أيلين: مر على زواجي 5 اشهر حرفيآ مرتاحه وسيف معيشني مثل الملكه ووكل شكم يوم نطلع ونتونس وعمتي علاقتي وياها كلش حلو وكلهم زينين وياي
أيلين: عمه راح اطبخ باميه ودولمه شنو رأيج
أم سيف: اي ولله بنتي اجيت اكلج سويهن اساعدج
أيلين: لاعمه انتي رتاحي
أم سيف: ولله ضوجه وأتسله هم خلي اطبخ التمن
ايلين: براحتج عمه... ثرمت الدولمه وعمتي اجت لفت وياي دولمه بعدين خليتها ؏ نار وكطعت الحم وطبخت الباميه وعمتي سوت التمن
أم سيف: روحي بنتي بدلي واكشخي هسه يجي زوجج
أيلين: تمام عمه وانتي هم روحي اكشخي وغمزت 😉
ام سيف: لا يا عوبه متعلمه من اسامه
أيلين: ههههه شسوي... رحت سبحت ولبست دشداشه مرتبه لونها ماروني وخليت مكياج خفيف وحضرت ملابس لسيوف شويه وفات سيف
أيلين: الله يساعدك حبيبي
سيف: ويساعدج شلونها الغاليه
أيلين: الحمدلله يله فوت اسبح وصلي هسه اسامه يتخبل اذا ما نصب الاكل ب 1
سيف: تمام حبيبه شنو الغده
أيلين: سويتلك دولمه وباميه الي تحبهن
سيف: اموت عليهن جيبي بوسه... مح
أيلين: يله سيوفي بسرعه... نزلت لكيت عمتي مسويه لبن ومحضره تمر وطرشي وحضرت كلاصات وببسي وصبينه نزل سيف وعمي هم أجه صارت سفره تجنن
أسامه: نادره مرت اخويه عاشت ايدج يخبل الاكل
أيلين: عوافي
سيف: عاشت الايادي عمريي
أيلين: الف عافيات
ابو سيف: اني نطوني الباميه وبس عاشت أيديجن
ام سيف أيلين: الف عافيه
اسامه: تره هيه أيلين الي طبخت
أيلين: نجب جذاب عمتي هم ساعدتني
اسامه اني انجب ياحيه بعد ما اشتريلج
سيف: نجب حيوان الحيه انته لاتنسه تره كاعد تاكل طبخها تره تكوم
اسامه: العفو العفو ست أيلين ولله اشتريلج يوميه
أيلين: اي عفيه صير شطور.... كملنه صعدنه فوك بدلت تراك وتمددت بحضنو
سيف: احبج
أيلين: اني اكثر حبيبي شنو رمز تلفونك
سيف: أم عيون
أيلين: ههههه ام عيون
سيف: اي ام عيون
أيلين: بقيت شويه اكلب بجهازو بعدين حضنتو ونمت
أنت تقرأ
قـدرنـَا: أحبج/أحبك
Romanceالقصه تحجي عن شخصين تواجهم فرح وحزن الحياة وصعوبات وأحداث الحياة ولازم يتخطون هل أشياء سويه🤍أيلين/سيف
