#انت_قدري

البارت الثاني

#انت_قدري
محمد/اني مااريدها

ريام/حجاها وهو مخلي عيونه بعيوني حسيت نضراته اليه كلها عتاب وحزن مهتميت المهم مااصير لولد عمي

محسن/لَيــِْش بويه انت مو تكول من الصغر هاويها لبت عمي شغير قرارك هسه

محمد/جر نفس قوي وكال اي بويه غيرت قراري انه صح جنت هاويها بس هاي بالصغر كبرت وتغير تفكيري
يحجي ويباوع عليه ورافعلي تك حاجب

علي/يعني ماكو شي بعد واكف بطريق لابنيه نكدر نكول

محمد/اي عمي بنتك حره وماكو شي بطريقها

حجاها وكبل كام طلع من الاستقبال باوعت عليه صعد فوك هو غرفته فوك سحبت نفسي وصعدت وراه دكيت باب الغرفه سمعته كال منووو ادخل
فتحت الباب وطبيت وهاي اول مره اطب الغرفته وهو موجود بيها وحدنه

محمد/عقد حواجبه هاا ريمه شرايده

طبعاً من اني وصغيره وهو كله ريمه يصيحلي

ريام/لكيته متمدد على الجربايه من شافني راساً كام كعد على الجربايه
محمد اكدر احجي وياك شويه

محمد/اي تفضلي

ريام/اني اشكرك هوايه لان اتفهمتني ومكسرت بيه

محمد/ريمه انه صح احبج وجنت مخطط تصيرين اليه وباني احلامي وامالي عليج بس اذا انتي ماهاويتني يابنت عمي قابل اغصبج كلشي ولا اتزوج وحده مغصوبه عليه واله تدرين بحجايه وحده انتي تصيرين اليه بس اتمنه يابنت عمي ماتندمين على قرارج الي راح تاخذينه

ريام/لا
دااحجي ودك تليفونه اشرلي بيده يـعـنـي اسكتي وفتح خط

محمد/الووو هااا ضلعي بعد روحي شلونك ابن عمي خويي
بـﺨـيـﺮ دامك انت بـﺨـيـﺮ وعلي مشتاقلك ماتسويلك جايه لهنا چا انت شنهي صرت ابن اربيل بعد ماتريد ديرتك

والله حقك انشالله شجم يوم واجيكم اليوم بيت عمي علي يمنه وكلها ملمومين مكانك خالي والله

انشالله الله يسلمك وانت سلملي على عمتي هوايه بـٍْْـٍْ؏ـٍْْد روحي ايسر دير بالك على نفسك محتاج شي خويه

ربي يسلمك حبيبي الله وياك

ريام/عرفته جان يحجي وي ايسر الي اعرف بي علاقتهم كلش قويه اصدقاء خصوصاً همه نفس العمر

محمد/اي ريمه شجنتي تحجين

ريام/هيج ماكو شي المهم حبيت اتشكرك منك واكولك مراح اندم على قراري

محمد/اي بيها الخير انشالله

ريام/شكرا يله راح انزل تصبح على خير درت وجهي داريد افتح الباب اطلع

محمد/ريام

ريام/درت وجهي عليه هاااا

محمد/اتمنالج السعاده وراحة البال واي شي تحتاجين اني موجود بضهرج ابن عمج وسندج لتنسين هالشي