخاف علينا بطلني بعدين اكتشفنا كم شخص قاري براس والدي وكايلة شلون تخليهه بنت حمره صفره.🤦🏻‍♀️يعني عقليات جهل 💔 .. الوضع بالنسبه الي ماساوي وحزن واني اللي كل عيد وكل مناسبه من يسلمون عليا يكولون هلا دكتورة 😍💔 المهم اجت المدرسة وصديقاتي راحو وكل العالم درست الا انا بالبيت مع الوقت احن للمدرسة اكثر مع الوقت اشتاق واتمنى يكون لي صديقات وملابس مدرسة كل سنه تمر من عمري اني نهائياً ماغاب من بالي وغصه بكلبي .. مع العلم اختي اصغر مني بسنه درست وكملت وبنفس المدرسة ونفس الطريق وهي كانت ماتحب المدرسة مثل ماحبها سبحان الله حتى اخواني كملو واني بلبيت تعلمت كلشي لان من النوع اللي ماحب ابقى بنفس مكاني لكن اكو شي بالي ماحققته اكو حلم ميتحقق الا بلدراسة بس مالي حيله حتى كل اللي يسالني شنو حلمج اكول اكمل دراستي اثناء هالسنين مثل اي بنت يجونهه خطىابه جوي هوااي اهلي يكولون عمامهه يردونها فوك كسره الدراسة نوب زواج وصرت بنت كئيبه كل حياتها تصحى تكمل شغل لبيت تخيط وتخجل 🤦🏻‍♀️ ..................

يتبع.......

الكاتبة... طيبه ستار 💞
ملاحظه.. القصة حقيقه تتكلم عن صديقتي فاطمه... ❤♥