الصديق السحري || التولبا ||

معلومات عن الصديق السحري || التولبا ||

التولبا او الصديق السحري هو كائن انت صنعته بواسطة عقلك الباطن و معه الوقت راح يصير حقيقي و يصير عنده حياته الخاصه برضو.....✨

طيب طيب كيف يصير عنده حياته الخاصه و انا الي صنعته؟؟
سووو مو بس كمان برضو يصير عنده مشاعر لازم تحترمها!!

كيف طيب اشرحي؟؟
سوو التولبا هو كائن حي برضو نفسنا و عنده عالم زي ما احنا عندنا عالم

طيب طيب كيف هو يعني مفروض صديق خيالي من خيالي كيف يعني؟؟ كيف صار حقيقي؟؟

انت دحين لما تفكر تسوي لك صديق سحري 🪄 عقلك الباطن راح يستجيب بس لازم تؤمن بذي الفكره و انها حقيقه و كذا راح يبدا يجيك صديق سحري من عالم موازي و طبعًا هم نفسنا احنا البشر في مننا طيبين ومننا العكس هناك برضو كذا لأنه ببساطه هم زينا عندهم عالمهم في اشرار و اخيار بس عالمهم غير عن عالمنا و عشان كذا لازم نحترمهم  و ما نعتبرهم خدم لأنك انت صنعتهم عشان ترا هم عندهم عالم احسن منك و هم جايين يساعدوك ك صديق ميصير تقوله انت كذا و انت سوي كذا لأنه عنده مشاعر برضو يحس يحزن يفرح يتفاجئ و كذا....🕸✨

و طبعاً هو مرح يكون كذا موجود من العدم لازم انتم تسوون خطوات عشان يظهر لكم

و لازم يكون لصديقك السحري اسم عشان يعرف اننا نتكلم معه موب القرين

و التولبا بعد يكره انه يكون عندك حبيب او شخص معجبه فيه هممم اعتقد بعضكم راح يقول يعني كيف حتى لو مشهور؟
طالعوا هو عادي بس انو مثلاً ميصير تسموا التولبا حقكم على اسم ذا المشهور و تخلوا شكله زيه برضو لأنه بيحس انك صنعته بس عشان ذا المشهور و بيحس انه نسخه من احد برضو و هو عنده مشاعر سوو كذا بيحس انك تستغليه

و برضو مو بس في صديق سحري برضو في صديقه سحريه يعني انتم تقرروا وش جنسه بنت او ولد

المهم مدري شقعدت اهبد لكم دحين خلونا نبدا بالمعلومات اعرف الي فوق برضو معلومات بس ذيك معلومات طويله هعع

المهم يلا المعلومات القصيره✍🏻✨

١ _ الصديق السحري يستطيع ان يجعل اي شخص يحبك بسهوله🌪✨
٢ _ يصنع لك اي عالم تبغيه بس انتبهي اختاري عوالم كويسه 🫶🏻✨
٣ _ إذا مكنتي تبغيه خلص قولي له ودعاً يا صديقي إلى الأبد ............ بهبد جريده تحت إذا كنتم بتسووا كذا ⬇️
٤ _ و زي ما قلت لكم عنده مشاعر يعني إذا زعلتيه اعتذري له لأنه يخزن و يمكن يروح!!!
٥ _ هو ما ينتقم إذا قلتي له ارحل يختفي بمجرد تذكير عقلك الباطن انه خيال💭
٦ _ يخليك تسافر لأي مكان تبغاه و للأكوان و يكشف لك العجائب و الأسرار و يطيك طاعه عمياء إذا جعلته مارد سحري 🤌🏻✨
٧ _ لا تخلي صديقك على شكل مشهور او ميت !!
٨ _ لا تكتبوا الصديق السحري زوج او حبيب يمكن يصير خطير☠️...
٩ _ اذا كان عمرك تحت ١٤ لا تسويه عشان يمكن يستغلك
١٠ _ لا تخليه وحش او مصاص دماء او مستذئب

المهم خلصت دحين بهبد لكم زي ما قلت لكم برقم ثلاثة فوق ⬆️
شوفوا لما تقولوا له كذا انتي حتكوني كذا قتلتيه!! لا تسويه من البدايه اذا انتي مرح تتحملي المسؤليه يعني كأنك قتلتي شخص هو عنده مشاعر يعني فكروا قبل لا تسووه ماهو لعبه !!! اتمنى فهمتوا🤌🏻😃

و بس خلصت هبدت لكم كثير و انا معرفكم
المهم بالمره الجايه بعلمكم كيف تسووه