(بقلمي أيڤ )
~لعنة الحب~
اللعنة الاولى
~~~~~~~~~~~~~~~~~~~~~~~~~~~~~~~~~~~~~~~~~~~
(2013/9/5 في بغداد الساعة 7:30 صباحاً)
كعدت على صوت المنبه كمت كعدت على السرير وكمت اتمغط صفنت شويه ورجعت كمت فتحت البرده ضرب ضوة الشمس بعيوني رحت للحمام غسلت وجهي وفرشت اسناني ونزلت
كاعدين كلهم على طاولة الطعام
_صباح الخير
الكل: صباح النور
: كعدت بمكاني باوعلي كيان وكال
كيان: شبيج متشائمة
: ليش ما تنجب
كيان: كبر شكلتلج هسة انگلبت الدنيا
كمال؛ كافي اكلو واسكتو
_كمنه ناكل خلصت اول وحده وباوعت على بابا وكلت.... اليوم اروح وياك للشركة
كمال؛ ماكو ماتروحين واصلاً مو عندج دوام
: باباا اليومم جمعه وليش ماروح؟
كمال؛ ترديني اخذج وانتِ تنرتين على الرايح والجاي وگالبه خلقتج عليهم وما تتحاجين وفوكاهة تتأمرين كأن همة خدم عندج؟!
_والله مانتر بعد لا انتر ولا اكلب خلقتي واصير لطيفه واكوم اتحاجه وما اتأمر؟!... وبعدين فوك ما اساعدك تحجي وياي هيج؟
كمال: لَورا لتفرين السالفه عليه!
لَورا: اوكِ مافرها بس اروح وياك واذا سويت بعد هيج لاتخليني اروح!
كمال؛ تمام يلا روحي البسي بين ماخلص اكل والبس لأن انتِ تتأخرين بالبس
لَورا: اوكِ .... ركضت صعدت لغرفتي دخلت لغرفة الملابس مالتي وكمت اباوع عليهن عندي هواي لدرجه سوولي غرفة خاصه لملابسي ضليت اباوع ماعرف شنو البس
اخير شي اخذت بنطلون جينز مشكك من الركبَه وتيشيرت اسود قصير للصره وجاكيت جينز لبستهن وطلعت مشطت شعري وسويته ويفي من جوه وحطيت حمره ترابيه خفيفه حيل و وردي خدود خفيف ومسكارا وسحبت عيوني ب الايلاينر ولبست حذاء رياضي اسود ونزلت
ريان: اخخخ بويهه حلقومم
لَورا: ابتسمت وكلت... أنت حلقوم
كيان؛ هلااا شهل الغزل ما تغازلوني
لَورا؛ أنت بقلاوة
كيان؛ ليش مو حلقوم؟
لَورا: مو اني احب البقلاوة اكثر من الحلقوم
ريان: ايا بر***
لَورا: ضحكنه كلنه سكتت وشويه وحجيت... وين بابا شو اتأخر
زمرد(الأم): غير راح يسبح ويبدل
لَورا: ها هيج يعني منا الباجر يالله يطلع... كعدت على التخم(القنفة) انتضره
أنت تقرأ
لعنة الحُب
Acakقصة حقيقية.... كــلَ الـلعَنـات حـَرام إلا لعـنةٌ واحـِدة.... أجـل هـيَ« لعـنة الحُـب» ....... يرمي بكلامهِ سِهامـاً فيُصـيبني ويـنسى ايامًـا كان بِهـا يُداريني أهـذا الذي بالأمـس منزلاً يأويني ام أنا التي أعطيته كُـل مـافيـني؟ بقلمي أيڤ ....
