ريم فجت عينها شوي شوي
بصوت متقطع : س . سلطان
سلطان فز : عيونههه
ريم : اسفه
سلطان : على شوو مب ذنبج
ريم صاحت : والله اسفه مب بأيديي كنت خايفه تأذي حد فيكم وما كنت ادري انها هي اصلاً
حضنها سلطان لين هدت ورقدت بحضنهه
وعقبها طلعوها من المستشفى وردو البيت
ثاني يوم سار سلطان عند عنود
سلطان : عنود
عنود : لبيه
سلطان : طرشي لي الفويس مال نوف
عنود باستغراب : ليش ؟؟
سلطان : طرشي وبس
عنود : اول شي ليش ؟
سلطان : افففف طرشيي وبخبرج
عنود : نزين
طرشت له
سلطان : وين بيتهم ؟
عنود بفهاوه : منو
سلطان : صحصحي بيت نوف
عنود : ليش
سلطان : اوهووو بسج اسأله وقولي
عنود : افف زين لا تعصب
سلطان : بسرعه
عنود : عندي لوكيشن بيتهم كانت مطرشتنه حق ريم وريم طرشته لي
سلطان : حوليه بسرعه
وطلع بسرعه قبل لا تسأله بعد
ركب موتره وتوجه صوب بيت نوف
دق الجرس وطلع له اخو نوف
