خلاص باعنا يا عين ليش تحيري💔💔
من قبل دايرها نوى تدميري
......
ماهيش اول مرة
فرحان لما يعيد فيها الكرة
ومن قبل دايرها بكل مسرة
وما درتها وماهيش في تفكيري
لا عد عشرة ولا رجع بالجرة
اللي باعنا وماشي بهواه لغيري
وقدامنا باين اليوم تعرى
شفناه وعرفناه بالتصويري
ومش كل مرة سالمة هالجرة
جاء اليوم هاهو صابها تكسيري
ويا عين خودي عهد واخر مرة
ما ندوره ولا نقول هذا طيري
وعندي وفا اليا اليوم صاين سره
مدفون راهو في غياهب بيري
وقداش مرة بين كره وفره
كانت بسر وموش بالتجهيري
خلاص انتهى راهو اسباب مضرة
انسي تعبنا ووين تبي سيري
.................
