قصتي مع خادمتي الشخصية 💋💋(مكتملة)

الجزء الثالث ❤

*
*
*
*
*
مشيت لعند عمي احمد لي ستقبلني بطريقة مزيانة بزآف و عاودت ليه على المشاكل لي و اقعة فيهوم : عمي احمد: اشنو غادي نقول ليك ابنتي باباك كان راجل مزيان وانا منقدرش نخليك هاكدا انا غادي نتاصل بشي معارف دياولي و يكون خير انشاء الله . انا: شكرا اعمي بزآف معرفتش كيفاش نرجع ليك هاد الخير. عمي احمد: عترجعيه ليا بانك تشرفي واليديك و تكوني سعيدة ابنتي وهاكي هاد البراكا عاوني بيها راسك حتى تخدمي. انا: منقدرش اعمي نقبلهوم. عمي أحمد : لا ابنتي الا مخديتيهومش غادي نتقلق منك بزآف. انا :شكرا. خرجت وانا فرحانة الحمد الله الله ماكايسد باب حتى كايحل بيبان مشيت كنجري لاتعود الباطرونة يطلع ليها الدم كون راه القهوة عامرة . كملت شغلي راجعت شويا و مشيت انعس وانا كنطلب من الله يفرج عليا فقت اليوما الصباح و انا كولي نشاط فطرت لبست حوايجي لي مكنبدلهومش حينتاش عندي غير زوج اللبسات. مشيت للجامعة دازت الحصة مملة كيف العادة مشيت للكافيتيريا حتى تلقاو ليا واحد التلاتة المونيكات كابات على وجهوم 4kg ديال الماكياج ههه : البنت 1:اجي اهاديك الخدامة . البنت2:كنتي البارح بلعاني باغا تجيبي سبتك على زاك . البنت3:ماعمر الامير ماكيديها فالخدامة دياولو فهمتي . يالاه بغيت نجاوب و هو يجي سيمو و قال ليهوم : و انتوما غاديين تموتو . وهوما يهربوا مشاو كابجريو هههه. طلبني سيمو نعاونو يشري حوايج جداد حينتاش انا بنت و عارفة اشنوا كايعجب لبنات مهم مشيت معاه نعاونو باش يعجب هاديك البنت لي على حساب ماعاود ليا سميتها اميمة وهي بنت شي مليونير و باباها قريب من عائلة زاك علاش هادشي هي كاتبغيه مني كانت صغيرة اما سيمو فهي كاتشوفو غير صديق رغم انه حتى هو تبارك الله راه بخيرو. مهم دوزنا وقت زوين حينتاش ولا صعيب فهاد الزمان تلقى أصدقاء و خصوصا من الجنس الخشن هه مهم وصلني للدار بغيت نقول القهوة ليوما معنديش الخدمة غير مشيت و انا نعس حتى كايفيقني صوت التيليفون شفت فالساعة لقيت يالاه 9 مهم جاوبت لقيتو عمي احمد قالي غدا ندوز عند شي ناس من ورا القراية و هوما لي غادين يخدموني . فرحت و شكرت عمي احمد لي بلا بيه معرفتش اشنوا كنت غادي ندير..

*
*
*
*
*
الصبح فقت لبست احسن حوايج عندي سرحت شعري او درت شوية المكياج ومشيت المدرسة دازو الحصص الصباحية بنفس الروتين من بعدها مشيت للمقابلة العمل و قفت قدام العنوان لي عطاني عمي احمد و بقيت كنتاكد واش خطات لا العنوان صحيح ممتيقاش راسي هادا راه قصر صونيت جاو لعندي 2 لخدامات سولوني عن سبب الزيارة قولت ليهم مقابلة العمل قالو لي اه نيت المادام كاتسنا فيك مهم دخلوني في الحقيقة هاد القصر الداخل عندو حسن من الخارج قالوا لي تفضلي بقيت جالسة كنتسنى حتى كاتبان ليا جايا عندي واحد المرأة كلاس و زوينة غادي نكون في الأربعينات بالحق باقا محافظة على شبابها :المرأة: سلام بنتي . انا: سلام مادام . المرأة:بلاش ماتحتاجي تعيطي عليا مادام عيطي عليا حياة. انا: واخا. حياة:مهم انتسناو راجلي يجي باش نهضرو فالخدمة. بقينا كانتسناو فراجلها حتى دخل واحد الراجل زوين و حتا هو كلاس طويل غادي تكون عندو شي 50 عام دخل سلم علينا : الراجل: مهم ابنتي انا سي حسن نتي غادي تكوني يارا انا كونت كانعرف باباك الله يواليه بيرحمته و كان رجل الله يعمرها دار لهدا تقنا فيك ابنتي و بيغيناك تهتمي بولدنا الوحيد. انا: اه اكييد اسيدي على الراس و العين. سي حسن: و لكن المشكل هو ان ولدنا صعب المراس و كاع المربيات و الخادمات لي كانو عاندو مكيمرش شهر و كيهربوا . انا: ماتخافش ا سيدي كنضن راسي قادرة نهتم بدري صغير. حياة:هه المشكل انه مشي دري صغير هو عندو 19 عام . انا: 19 عام !؟ سي حسن: عافاك ابنتي لاما قبلي هاد الوظيفة حنا غنهتمو بكلشي السكنة و لللباس و الصحة و الجامعة كولشي على حسابنا. انا : اصلا اسيدي واخا نبغي نرفض منقدرش حينتاش معنديش شي حاجا ا خرا . حياة : شكرا ابنتي تقدري تبداي الخدمة من غدا و من دابا جيبي حوايجك و جي راه بيتك كايتسناك. ماتيقتش راسي و اخيرا غادي نتهنا من هاديك لحياة ديال الويل واخا راسي بقا مشطون من هاداك الدري لأي درجة غادي يكون صعيب مهم انني خاصني نتحداه منقدرش نضيع هاد الخدمة. مشيت جمعت حوايجي و خرجت من هاديك الخدمة و دخلت عجبني بيتي الحمد الله على كلي حال كنتمنى نقدر نحافظ على هاد الخدمة...#يتبع