قصتي مع خادمتي الشخصية 💋💋(مكتملة)

الجزء الأول ❤

الجزء الاول
*
*
*
*
*
*
مني كنت صغيرة ماما ديما كانت كاتقولي كل بنت في الداخل ديالها هي اميرة ماكايناش شي بنت حسن من اخرى و انتي ابنتي غادي تكوني دائما اميرة واخا غير فالعالم ديالك.
و فعلا كنت اميرة لي بغيتو كايحضر زوينة و عينيا الكبار و الخضرين كانو كايعطيوني واحد السحر كيفما كانت كاتقول ماما ولكن ماشي داءما داكشي لي كانحلمو بيه كايتحقق انا هنا ماشي باش نروي ليكوم قصة خرافية ديال اميرة لقات الامير ديالها و عاشو بسعادة لا هاد الاحلام كولهوم تبخروا من بعد هاداك النهار لي كنت مريضة فيه و غاديين بيا واليديا للمستشفى و للاسف كانت الشتا كتيرة و درنا كسيدة فقت من بعد شهر ديال الغيبوبة و انا يالاه عندي 10سنين تلقيت اول صدمة فحياتي لي هي الوفاة ديال والديا لي عتبرت نفسي انا المسؤولة على الموت ديالهم من بعد هاد المأساة تتلاو المآسي في حياتي أولها الافلاس ديال شاركة بابا لي مابقا عندي والو حتى داري خداوها فقدت كلشي فلحضة وحدة هادي هي سخرية القدر و ضطريت نتربى فميتم **
بعد مرور 8سنوات : سميتي يارا 18سنة طويلة رقيقة شويا مي دايرا فحال شي عارضة ازياء و كيف ما قلت ليكوم عينيا خضرين و كبار بزاف شعري طويل و اشقر هادشي راجع لاصولي الفرنسية فقدت والديا فحادتة سير ماعانديش خوتي و تربيت فميتم و لكن دابا مع وصلت لسن الرشد خرجوني و عطاوني شي باراكا و قالو لي سيري الحمد الله لقيت عندي الباك ديالي و لكن كيفما عارفين صعيب تلقل خدمة فهاد البلاد مهم دفعت للجامعة الدولية للرباط و لي كادخل ليها غير شكون و شكون و انا منيسا لانها تقبلني اخر حاجا نتوقعها و لكن القدر بعض المرات يفاجئنا و كيف هاد المرة كانت مفاجاة زوينة انني تقبلت في جامعة الاحلام انا متاكدة كون كانو الوالدين دياولي حيين كون كانوا فخورين بيا و لكن خصني ضروري خدمة و فين نسكن مشيت كنقلب فشي قهاوي فواحد الحي الشعبي خرجات ليا واحد المرأة غليضة و كتكمي و طلبت مني اشنو باغا قلت ليها خدمة و هي تقولي اشنو كاتعرفي تديري قلت لها كلشي و مشيت و ريتها المهارات دياولي قبلاتني فالخدمة و لكن شرطات عليا ان هاد شي لي عانخدمو يالاه غادي يخلص ليا السكنة و للاسف دابا خاصني باش نعيش . لشنو غادا ندير..يتبع
*