ثأر القهار

_ مـشهد _

مـشهد أول (1)

دكيت باب ذاك البيت
انفتح بس الي فتح الباب لازم بيده اسلاح

ضحكت بتلاعب

_ شنو هاي الغيبه
اُستاذ ... .

: بس كلي شلونها الرجعه .
: صاروخيه .

يأشر بسلاحه بمعنى ادخل
: وعيونك انتَ وجبه دسمه حرامات افوتها .

: اليوم نشوف منو الراح يصير دسم .

كعدت على احدى بايات الدرج
شتسوي ببيت ... .

: مثل ما تعرف عفتك على تواصل وياها
بس كالوا بالجديد  .

ذكر اسمها وكمت اريد اهجم علي
: لا وردة رييح رييح اعصابك .

-- بتهديد: اهدم البنيته هاي السنين الجنت مختفي بيهن على راسك وحق شيبات ابوك النايم بكبرة وتعرف ابوك شلون عزيز عليه وما احلف بي جذب .

نزل اسلاحه
وتقرب يفتر صوبي ويحجي
: ما كتلي هسه من شوكت اخذت ثارك ، جنت واعدني بكُل خطوة سوه احنه .

: اتأخرت واجتني فرصه ما ردتها تروح من ايدي

خنكني وحط السلاح براسي وصاح
: وفرصتك اختيييي
ولك فرصتكككك الي ربيتهااا انييي .

من بعد نقاش سوف يُذكر داخل الحكاية
ختم كلامه

زفرر ولزم گلبه
: والوردة الجنت منتظر اقطفها حته احطها بحديقتي الجنت مختفي احظر حتى اجيبها يمي  شنو ذنبها وهيج ذبلتها

سلط عليه نظراته
سحب اسلاحه
وكمل كلامه:- دمرت روحي الجنت انتظرها ...

صوت السلاح
والرصاصه احتلت جسدي
احس روحي انشلت بالكامل
اخر كلماته السمعته ينطقها
بتهديد
: راح احرمك من شوفت اختي

مـشهد الثاني (2)

من بين هوستهم أنسحبت بقوه أبچي واصرخ من دموعي ما أشوف دربي عيني على بيبي وأني انسحب اندفعت للدوانيه
عيونه مغوركه دمع بس ما تنزل دموعها

بقى واكف ومتچي على الباب نزل على الإرض لم رجلي وضم راسه بيهم سمعت صوت شهكاته
قشعر چسمي
يبچي بقوة
بدون شعور لون وجه صار احمر وعيونه كذالك

بده يضرب على راسه بقبضة أيده
انظر الايده تتراجف
وكعت أبجي يمه

سحبني من زندي لقربه حضني بقوه
صوت شهكاته زادت
عيونه مابيهم دموع بس حمر دم
: راحت ولج راحت حته ما لحكت اشبع منها شوف ، لا شبعت من حضناتها ولا من كلامها الحلو ، اااااخ بيبيي اااخ گلبي عوزه جماله مقبط يبيبي شلون بيه اتحمل فراكچ وأنا حته ما شابع منچ ، أنا السبب كله مني

ضل يضرب عله راسه بقبضة أيده بقوه ويلوم بنفسه
لزمت أيدي وبعدتهن ضرب نفسه هواي
لزمني من حنچي ، حچى وهوه راص على سنونه بنبرة صوت حادة