#انت_قدري

البارت الاول

#انت_قدري

بقلم الكاتبه ام زيزو
نبدي القصه. بسم الله تعالى

مرحبا
اسمي ريام
مواليد 1995
طالبه كليه اداب جامعه بغداد
من سكنه. محافضه بغداد جانب الكرخ
من عائله. تتكون
من
بابا علي مواليد 1968 خريج معهد تكنلوجيه موضف وعنده محل ملابس رجاليه

ماما سهاد مواليد 1973 معلمه  اختصاص انكليزي

آخـتي الكبيره رانيه مواليد 1993 خريجه علوم سياسيه متزوجه ابن عمي اسمه زيد وعدها ابنيه وولد
واني وبعدي اختي الاصغر مني
رزان مواليد 1998
ماعدنه اخ احنه بس ثلاثه بنات
بابا الوحيد الي عنده بنات شابات من اخوانه البقيه عدهم. بــَس صغار اكبر وحده 2009
عندي 2 عمات. وحده عايشه باربيل اسمها احلام عدها بــَس بنات 2 وحده متزوجه ابن عمي والثانيه مخطوبه لابن عمي الثاني
والثانيه عايشه بديالى اسمها زهره عدها 3 ولد و2بنات كلهم. متزوجين لاقراب ابوهم
هاي اكبرهم. كلهم حته اكبر من الولد 
وعندي 4عمام عدا بابا
عمي الجبير محسن عنده 4 ولد واحد منهم زوج اختي
يصير
زيد و بكر و محمد واحمد
زيد مواليد 1986ماخذ اختي
وبكر مواليد 1988ماخذ بنت خاله
محمد  مواليد 1990
واحمد مواليد 1993
بعدهم ممزوجين
والاصغر منه عباس عنده 3 ولد ياسر وايسر تؤام مواليدهم 1990
وعمار مواليد 1994
بس ياسر متزوج بنت عمتي الي باربيل
ايسر من هو وصغير عمره يوم واخذته عمتي الي باربيل عايشه هي مربيته جانت بوقتها بعدها ممزوجه ولان متعلقه بي حيل ورا زواجها بفتره اخذته يمها هي وزوجها يحبونه حيل ومدللينه وهم ماعدهم ولد  بــَس بنات  و حته ميجي لاهله كولش قليل يمكن مرتين بس شايفته من كبراخر مره قبل 5 سنوات تقريباً شفته بعده ممتزوج وعمار يحب بنت عمتي وخطبها تصير اخت مرت ياسر
والاصغر منه. بابا
والاصغر منه حميد عنده ولد و2 بنات علي ورقيه ومعصومه
والصغير محمد عنده 2 ولد و2 بنات حسين وحسن وريتاج وروان

عمي الجبير هو شيخ عشيره كاعد ابيت جدي كولش جبير بنص مزرعه. صاير وعمامي عباس ومحمد وحميد وياه.كاعدين بــَس كلمن بيت وحده داخل المزرعه من سكنه. محافضه ميسان بابا الوحيد الي ساكن ابغداد طلع. تعينه. بوقتها. ابغداد وماما تصير بنت عم بابا من سكنه بغداد جانت وتزوجها. وبقه ابغداد كاعد بس على طول يروح الاخوانه مكاطع. بيهم ابد

طبيعه عائلة بابا مياخذون وينطون اله للاقارب مينطون وياخذون الغربه ابد هالشي ممنوع عدنه. بالعائله تقاليدهم
اختي رانيه من جانت تداوم جامعه جانت تحب طالب وياها 4 سنوات حب ومن تخرجو تقدملها فوك ال10 مرات ورفضو بابا وعمامي لان غريب وغصبوها تزوج. واحد من ولد عمامي هي اختارت زيد رغم متحبه. جانت بس بعد الزواج حبته وتاقلمت. وياه وهو يحبها حيل وصار عدهم. ابنيه وولد علي و فاطمه

احجيلكم عن نفسي
مواصفاتي حنطاويه شعري اسود طويل
عيوني سود كبار رموشي طوال عندي غمازات وخدود وزني 65 طولي 165
احنه ماخذين شمره بغداد لان ولادتنه وتربيتنه. وعيشتنه كولها ابغداد لذالك. نختلف عن بقيه عمامي طريقه حجينه ولبسنه من نروح لبيت عمامي او بيت جدي نسمي احنه من نوصل نذب الحجاب اني ورزان بس رانيه من تزوجت التزمت. بالحجاب كدام ولد عمي بقت تلبس