كل شيء يمر
ولكن ليس كل شيء ينسى "
لا تنسوا التصويت بالنجمه والتعليق على الفقرات فضلاً وليس امراً🤎🫶🏻
———-
" ميان "
مصعب: شبيچ إسراء .. شبيچ حبيبتي بس كوليلي؟؟
شهكت مصدومة وخليت ايدي على حلكي
-بس لا إسراء بنت عمتي!!!
انتفضت بسرعة من شفته كام من مكانه متوجه للبيت مفور .سديت الشباك بسرعة ورحت سويت نفسي ملتهية ..
دخل للبيت يصيح باسمي شبي هذا؟ خليت وطلعت يمه
-شبيك شبيك تلعلع چنك دلالة؟
-لج انتِ وتالي وياچ شكد ما اكتل بيچ متوبين هااا متوبين لسانچ هذا وتالي وياه؟ وبعدين تروحين لبيت جدي تسوين مشاكل انتِ شوكت نرتاح منچ ومنن مصااايبج ؟
-والله عيني معليييك فتهمت والله يالله تالي وكت بس ضلت المزعطة عليه
نطيته ظهري اريد اصعد فوك ماحسيت غير نجريت بقوة من شعري وكعت بالكاع وصار يسحل بيه ريحان تصيح وماما هم بس ميرد
-اليوم اربيچ من جديد ميان اليوم انه اعلمچ
يجر بيه بكل قوته حسيت فروة راسي نشلعت
-هدددننييييي يااا حيوانننن الله يكسررر ايددك
ركضت ريحان تحاول تفكني منه بس ماكدرت دفعها بقوة و وكعت بالكاع سحبني من شعري للمخزن امي تصيح عليه يعوفني وهبط ضغطها ماكدرت بعد تدافع عني او تفكني من ايده وهو مايشوف كدامة من الأعصاب
أنت تقرأ
تحت مسمى الشرف
غموض / إثارةبقلم/ رغد خليل تحت مسمى الشرف ( الجزء الاول ) نحن مَن ارض العِراق ، انخلقنا بين طيات الظُلمِ نحن في عائلة تتبع العاداتِ والتقاليدُ ، نعيش تحت الاعِراف ليُحكم على كل شيء جميلةً بالقتل ، بحكماً عشائرياً ، اجتمعنا اربعة .. ولكُل إثنين منا معاناة مَ...
