#انت_قدري
محمد
اعتذر اجيت بوقت مو مناسب
ايسر/بأبتسامه وهو يفرك بشعره ايي والله خويه بوقت ابد مو مناسب بس تعال هلابيك
اباوع على محمد عصر كف ايده حيل قوي احس نار تطلع من عيونه دار وجهه راد يله بــَس ايسر مخلاه يروح
كعدو بالهول جانت بوقتها لعبه العراق ومتفقين يشرفوها سويه هنا على الهدوء
كام ايسر سوه نركيله
وكلي ريومه اكو فواكه بالثلاجه رتبيلنه ماعون
سويت ماعون مرتب وطلعت كرزات هم ماعون خليت الطبله بنصهم وخليت عليها الصينيه
كعدت يمهم همه يتفرجون ومندمجين اني اباوع بس هـًُّـيًُْـچ مااحب الطوبه
جاين من. طريق وتعبانه نعست حيل بقيت اتثاوب
ايسر باوع عليه كلي حبيبي كومي طبي للغرفه نامي مبينه نعسانه
ريام/اي والله حيل نعسانه راح اروح يم رانيه انام بغرفتها
ايسر/زيد موجود نازل طبي نامي بغرفتي وبليل باتي يمهم عود
ريام/مااشي شفت محمدباوعلي ورفع تك حاجب دنكت وطبيت للغرفه تمددت على جربايه ايسر وراساًغفيت
فزيت على شي ناعم يمشي على خدودي فتحت عيوني لكيت ايسر بيده ؤرده ويمشيها على وجهي
ايسر/صح النوم يااحلوو
ريام/هلوو باوعـت على الورده جوي احمر اخذتها منه بقيت اشم بيها كمت كعدت لفيت شعري ليفوك كوتله يله خلي اروح يم رانيه
ايسر/يله امشي نروح
ريام/رحنه اني وايسر لبيت عمي بقه يمنه لليل وهم سهره بالحديقه وكولنه ملتين سوالف وضحك اما محمد عبوس الوجه العيون حزينه حيل بليل ايسر كدامهم باسني من راسي كال محتاجه شي حبيبي اروح انام
كوتله لا ســَلامتك
كال يله باجر تحضري نروح نختار غرفه
تصبحون على خير
تمشيت وياه للباب هو وراح واني طبيت كولتلهم تصبحون على خير وكبل طبيت للغرفه
نمت
ثاني يوم
اجه ايسر عليه اخذني ورحنه بس اني وياه المعارض الغرفه اختارينه غرفه بيضه فخمه حلووه بس بقيناها يمهم. بين ميجهز الغرفه
رجعنه كال تعالي ويايه ساعديني نفرغ الكنتور والغرفه لان غرفته القديمه انطاها لعلي ابو عمي هي هم تركيه ومرتبه. بس ناعمه مو فخمه
تلكتنه عمه كالت هاا حبايب بشرو اخذتو غرفه
ايسر/اي يمه اخذنه غرفه بيضه حلووه نفس صاحبتها.
باوعلي وغمز
احلام/شايفين كل الخير يمه انـ شـاء الـلّه اترسولي البيت جهال
ايسر/انشالله يمه انـ شـاء الـلّه
يام/
طبينه للغرفه اني وياه فتحت الكنتور مالته وبقيت اطلع بالملابس واسفط كوومه ملابس كوتله دااحس نفسي اصفي محل ملابس مو كنتور
ايسر/كل مااروح التركيا اجيب جنطه ملابس من هناك
ريام/عزززا هاي ينراد الكنتور بس الك زين واني وين اخلي ملابسي
أنت تقرأ
#انت_قدري
Любовные романыتدور الاحداث حول فتاة تخلت عن الذي يحبها لتحقيق احلامها وتذهب لمصير مجهول
