"အစုတ်ပလုတ်ကောင်လေးတွေ"
ဆောင်းဟွာတစ်ယောက် မိမိတိုက်ခန်းလေးသို့ပြန်ရောက်ပြီဖြစ်သည်..
လေးပင်နေတဲ့ ခန္ဓာကိုယ်ကြီးကိုတရွတ်တိုက်ဆွဲရင်းနဲ့ပဲ အိမ်တံခါးသေချာပြန်ပိတ်ရင်း အထဲရောက်တာနဲ့ဖိနပ်ချွတ်ရမည့်အကျင့်က ခြေထောက်ဆီလက်အလိုလိုရောက်သွားစေသည်..
မူးတာကမူးတာ အသန့်ကြိုက်တာကကြိုက်တာ မတူဘူး အိုခေနော်
"နောက်တစ်ဝိုင်းပါဆိုတာကို ငါ့ကိုပစ်သွားကြတယ်"
"အားးး"
အိမ်တွင်းစီး slipperလေးစီးပြီး ဧည့်ခန်းကဆိုဖာပေါ် မိမိလွယ်အိတ်နဲ့အတူ မိမိကိုယ်ကိုပါ ပစ်တင်လိုက်တော့သည်
Tv remoteကိုတက်ထိုင်မိတာကြောင့် လင်းလာသော screenကို ဝေဝါးသောအမြင်ဖြင့်သာ ငိုင်ငိုင်ကြီးငေးကြည့်နေမိသည်..
'နောက်သတင်းတစ်ပုဒ်ဖြစ်ပါတယ် ဒီနေ့မှာတော့ ဘူဆန်မြို့မှာ ဘွန်းမောဆာဘုရားကျောင်းမှာ အာရုဏ်တက်ချိန်ကစပြီး လူအများစည်းကားလျက်ရှိပါတယ်'
'တစ်နှစ်ကိုတစ်ခါ ကံကောင်းခြင်းအတွက် ဂွန်းဂျောင်န်တောင်မှ ကျားနတ်အရှင်သခင်ဆီ လာရောက်ဆုတောင်းကြခြင်းဖြစ်ပါတယ်'
"ဟောလ် လူတွေလည်းတကယ်အလုပ်မရှိအလုပ်ရှာတာ"
ပြောရင်းနဲ့ ဆောင်းဟွာ ခြောက်ကပ်ကပ်ရယ်လိုက်သည်
"အဲ့လူတွေတော့မသိဘူး ကျားနတ်အရှင်ကတော့တော်တော်ကောင်းနေလောက်ပြီ"
အိပ်ခန်းထဲသွားဖို့ ဘေးကကျောပိုးအိတ်ကိုယူရန်လှည့်ကြည့်မိတော့ ဘေးအံထဲထိုးကြိတ်ထည့်ထားသည့် အဝါရောင်စက္ကူလေးက တီဗီကအလင်းကြောင့် ထင်းလို့ရယ်
ပျင်းရိပျင်းတွဲနဲ့ပဲ ကြေမွနေတဲ့ထိုစာရွက်လေးကိုဖြန့်ကြည့်မိတော့ ချွဲစံဆီကရထားတဲ့ အဆောင်လို့ထင်ရတဲ့စာရွက်လေးဖြစ်နေသည် တစ်ဆက်ထဲ သူပြောဖူးတာကိုပါကြားယောင်လာမိသည်
