ريم : اكيد اخاف عليهم بس احبه ولا يمكن اني اهده ؟؟
نوف : انا اشوف تهدينه ابرك ليش ادخلين عمرج ب مواضيع انتي بغنه عنها
ريم : انتي تعرفين اني احبه ومستحيل اهده ليش تقولين جي
نوف ب توتر ملحوظ : اءء ماشي بس يعني اخاف عليج
ريم بشك : طبي ع الموضوع
نوف : نزين شرايج نطلع ؟
ريم : منو بيودينا يعني
نوف على طول : سلطان
ريم : مستحيل !
نوف : ليش يعني ؟؟
ريم : بس
نوف : يلا عاد
ريم : لا يعني لا
نوف بمكر : ريم ياخييي م بنطول
ريم : خلاص زييين طوفي بس نتي اللي رمسيه
نوف وهي مستانسه : تم
سارو عند سلطان
نوف : سلطان نبا نطلع
سلطان ب استغراب تم يطالع ريم بمعنى شو ؟
ريم : اءء هيه سلطان طلعنا م بنطول شويه بس
سمعتهم عنود
عنود : اممم ريم ابا اي وياكم عادي
ريم : ه. . .
قاطعتها نوف : احس ماله داعي لانه م بنطول اصلاً
عنود : عادي جاهزه انا م بأخركم
ريم : تع. . .
قاطعتها نوف مرا ثانيه : بس امج وخالو يالسين روحهم يمكن يحتاجون شي تمي وياهم
عنود تضايقت ، و ريم استغربت !!
نطقت بسرعه : عادي عنود تعالي اساساً م بنطول وامي وخالو لو يبون شي ميريي موجودهه يلا سلطان نسير
سارو يركبون بس سبقتهم نوف وركبت يدام
كلهم استغربو و اولهم ريم
عنود : اءء نوف ممكن تخليني ايلس يدام
نوف : خلاص يلست انا
عنود : بس ابا ايلس صوب اخوي ؟
نوف : نزين الى هو كرسي شو يعني
ريم بغرابه : خلاص سكتو
ريم : سلطان ممكن اشبك ؟
سلطان : هيه يلا
شبكت ريم وحطت اغنية راشد الماجد ( عظيم احساسي )
عظيم إحساسي ومن الشوق فيني شي ما ينقال
وفقير الحب قدّام اللي بين ضلوعي لك شِلته
أحبك كثر ما تسري بشراييني وتجي ع البال
وكثر ما في خفوقي لك كلام ما بعـد قلته
ودمعت ريم وانتبهت عليها عنود بس م رمست
سارو صوب البحر ويلسو صوب الرمل ونشت ريم وقربت من البحر ولحقها سلطان
سلطان : ريم
ريم : هلا ؟
سلطان : فيج شي؟
ريم : لا
سلطان : ليش تصدين عني
ريم : م اصد
سلطان : عيل ليش م ترمسيني شرات قبل
ريم : م. . .
داهمتهم نوف ورتاحت ريم ان انقذتها
نوف : ش تسوون
ريم : ماشي
نوف : هيههه ، علومك سلطان
انصدم سلطان من جرائتها : طيبه الحمدلله
نسير صوب عنود اللي يالسه روحها وتفكر ومضايجه من اللي يصير
وهي شاكه ان نوف وراها شي
كلو وردو البيت
سارت نوف بيتها
وعنود سارت عند ريم الغرفه
عنود : . . .
