قـدرنـَا: أحبج/أحبك

part /7

مصطفى: ولك كو** تضرب اختي وتغلط عليها تعال اعلمك.. لزمته ونزلت بي ضرب ودك بوكسيات وكلها لتمت

ابو أيلين: مصطفى شكاعد تسوي شكوو

ام كرار: يمه موت ابني الله لاينطيك

مصطفى: ضرب اختي ويسب عليها هذا العار اليوم اله أموته

كرار: اختك أخذها يعني اخذها وذا ما أخذتها ماخليها تتهنى بحياتها

مصطفى بعصبيه وصياح: يا من***... واجست هم شبعته ضرب

أيلين: اريد أوخر مصطفى بعد تعصب وكلها لتمت واني أكره هيج مواقف وعركه وصياح ماأتحمل حسيت بدوخه وصداع وأصواتهم العاليه لحد ماصحت بصوت عالي... كاااااففففييي أههخخ راسي وبعدها ماحسيت بشي

مصطفى: من صاحت أيلين شفت أجتها حالة الانهيار ركضت عليها ورش عليها مي وتفتح وتغمض حضتنها وأهداء بيها وامي تبجي وكرار طلع  حسيت مابيها مجال لازم أخذها للمستشفى أخذتها  وشكلو ألها مغذي كالو

مصطفى: ها دكتوره بشري

الدكتوره: ولله عدها أنهيار كلش حاد أنتبهو الها ومالازم تتعصب وهذا اسم العلاج خلو يمها ؏ طول

مصطفى: تمام شكرا دكتوره... فتت شفتها لكيته كاعد تفتح

أيلين: كعدت لكيت نفسي بلمستشفى... اههخخ راسي

مصطفى: الحمدلله على سلامتج شونج هسه

أيلين بتعب: الحمدلله زينه... دك تلفون مصطفى وطلع

مصطفى: شفت سيف يدك تذكرت اليوم اتفقنه نطلع نتعلل سوه... هلا ابو السيف

سيف: هلا بيك ها ولك هيمت تجي

مصطفى: عذرني خويه بس ماكدر اجي لان اني بلمستشفى

سيف: خيير شكوو

مصطفى: ولله سالفه طويله جبت أيلين عدها نهيار عصبي

سيف: دقايق واني يمك بيا مستشفى...

مصطفى: مستشفى **** وتعال بسرعه حته نرجع وياك سيارتي خبلصن بانزين

   سيف: تمام.. سديت الخط واني تخبلت رحت بوجهي للمستشفى

أيلين: منو ألي أتصل مامه؟

مصطفى: لا هذا سيف

أيلين: اممم هيمت نطلع من هنا

مصطفى: انتضري هسه  ؏ يجي سيف لان سيارتي خلصت بانزين

أيلين: وعع الريحه  اوف....

سيف: سلام عليكم 

أيلين مصطفى: وعليكم السلام

سيف: الحمدلله على سلامتج

أيلين: الله يسلمك.. مصطفى خلص المغذي يله اريد اطلع

مصطفى: تمام