حواء بلا ادم

الجزء السابع

فهد بتوتر /كنت عايزك فموضوع
چود باهتمام/ اتفضل
فهد بتوتر /طبعاً انتي عارفه ان قعدتنا كدا مع بعض غلط فانا بقول اننا نتجوز علي الاقل تبقا قعدتنا مع بعض حلال
چود بهدوء/انت متعرفش حاجه عني عايز تتجوزني ازاي
فهد بابتسامه بسيطه يشوبها التوتر/عرفيني
تنهدت چود بقوه ثم تركت هاتفها الذي كانت تتصفحه قبل دخول فهد قائله
انا هقولك اي اللي حصل وبعدين احكم
من حوالي تمن سنين اتقدملي واحد بيشتغل محاسب في شركه كان واضح جدآ انو بيحبني وانو شريني وكان بيقول لماما الله يرحمهاطول مفيا النفس هخليها اسعد انسانه في الدنيا ماما لما حست انو شريني وبيحبني وشغله كويس واهله محترمين وافقت واتخطبنا وبعدها بسنه اتجوزنا
فهد مقاطعا اياها قائلا بصدمه /هو انتي متجوزه
چود بسخربه/كنت
فهد/كملي
چود / اتجوزنا وعيشني اول شهر في الجواز احلي شهر شفته في حياتي وبعدها اتقلبت حياتي لجحيم كان لما يجي يلاقيني تعبانه ومش منظفه البيت يفضل يضربني لحد مكون هموت في ايده يسيبني ويقولي لو قولتي لاهلك هقتلك وادفنك ومحدش يعرف عنك حاجه كنت بخاف وبسكت ولما ارفض اسلمه نفسي يضربني
واسمعه وهو بيكلم بنات ويعاكسهم واسمعه وهو بيقولهم هجيلك البيت لما مراتي تروح الشغل لحد مفيوم قعدت من الشغل واستخبيت اشوفه بيعمل اي
لقيته فعلا لبس وطلع طلعت وراه واتاكدت من كل حاجه وبعدها بفتره اكتشفت ان اللي كانو معاه يوم متقدملي مكنوش اهله كانو ناس ماجرهم لما عرفت كدا بقيت اخد برشام منع حمل علشان محملش منه
واكتشفت انو بيشرب ويسكر وهو كان ايام الخطوبه الشاب التقي النقي لحد مجه اليوم اللي الاقيه داخل عليا البيت بواحده وبيقولي جهزي نفسك انتي بعدها
ولما طلبت الطلاق مضاني علي تنازل علشان مطلبش منه حاجه بعد الطلاق وكان مجهز الورقه وكانه مستني اليوم ده وجه فضحني في الشارع وفهم الكل ان انا اللي خاينه وبس
لم تنتبه لتلك الدموع التي تنهمر كشلال الا عندما انهت كلامها وجدت فهد ينظر اليها بشفقه كيف لها ان تتحمل ذلك كيف لهذا ان يطلق عليه رجل هو حتي لا يستحق لقب ذكر
مسحت چود دموعها قائلا/لسا علي رايك
فهد بإصرار/ايوا يا چود لسا علي رايي انا بحبك علي فكره وعايزك بردو
چود بهدوء/وانا مش موافقه ولو علي قعدتنا انا ممكن انقل بيت تاني
فهد/مش موافقه لي انا متجوزتش قبل كدا اديني فرصه اني اثبتلك حبي ممكن اغير وجهه نظرك في الرجاله
چود /انا لو اتجوزتك ابقا بظلمك معايا انت واحد متجوزتش قبل كدا حقك تتجوز بنت بنوت انا واحده معقده من الرجاله يعني انتي لو رفعت ايدك تطبطب عليا هفكرك هتضربني هخاف  لو غيبت في الشغل هفكرك بتخوني لو شفت واحده بتكلمك هشك فيك فلي نتعب نفسنا وغير دا كله انا واخده قرار ان انا مش هتجوز كان فهد سيتكلم لكنها اسكتته بقولها عن اذنك عايزه ارتاح وياريت متفتحش معايا الموضوع ده تاني
انسحب فهد بحزن يغلفه الهدوء نعم احبها بصدق وكان يامل ان تكون له ولكن تجري الرياح بما لا تشتهي السفن
ذهب كل منهم للنوم بعد صراع طويل مع الواقع هو لم يتقبل فكره رفضها لها وهي تبكي لتذكرها ما مضا
وها هي قلوبهم تائهه لا تعرف اين المرسي
في صباح يوم جديد
استيقظت چود وهي عازمه علي ان تبدأ حياه جديده كيف لا تعرف
اما هو لم يرغب حتي في الاستيقاظ من النوم فما الدنيا بعد فراق الام وهجر المحبوبه لم يستطع ان يخرج من غرفته احس انه كالابله ضعيف قليل الحيله احساس العجز تملكه كما يوم وفاه والدته
ذهبت چود للعمل لم تنتظر الاخر و انتهي كاي يوم مع المزيد من التفكير في القادم والحزن علي الماضي ولكن ما بليد حيله ظلت تتمشي في شوارع المدينه تلك المدينه الجميله علي عكس حارتها
احبت المدينه جداً لم تشتق لبلدها حتي تمتمت في نفسها يكره الانسان الغربه لشعوره بلوحده  ماذا عن انسان احس بلوحده في قلب وطنه وبيته بلتاكيد لن يتأثر بتلك الغربه
انتهي اليوم بسلام
وعادت چود للمنزل لتنام حتي دون ان تاكل
اما هو فلم يستيقظ حتي لينام يشعر بلاحباط بخيبه الامل
*****
كدا انتهي البارت عارفه مفيهوش احداث كتير
بس تتعوض المره الجايه
توقعاتكم للجاي